Matiu 24:14 - Godoni vuʼa maiuʼina

¹⁴ 'E'eje ijí Godoni arijihuni vu'a maa maiu'iniji kwaka mapoka kakino najahapene ohuna. 'Ejakame kwaaka mapokakino ea ka'ene hijujijahija ijaho hina ka'eja'e iji'a mwe'akara pa'arehuni urijaho rohuna.

Matiu 24:14 Iomraidhean Croise

Matiu 10:7

'Enareje va'e najahareje ijá 'wara'avara Godoni arijihuni 'unama niturana roana'omo mai'o piunahuna 'iavara.

Matiu 18:19

'Ena vukú'o na pina 'wara'i veju. 'Ene ja ea no'o ahume iki mwe'i nimaa ve'i kaivo siporua 'one unenu'u pina'e jari'avajaho Nuni Oma ka'ene akúpa 'ahi hinujara eha vehuna.

Matiu 24:3

'E'ikaivo pu va'e Arivi huri'i hi'eme Huni tisaiporu pupusu roe Hu ijá 'wava Vea vecha ijá kajaho re'ena? Mwe'akara pa'are'iro ve'amani urijaho marako'a iraki rejakame nú kamareje A ivi'a ro'iro venu 'wa'eje A ro'ena 'wavara.

Matiu 24:6

'Enakúne ja he'eje kwaa araka mapokakija ajira vene 'ee ijí ajira vehuni pinana kajaho 'urina rohuna. Ija'inijaho re'eja vo ijaho mai'o ura paru'e'unukúne patea juna'avara.

Matiu 4:23

'Enarena Jesura va'e Karari vaja kaji 'uraha oji'i puni Sinakoku vaji Godoni arijihuni vu'a mai maiu'ina najahana. 'Eji'i eaka mapokijihi atama ani ani'ina ka'ene rena'e 'ee 'uniravajija vejume sonahiara.

Matiu 9:35

'E'eme Jesuho va'e ara mama'ina 'ee ara ma'u'umaa ijino puni Sinakoku ka'ene namijujino Godoni vu'a mai maiu'ina ka'ene Huni ara rona 'waramaji najahana. 'Eji'i ea ka'ene atama 'uniravi'ina 'ee unenu'u 'aho'a ani'ina renaujija vejume sonahiara.

Maka 13:10

'Enakúne Godoni vu'a maiu'ina kwaa ara mapokakino naja'avara.

Ruku 2:1

Ijí vea kajino kamati Sisa Aukasitasira 'waravume ea ka'ene hura kwaa ara ka'ene 'ajohaujija iha ta'irono ea mapoka nianae va'avarono 'waramana.

Ruku 24:47

'Ene Huni iha 'ahiji Jerusaremi rene va'e eaka mapoka ka'ene kwaaka mapokakino hijujija najahe pu puni sisea vwihane temukave aremamaa arevakame Godira puni sisea vwihanie arehuna.

Ruku 4:5

'Ejume hu Jesu ahema va'e huri'a 'ahi namine kwaa ara mapoka kajaho ni'aha kwinu nahana.

Akisi 1:2

apene va'u va'o va'e vea ka'ene Hura kahi akúpa 'ahi va'aji va 'e'ujuta. Hu va'amarono Godoni 'Aveni vaji Huni apasorua ka'ene Hura iji pijihajija raka ka'ene pu vehunijaho 'waramana.

Akisi 11:28

'E'eme poropetia pina huni iha Akapasiho Godoni 'Aveni ni'ajahumakame hu 'urine nami'i kaivo mwe'a kakino 'oravea natohwa rehuna 'waramana. 'Ena'omo túna'i Karautiasira 'ajohani veijino 'oravea renana.

Akisi 17:31

Ijihuni maijaho Hura mwe'ake 'otua arimaa ea ka'ene iji pijaha jihuni vaji vetihunijaho vea niranamana. Hu ijí ea maho'o najaharena Hu vejume kwamajaho 'urinana 'iamana.

Akisi 17:6

'Enakaivo pu papiunimareja pu Jesaniho 'ee ea 'aho'a ka'ene nimaa roji'inijija pu irisama va'e ara kajihuni ea mama'ina puni nini va'ara. 'Enareja pu ijá 'umeja Ea ka'ene mwe'akake 'unama apene ta'arohujija 'u'o iki roara.

Akisi 19:27

Ike núni kaukara ikara pa'arene 'ee varapi rehuneru pana kaivo napara godia ira'ata natohwa ka'ene Aritimisi oni Temiporua maa pa'ana reje 'ee Esia 'ee mwe'a ikino hua oja mahe 'ee huni pinanaka mamaijaho niho'o pa'arena va'u 'iamana.

Akisi 20:25

Heha! Na niheju. Ea ka'ene na hu'úmo 'urahe o'eju'e na Godoni ariji najahujaho ja nuni varira kú'o pakihuna.

Romani 10:18

'Enakaivo pu nimai ira kaho pahejare? Pu nihena kavara. Ijihuni maijaho puni ira uhoa kwaaka mapokakino va'ara 'ee puni vu'a kwaa ara maho'o kino va'ara.

Korasia 1:23

'Enakúne ike nimaaroakaho hena vene 'ee ija kisi 'uname namiha. 'Ene ja paki'eje vu'a maiu'ina kara iraka ka'ene rehuna 'waravume hejaji raname arema va'ava. Ijihuni maijaho ike vu'a mamaa maiu'inakaho kwaa ara mapoka ka'ene ike akúpa hari navukipo he'avarono 'waravara. 'Enajihuna'e na Poruho ijí ve'urono iji pijihana.

Korasia 1:6

Ijí vu'a maiu'ina kajara joni roaja'ina'e 'u'o 'e'une kwaa ararakino va'e hine majaa 'ina renu 'ee rausahe emarenu. 'Ene ni areri vea ka'ene ja Godoni maiji vwihanie ijihuni nimaiji hene kavume renaja'ina'e renu.

Hipuru 1:6

Godira vea ka'ene Huni Hariha ranavume iki mwe'i roani veijino Godi kú'o ika'ina 'waramana. Veje Godoni 'ona oji'ina maho'o Hu oja ma'avara 'wamana.

Hipuru 2:5

Ijihuni hahi mwe'a pini ka'ene rohunaka 'waravujaho 'ona oji'ina mwe'a kajaho pa'ajohuna.

Revaresiani 14:6

'Ejume vukú'o na ka'eme 'ona oji'ina pina ichutoi jaivi'i Godoni majama hihuni vu'a maiu'ina apene ea ka'ene mwe'i hijuji kwakwa maho'one 'ee arara 'ee ira ani ani'ina 'ee amuja mapoka 'waramana.

Revaresiani 16:14

'Ejakame pu 'avena sisea ka'ene uneunecha areri emaa pavehuniji vejura. Pu mwe'a sisa mapoka kihipuni kinia va'e 'eka ahumahareje Godi Ni'ima'uri jihuni vea natohwa ka'ene ajira vehuniji 'ajahuna.

Revaresiani 3:10

'Enajihuna'e ja Nuni ira hena majama vejujija Nara vea vutua sisea vena kihuni vajijaho tanurihe ja paaruhuna. Mwe'akaho maho'o 'ee ea ka'ene ijí hijujaho vena kihuni vea nituranu.