Matiu 23:8 - Godoni vuʼa maiuʼina

⁸ 'Enakaivo ja paveje ea 'aho'a ja najahi'ina 'i'avara. Ijihuni maijaho joni Najahi'inijaho kwinu'wina. 'Enakaivo ja Huni vwehija.

Matiu 23:8 Iomraidhean Croise

Matiu 10:25

'Enakaivo tisaiporu ijara huni tisa ijí vare'ina'e re'ipisa areri reje 'ee pweijara huni natohwiji vare'ina'e re'ipisa areri reja'a. 'Enakaivo pu ijí sea anesura kajaho Pierisiparu 'wa'avajaho pu ijí sea kaji hijujija 'u'o ni'aha kwino sisea 'wava'a.

Matiu 17:5

ni'aha kwino 'imitia hanaji'ina puni hura kajaho sa'eme 'imitia vaja kajino ira roe ijá 'wama Ikaho Nuni Hariha ka'ene Na niho'o ura renia paraju'e oja mahi'inijinakúne ja Huni ira hami he'avara 'iamana.

Matiu 23:10

'Enakúne ja paveje ea 'aho'a ja rone núni mama'inijihije 'i'ava. Ijihuni maijaho joni Natohwijaho kwinu'wi Kerisona.

Matiu 23:7

'Ene pu maketia vaji emaapo pu 'ajorahuna'e ura renaura. 'Ee emaapo najahi'ina i'eje ohuna ura renaura.

Matiu 26:25

'Ejumakame Jutasi ka'ene Hu nahamahuna kajara eha vene ijá 'wama 'Wi! Najuhi'ine na pana 'wamana. 'Ejume Jesu ijá 'wama Ara orono 'waramana 'wamana.

Matiu 26:49

'Ena'omo hu ajiru Jesuni nini 'e'unarena Jesu ijá 'wama Ese Najuhu'ine 'wa'i kaivo ura mina venana.

Maka 10:51

Jesu hu apoma ijá 'wama A ura raka'e Na veta'ejo? 'wamana. 'Ejume ea nia supavi'inijara ijá 'wama Najuhi'ina A veje na kú'o nia niriuma 'wamana.

Maka 11:21

'Ejume Pita kama vwihana ijá 'wama Najuhi'ine kare kama. Mataka ka'ene Ara sirimajaho niho'o saranana 'wamana.

Maka 14:45

'Ejume Jutasi vea panisa'ika'i va'e Jesuni nini va'i kaivo ijá 'wama Najuhi'ine 'wa'i kaivo ura mina venana.

Maka 9:5

Pita 'urina Jesu ijá 'wama Najuhi'ine mamaa vene nú ja pu'úmo hiju. Nú joni sosura ara venahuna. Pina Ona vene pina Mosisi ona vene pina Iraija ona vehuna 'wamana.

Ruku 22:32

'Enakaivo Na oni siporua 'ojura'omo ara nimaa ronujaho pa'ohuna. 'Enareje a kú'o 'uname Nuni ro'amajaho ara Nuni ehijakija najahakame pura nimaa rojujaho ija kisi apena puni una'i saname vehuna 'wamana.

Joni 1:38

'Ejume Jesu aroma kimajaho pu Hu 'ararihae va'ara. 'Ejume Hu aporama ijá 'iama Ja iraka savo? 'iamana. 'Ejume pu eha ijá 'wava Rapai (ijihuni maijaho Najahi'ina) A ichihi hinune? 'wavara.

Joni 1:49

'Ejume Nataneru eha vene Hu ijá 'wama Najuhi'ine A Godoni Hariha 'ee A Isureri opuni Kinia 'wamana.

Joni 11:8

'Ejume Huni tisaiporuepo ijá 'wava Najuhi'ine ahu'ukakaru Juapo A muni 'ana'iro saravara. 'Enavo 'ú A kú'o 'uname ijí va'i 'úmo? 'wavara.

Joni 20:16

'Ejume Jesu ijá 'wama Meri 'wamana. 'Ejume hu ta'arohi'i Jua puni iri ijá 'wama Raponai 'wamana. Ijihuni maijaho Najuhi'ine 'wamana.

Joni 3:2

'Ena'omo Nikotimasi na'ii roe Jesu ijá 'wama Najuhi'ine nú niheju A Godoni rene roajihuna'e Ara venuja'ina'e ei pini areri vehuna pana. 'Enakaivo Godira Hu hu'úmo hi'amajarana 'wamana.

Joni 3:26

'Ejume pu Joni oni va'e ijá 'wava Najuhi'ine Hena! Ea ka'ene kara'ahuni Jotani na'ija'i a Hu rone nú 'warumajaho Hu ea toi samau'e ea mapoka'e Huni nianaa rou 'wavara.

Joni 4:31

'E'eme ijihi'a kajano Huni tisaiporuepo 'iruma i'iro 'ejahae ijá 'wava Najuhi'ine 'iruma ina 'wavara.

Joni 6:25

'Enareja soha 'ona kara'i pu Hu piunavara. 'Enareja pu ijá 'wava Najuhi'ine A vecha ika roane? 'wavara.

Joni 9:2

'Ejume Huni tisaiporuepo apoma ijá 'wava Najuhi'ine ea irahuni sisei rejume hu nia supavi'ina'e nahejare? 'Ú ea ikehunina ho emahwapunine? 'wavara.

2 Koritia 1:24

Nú joni nimaa roijihuni natohwa rene 'ajoahuna pana kaivo joni temari jihuna'e ja pu'úmo ahume kaukara veji'ina. Ijihuni maijaho joni nimairoa vajijaho ja kikisima'ura'e rene namiju.

2 Koritia 4:5

'Ene nú núni vu'a parone 'waravu kaivo Jesu Keriso Hu Natohwiji rone ja 'waravu. 'Ene nú Jesu onijihuna'e joni pwea rejara.

Epasasi 3:15

Kachi'ina mapoka ka'ene akúpi 'ahi hijura 'ee mwe'i hijura puni iha huni vaji 'ekura.

Pairimani 1:16

'Ena'omo hu iviamaakaho pwea kaivo pwea puni 'unami ja'ina pana vo nuni vwea ka'ene na oja mahujina. Ikaho nara hu oja mahujina vo iviamaa hu oni vu'ujaho haharu pana vo Natohwi jihuni vaji vu'ujihuna'e ijara marana asima paranana.

Jemisi 3:1

Vwehu nune veje ja ea mapoka najahi'ina pare'avara. Ja nihena kavuja'ina'e nú ea ka'ene ija'inijija ni'ima'ura'e eha sisea apehuna.

1 Pita 5:3

'Ene jara sipia ka'ene 'ajoha'avarono irechamiajija 'ajoha'avara kaivo joni 'unama mamaijino vene najahi'i 'ajoha'avara.

Revaresiani 1:9

Vwehu nune na Jonira joni asurakaho mutumutu iha Patimasi hiji'i veju. Godoni vu'a 'ee Jesura núni maa ka'ene venaji rone na ea 'aho'a 'waravumakame senavume na tipurai ranamiara. Nú ja pu'úmo 'ajori Jesuni vaji ahija vaji aruvara. 'Ene Huni harura hari hine 'ee Hura ni'ajú'eje ata kairasahe 'unama ariri hiju.

Revaresiani 19:10

'Ejume na huni una'i one oja ma'i ve'eme hu ika'ina 'warimana. A paka'eje ija'ina'e ve'ama. Na 'u'o pwea areri a 'ee oni vwehija ka'ene Jesu rona 'waravi'inijihipu vare'ina. 'Enakúne Godiru oja ma'amana. Poropesi jihuni maijaho Jesuni vu'a ka'ene samaumai najahujina 'wimana.

Revaresiani 22:9

'Ejumakame hu ika'ina 'warimana Ija'ina pavena! Na 'u'o pwea areri a 'ee oni vwehija ka'ene poropetia 'ee ea ka'ene puka kehuni vaji vu'iji hena vejajihipu vare'ina. 'Enakúne Godiru oja ma'amana 'wimana.