Matiu 22:13 - Godoni vuʼa maiuʼina

¹³ 'Ejumakame kinijara pwehwaha 'waravume pura eakaho apene ija mumora kamome apene pi'onavume ma'ahi nutuma namajino va'arena nirame 'ee upaja chanichanivi'i namana.

Matiu 22:13 Iomraidhean Croise

Matiu 12:29

Ichá'ine ea pina va'e ea ka'ene harusini jihuni sea ajime Huni 'iruma 'eka va'ena? Hu maijaho maraku'a ea ajisina kajaho kamomapi nina'i kaivo iji'a huni 'iruma kajaho nesi 'eka va'amana.

Matiu 13:30

'Enakúne maka'eje 'ina kajaho ajive ija sisea kaji 'u'o ajimuva'o 'ina kajaho tuvakavi'i iji'a nara ea 'aho'a 'ekakame ijipo ija sisea kajaho jaheji'i useakame 'eka va'e veni jahuna kaivo 'witia kajija tairevi'i irechahuna 'iamana.

Matiu 13:42

'Ejakame 'eke ato'aruma'e vena ka'ene niho'o ani'ina vajijino renareje niramarume kuchikuchivi'i upaja chanichanivi'i nahuna.

Matiu 13:50

'Ene 'eka va'e vena ka'ene renujino ato'aruve ijí renareje kuchikuchime 'ee niramarume upaja chanichanivi'i nahuna 'iamana.

Matiu 24:51

'Enareje hura eha mahareje ranave ea ka'ene ira'asinijipo tinia ka'ene niramarume 'ee upaja ja'i'uji'i hijuri tinijino vahuna.

Matiu 25:30

'Ejakame ijí pwea sisea kajaho pi'onave va'e ruha ka'ene nutuvi'iniji va'e nirame 'ee upaja ja'iuji'i hihuna.

Matiu 8:12

'Enakaivo ea iki mwe'i hi'avajija samai ato'aruma'e nutuvi'inijino va'e niramarume upaja ja'i'uji'i nahuna 'iamana.

Ruku 13:28

Ja ruha ka'ene niramarume upaja ja'i'uji'i nahunijino hiji'i Eparahami ho Aisiki ho Jekapi ho 'ee poropeti ki'eje Godoni ari 'uraha oja kihuna kaivo jajasu ato'aruma'e usehuna.

Joni 21:18

Na a nimaa nimaa 'waravu a vea ka'ene kivasa hinajaho a orono vwiha irame a ura ichihichihi va'i 'ahaujaho ijí va'una kaivo a emaa re'amajaho a ichihichihi ura va'i 'aha'amajaho pu iji 'unaramone vwiha iramahe a kwaa ka'ene pava'i 'aha'amaji pu aherame vahuna 'wamana.

Akisi 21:11

'Ena'omo hu núni roana. 'Enarena hu Poru oni charia ka'ene hu 'ahi iramajaho rasame huni ija mumoraji'i vevahavi'i ijá 'iama Godoni 'Avena na ijá 'wima Ike charia kehuni omijaho Juapo kahino Jerusaremi apene ika'ina vevahame apene Jenitarua mihuna 'wimu 'iamana.

Akisi 7:54

'Ejume pu ijí henareja Sitivini ajinama oja 'uhusamia para'ejume upaja ja'iujume chanichani vaja'eme kavara.

2 Tesaronia 1:9

'Ene pu eha sisea ka'ene ape'avajaho niho'o aneja púsa pa'ana'e apene 'ee Natohwi jihuni una'a 'ee Huni hanaji'ini jihuni harura rora maho'o ranave pa'arehuna.

2 Pita 2:17

Ea ikija areri toa 'úja ka'ene pa'arene navuja'ina 'ee areri 'imitia'e asiasi'i 'anaa va'uja'ina. 'Ejume ea kajihi puna'e niho'o nutume na'ina'i vajama namuji 'ajaha hiju.

2 Pita 2:4

Ijihuni maijaho vea ka'ene 'ona oji'inapo sisea vejajaho Godiho pamakimana kaivo Hu pu ato'arumaume veni va'ara 'ee ma'oa ka'ene nutuvi'ina vaji irechamiu'e 'otua ve'irono hiju.

Juta 1:13

Pura sisea ka'ene vejujihuni juhijaho areri sohi ajira amene sapa re'eju'e chiha ani rene siserasahe navuja'ina. Pu areri chinapo majikari jaheusahu ja'ina. 'Ena'omo nututa ka'ene na'i na'ii vajame navujaho puna'e aneja púsa pa'ana'e ranavu'e 'ajiha namu.

Juta 1:6

'Ene 'ona oji'ina ka'ene puni tinia nimaa nimaijaho arevajija Hu senia ka'ene majama nahunijino kamorame irechamiu'e nututi Godoni 'otua ka'ene vea ni'iniji 'ajaha hiju.

Revaresiani 21:27

'Enavo uneunecha chiha rukina ea sisesa ea ira'asina ijija ara natohwa kajihuni vwichijaho pava'e aruhuna. 'Enakaivo ea irahuni iha Remui jihuni puka ka'ene majama hihuniji na'amajara pupusu ijí ara natohwa vaja kajaho va'a aruhuna.