Matiu 20:24 - Godoni vuʼa maiuʼina

²⁴ 'Ejumakame Huni tisaiporu 'aho'a ka'ene iropu ropu ijija ijí vu'a kaji henareja pu ijí 'u'uahe'o pokahe'o puna'i niho'o ajinavara.

Matiu 20:24 Iomraidhean Croise

Matiu 20:23

'Ejume Jesura ijá 'iama Ja nimaa Nuni kapusia vaja areri i'eja kaivo mai'o ea ka'ene Nuni ija mana'inija'i asuma hine 'ee ana'inija'i asuma hihunijaho Na ijija areri ijá pavajihuna. Ijí ruha ka'ene Nuni Omijara amairiujaho ea irahija'e iji pijiha jihipuna'e amairiahana 'iamana.

Matiu 20:25

Ijihuna'e Jesura pu 'umenaume nianae Huni roume Hu ijá 'iama Ja nihena kivura. Jenitaru puni 'ajoha'ina mama'ina 'aho'ijija vu ajisina 'ahopo 'ajoahaura.

Maka 10:14

Jesu kimarena niho'o sevuma ijá 'iama Sesamaa paroturi'avara kaivo maki'eje Nuni ro'avara. Ijihuni maijaho Godoni arijaho ea ka'ene sesamaa puna'i vejujihipuni ara.

Maka 10:41

'Ejume ea iropu ropu ijí henareja pu Jemisi Joni puna'i sena vena 'urarahara.

Ruku 13:14

'Ejumakame ea natohwa ka'ene Sinakoku 'ajohi'inijaho Jesura ea vejume Jua puni Sapatia veijino marajumakame ajimana. 'Ejume Hu ea kajihi ijá 'iama Ja na'ia iropu kwinu vajijino kaukaraa vehunakúne ijino roajivakame veje marania'a kaivo Jua puni Sapati veijaho paro ve'avara 'iamana.

1 Koritia 13:4

'Ene oja mihuni 'unamijaho masuanu ajuarane hijujine oja mihuni 'unamijaho epuna'i mamaa'e vejujina kaivo paajiname oja sisea vwihajura. 'Ene oja mihuni 'unamijaho pajarika rene 'ee kehi kehi vejura.

Piripai 2:3

Ja jasumano jonaru vwihajuri 'unamijaho pavene 'ee vwiha maa pa'ajihuna'e kehi kehi vejujaho arehuna. 'Enakaivo vwiha jonijija 'eka masuani ajuarasahe ea 'aho'a mama'ina rone vwihanihuna kaivo jajasu pavwiha'avara.

Jemisi 3:14

'Enakaivo ja niho'o senama parane 'ee joni ojijihuni ura ijiru vwihaji'ina'e re'avajaho pakehi kehi ve'avara. Kehi kehi vejujaho sisea ni'ima'ura ka'ene nimaiji'i ninakaravi'inijina.

1 Pita 5:5

Ja ea maiu'ine 'unama nikwinu'ina kajino ja ea mama'ina puni hari hi'avara 'ee masuani ajuarasahe hijujino ea kwinu kwino same hi'avara. Ijihuni maijaho Godiho ea ka'ene kehi kehi vejujija ninamauna. 'Enakaivo ea ka'ene masuani hijujija maiji vwihaniujaho vajihuna.