Matiu 20:21 - Godoni vuʼa maiuʼina

²¹ 'Ejume Jesura hu ijá 'wama A iraki ura renao? 'wamana. 'Ejume napara kajara ijá 'wama Vea ka'ene Ara ea mapokakehi 'ajoha'amani veijino ike nuni harihijakija pina Oni ija mana'inija'i asumahije 'ee vu pina Oni ija ana'inija'i asuma hihuniji nahama 'warima 'wamana.

Matiu 20:21 Iomraidhean Croise

Matiu 18:1

'Enareja ijihuni vea kajino Huni tisaiporuepo roe Jesu apoma ijá 'wava Godoni arijino ea natohwijaho irane 'wavara.

Matiu 19:28

'Ejume Jesura pu ijá 'iama Na nimaa nimaa ja 'waravu. Vea ka'ene mwe'a maiu'ina ve'avari veijino Ema Puni Harihijara Huni ruha hanaji'ina ka'ene asuma hi'amajino ja ea ka'ene nú pu'úmo ojukija ruha iropu ropu no'ohe'i ijí asuma hinareje Isureri opuni ituha iropu ropu no'o navujija 'otua vetihuna.

Matiu 20:22

'Ejumakame Jesura pu ijá 'iama Ja niho'o raka ka'ene jara jaririvu kajihuni maijaho pahene pakavi'i maiji avaju 'iamana. 'Eji'i Hu 'ijá 'iama 'Ú ja Nara kapusia ka'ene mai'o ihunijaho ja areri ija'ina i'eja 'iavume pu ijá 'wava 'I'a nú areri i'eja 'wavara.

Matiu 20:32

'Ejumakame Jesu areme ijá namiji'i pu 'umenae ijá 'iama Ja ura Na joni raka vena'ejo? 'iamana.

Maka 10:51

Jesu hu apoma ijá 'wama A ura raka'e Na veta'ejo? 'wamana. 'Ejume ea nia supavi'inijara ijá 'wama Najuhi'ina A veje na kú'o nia niriuma 'wamana.

Maka 16:19

Jesu ka'ene Natohwijara pu 'waravuma pa'arejume Jesu apejume akúpa 'ahi va'e Hu Godoni ija mana'inija'i asuma hinana.

Maka 6:22

'Ejume Herotiasi oni 'apaja roe javavume Herotiho ea ka'ene Heroti oni roajijahija kame niho'o ura rena paranana. 'Ejume Heroti napara kajaho ijá 'wama A iraki ura rena'amajaho na ijí mahuna 'wamana.

Ruku 18:41

Na iraka'e a veta'urono a ura renao? 'wamana. 'Ejume hu ijá 'wama Natohwe na ura kú'o nia niri'i 'ahiu 'wamana.

Ruku 19:11

'Enarena Hu ea ka'ene Huni vu'a kaji hejajihi ike haakaho 'waramana. Pu vwihajajaho Godoni ara niro'i venu 'wavara. Ijihuni maijaho Hu Jerusaremi rori va'ajiva jihuna'e pu vwihana 'wavara.

Ruku 22:24

Ea irara natohwa'e rehuniji puni vaja kajino hine pira'aravara.

Joni 15:7

Ja Nuni vaji hije Nuni ira joni vaji na'amajaho ja raka ura renauji jariri'avajaho Hu jona venahuna.

Akisi 1:6

'Ejume pu roe ahuma hiji'i apoma ijá 'wava Natohwe A vea kajino kú'o kwaa kakaho Isureri ora mi'ena? 'wavara.

Romani 12:10

Ja vwea vwipu jona'e oja mihujakaji ea 'aho pu'úmo oja ma'ara'avara. 'Enareje teamana'eje ta'arosara'avara.

Romani 8:34

'Ena'omo ea irara nú namu'ena? Jesu Kerisorane? Hu núnijihuna'e kwamane 'ee 'urinane 'ee Hu Godoni ija mana'inija'i asuma hine núni siporua 'onuna.

Korasia 3:1

'Ejume ja Keriso pu'úmo 'urijara'e re'avajaho uneunecha ka'ene akúpi 'ahi Hunijiru sara'avara. Ijihuni maijaho ijino Kerisoho Godoni ija mana'inija'i asuma hinuna.