Matiu 20:16 - Godoni vuʼa maiuʼina

¹⁶ 'Enajihuna'e ea ka'ene urasahujija túna'i reje 'ee ea ka'ene túna'i rejujija urasahuna 'iamana.

Matiu 20:16 Iomraidhean Croise

Matiu 19:30

'Enakaivo ea ka'ene iviamaa urana va'ujija túna'i rehuna kaivo ea ka'ene masuani túna'i va'ujija urasahuna.

Matiu 21:31

'Enakaivo ea iraka sa'inijara omahoni ira hene venane? 'iamana. 'Ejume pu ijá 'wava 'U'uijarana 'wavara. 'Ejume Jesura ijá 'iama Na nimaa nimaa ja 'waravu. Ea ka'ene takisia apeji'ina 'ee ea ka'ene 'uasa veji'inijipo asitahe urasahe Godoni ara vahuna.

Matiu 22:14

'Enajihuna'e Godira ea mapoka 'umenau kaivo ea makwinu kwinu iji pijihana 'iamana.

Matiu 7:13

'Enakúne vwicha ka'ene ira mwahatitijino vaha. Ijihuni maijaho vwicha ka'ene natohwijaho 'unama ni'ima'ura ka'ene veni va'ujina. 'Eju'e ea mapoka'e ijihuna kajino va'ura.

Maka 10:31

'Enakaivo ea irahipo urasa'avajaho pu túchamai rehuna kaivo ea irahipo túchamai re'avajaho pu urasahuna 'wamana.

Ruku 14:24

Na nimaa 'waravuta'omo ea ka'ene nara marako ona vejume paroajija 'iruma ikehuni sahura paihuna 'wamana 'iamana.

Ruku 15:7

Ea arira ka'ene (99) ijija pana kaivo ea kwinu'wi huni sisea nahama 'warame ta'arohujaho akúpa 'aha niho'o ni'ima'ura mari'uvura.

Ruku 7:47

Na nimaa nimaa 'waravo Huni sisea mapokijaho niho'o vwihajume pa'arenana. Ijihuna'e hu Na oja natohwa'e mihana. Ea irahuni sisea ma'uako pa'arenajaho hu ma'uaku'wi oja mihuna 'wamana.

Romani 5:20

Siseiji 'oi'oi naja'eje mapoka re'avarono Godoni varapijaho roana. 'Enakaivo siseijara emarenajaho Godira maijí vwihanúajara maijí ani'ina'e asima paranana.

Romani 8:30

Ea ka'ene Godira mwe'akaho mai'o pavenani veijino iji pijihajija Hu vejume pu ariramaa rejara 'ee 'u'o Hu venaume ea ka'ene arimaa'e rejajija vejume puni pinana 'urijara.

Romani 9:30

'Ena'omo nú ike uneunecha mapoka ka'ene núra hejajija nú ichá'ina 'wa'eja? Jenitaru ka'ene maraku'a arimaa pasavi'inijija pu nimaa rojajihuna'e arimaa rejara.

1 Tesaronia 2:13

Ikehuni hahi nú 'u'o na'ia mapoka'e Godi teimani 'wavura. Ja vea ka'ene Godoni ira ike núnuna'i apejari veijaho ja emaapuni ira puna'a paapejara kaivo ja Godoni ira nimaa'e apeju ja'ina'e apejara. Ijihuna'e ja ea irara ijí ira kaji nimaa ronujaho joni vaja 'u'o kaukara venu.