Matiu 17:5 - Godoni vuʼa maiuʼina

⁵ ni'aha kwino 'imitia hanaji'ina puni hura kajaho sa'eme 'imitia vaja kajino ira roe ijá 'wama Ikaho Nuni Hariha ka'ene Na niho'o ura renia paraju'e oja mahi'inijinakúne ja Huni ira hami he'avara 'iamana.

Matiu 17:5 Iomraidhean Croise

Matiu 12:18

Godira ijá 'warumana Ikaho Nuni pwea ka'ene Nara iji pijahujina. Na Hu oja mahu. 'Ene Na Hu niho'o kavujaho teamanima paranuna'omo Na Nuni 'Avena Hu samahuna. 'Ejakame Hura Jenitaru 'otua arira vetihuna.

Matiu 17:6

'Ejumakame tisaiporu ira kaji henareja niho'o tea junama parajume pu puni urania mwe'i aruhara.

Matiu 3:17

'E'eme ira kahi akúpa 'ahi rena roe ijá 'iama Ikaho Nuni Hariha ka'ene Na oja mahujina. Na Hunijihuna'e niho'o teamanimu 'iamana.

Maka 1:11

'E'eme ira kahi akúpa 'ahi rena roe ijá 'wama A Nuni Hariha'omo Na A oja mahu. 'Ene Na A kavujaho niho'o teamanimu 'wamana.

Maka 9:7

'Imitia satu'uri'eme ira 'imiti vaji ijá 'iama Ikaho Nuni Hariha Na Hu oja mahu. 'Enajihuna'e Huni ira he'avara 'iamana.

Ruku 3:22

'E'eme Godoni 'Avena areri marahu'ora puna'i jaima ariha roe huni haha 'ahi ajimana. 'E'eme ira akúpa 'ahi rene roe ijá 'wama A Nuni Hariha ka'ene Na oja mahujina. Na A niho'o teamanimu 'wamana.

Joni 3:16

Godi mwe'a kakaho oja niho'o mahajihuna'e Huni Hariha nikwinuna kaivo Hu múhana'omo ea irara Hu nimaa ronujaho hu papa'arehuna kaivo hu majama hihuna.

Joni 3:35

Omahi Hariaha oja maharena uneunecha mapoka maho'o Huni ija tahi vajahana.

Joni 5:37

Amo ka'ene Na ranamiume roujara Huhusumano Na rona 'waramana. 'Enakaivo ja Huni ira niho'o pahejure 'ee Hu ichá'inijaho pakavura.

Akisi 1:9

Ijija 'waravume pa'are'eme pu ijá kavi'i nami'eme Hu apene 'imita vaji va'ume 'imiti tanu'urihume pakavara.

Akisi 7:37

Ike Mosisi ikara Isureri oni harihija ijá 'iama Godira poropetia naa'ina joni vwehipuni vaji veje rene roajihuna.

Epasasi 1:6

'Ene Huni maiji vwihanii'ini jihuni pinaniji ta'aro'avarono Hura oja múhi'ini jihuni vaji ma'ekuana.

Korasia 1:13

Ijihuni maijaho Hu nú nututa huni ara kwaijino vahanume siriramúe 'ekue Huni Hariha ka'ene Hu oja mahujihuni ara kwai irechamúana.

Hipuru 5:9

Ijihuni hahi Godira vejume Hu Ni'ajúhi'ina Natohwa ariramaa renana. 'Ena'omo Jesuho majama hihuni Anesura'omo ea irara Huni ira hena ve'amajaho hu majama hihuna.

Revaresiani 1:7

Ike kaha! Hura ro'amajaho Hu akúpa 'ahi 'imitiji'i rohuna. 'E'eje ea mapoka Hu nii mai kahuna. 'Eje ea ka'ene Hua'e 'anaa pijahajija 'u'o Hu kahuna. 'Ejakame araraka mapokakaho eaka mapoka ka'ene hijujija pu puni niijikano maho'o kamareje niho'o temukave niramaruhuna. Nara raka ka'ene iviamaja ja 'waravukaho niho'o nimaa. Ameni.

Revaresiani 14:14

Ike heha! Na kavume 'imitia sajasa'ina 'ahijino Ea pina Emaa Puni Harihiji vare'inijaho hinana. 'Ene Huni húmata 'ahijaho koraunu ka'ene korutia vejajaho navume Huni ija vaji so'wa echima'uri namana.