Matiu 16:27 - Godoni vuʼa maiuʼina

²⁷ Ema Puni Harihijara ro'amajaho Amoni hanaji'ina 'ee Huni ona oji'ina pu'úmo rohuna. 'Ene ea kwinu kwino pura iraka ka'ene vejujaho eha ija'ina apehuna.

Matiu 16:27 Iomraidhean Croise

Matiu 13:41

Emaa Puni Harihijara Huni ona oji'ina irechamie ijipo mwe'a kakino ea ka'ene emaa venau'e sisea vejujihija 'ee sisea veji'ina kajija nianae 'ekahuna.

Matiu 13:49

'Ena'omo vea ka'ene mwe'akara pa'are'amani veijino Godoni ona oji'inapo roajimareje ea sisea ka'ene Godoni eijihipuni vaji hijujija ahaahuna.

Matiu 24:30

'E'eje ijá re'eje ijihuna vaja kajino Ema Puni Harihijihuni aacha ka'eje ijí 'imitia vaja kajino harura ni'ima'ura hanaji'iniji'i roakame eaka mapoka ka'ene mwe'akaki hijujijahija pu kamareje niho'o niramaruma parahuna.

Matiu 25:31

'Enakaivo vea ka'ene Emaa Puni Harihijara Huni haruriji'i 'ee ona oji'ina ariramaa maho'o ijihi pu'úmo ro'amajaho Hu roe Huni ruha hanaji'ina 'ahi asuma hihuna.

Matiu 26:64

'Ejumakame Jesu ijá 'wama A ni'warimu kajina. Ema Puni Harihijaho ka'eje ija mana'ini harurija'i asuma hine 'ee 'imitia vaji akúpa 'ahi rena rohuna 'wamana.

Matiu 8:20

'Ejume Jesura ijá 'wama Achimina mwe'i vaji ahejura 'ene uka nesa rukina kaivo Ema Puni Harihijara ruha ka'ene Huni húmata ranave siheria vehuna pa'ana 'wamana.

Maka 14:62

Jesu ijá 'wama I'a Na ijina. Ema Puni Harihijaho ka'eje harura rukima'uri jihuni mana'inija'i asuma hi'eje ichutoi 'imitiji'i rena rohuna.

Maka 8:38

Ea mapoka ka'ene iviamaa iki hijukija Godi pataarohe 'ee sisea 'unama ani ani veji'i hiju. Ea irara Nunijihuna'e Na pataarorihe 'ee Nuni ira pataaro'amajaho vea ka'ene Ema Puni Harihijara 'ona oji'ina arimaa 'ee Amoni hanaji'iniji'i ro'amajaho hu 'u'o pataarohuna.

Ruku 21:27

'E'eje Ema Puni Harihijaho 'imitia vaji Huni harura 'ee Huni hanaji'iniji'i maho'o roe ea mapoka kahuna.

Ruku 22:69

'Enakaivo iviamaa rene Emaa Puni Harihijaho ija mana'ina ka'ene Godoni harurija'i asuma hihuna 'iamana.

Ruku 9:26

Ea irara Nunijihuna'e Na pataarorihe 'ee Nuni ira pataaro'amajaho vea ka'ene Emaa Puni Harihijara Huni harura 'ee 'ona oji'ina arira maijihipuni harura 'ee Amoni harura vaji ro'amajaho hu 'u'o pataarohuna.

Joni 21:22

Jesu ijá 'wama Na ura eakaho hina apena va'eje Na kú'o rohuna re'ipisa ijaho oni kaukara panakúne Na 'ararihia roa 'wamana.

Joni 21:23

Pu vwehwaha ijí henareja 'wama apene oji'i ijá 'wava Ike tisaiporuakaho pakwa'ena 'wavara. 'Enakaivo Jesu hu pakwa'ena pa'iamana. 'Enakaivo Na ura eakaho hina apene va'eje Na kú'o rohuna re'ipisa ijaho Nuni kaukara 'wamana 'iamana.

Akisi 1:11

'Enareja ea kajipo ijá 'iava Karari orakije ja raka vene namina hine akúpa 'aha nirinama navo? Ijí Jesuho iki joni rene apene akúpi 'ahi va'ukaho Hu kú'o 'unama ro'amajaho 'unama nikwinu'ina ka'ene jara Hu ka'eju'e va'u kaja'ina rohuna 'iavara.

Romani 14:12

'Enajihuna'e nú ea kwinu kwinu Godoni una'i namine raka raka ka'ene nú vejujija nahama 'warahuna.

Romani 2:6

Hu ea kwinu kwino pura raka ka'ene vejaja'ina'e eha areri ija'ina vajihuna.

1 Koritia 15:23

'Ena'omo 'oi'oi huni 'unama namu. 'Ejume Kerisora amura 'urinana vo túna'i Kerisora ro'amajino Huni ehija 'u'o 'urihuna.

1 Koritia 3:13

'Ena'omo vea nituma roe sa'eje ea kwinu kwino puni kaukara ichá'ina ka'ene venujaho 'otua veijino veni vena kive samaa'e rehuna. Ijihuni maijaho vena kajara huhusu ea irara uné raki 'eke ara venajaho vena kihuna.

1 Koritia 8:8

Núra 'iruma ka'ene ijujara reje Godiho nú nimaa vetúhuna pana. 'Ene nú 'iruma pai'ava jihuna'e siseranúhuna pana 'ee 'iruma i'ava jihuna'e maranúhuna pana.

2 Koritia 5:10

Ijihuna'e nú ea maho'o Keriso oni 'otua asúki ijihuni una'i namihuna. 'Ene nú ea kwinu kwinu núra hahiji'i hijari veijino ichá'ina ka'ene mamaa ho sisea vejajaho eha areri ija'ina'e apehuna.

Epasasi 6:8

'Enajihuna'e nú nihena kavu. Pwe'ina ho matauma oji'ini uné raka mamaa'e ve'amajaho ijí raka ka'ene hu vena kajihuni eha Natohwi jihuna'i apehuna.

Korasia 3:25

Ea ka'ene sisea venujaho hura sisea ka'ene venujihuni eha ijaho apehuna. Ijihuni maijaho Godiho Hu ronu kwino parehuna.

1 Tesaronia 1:10

'Enajihuna'e ja iviamaa Huni harihijara kú'o akúpa 'ahi rena rohuniji 'ajaha hiju. Jesu ka'ene Hura vejume kú'o 'urinajara sena ka'ene roajaho vahanumana.

1 Tesaronia 4:16

Ijihuni maijaho Natohwijara Huhusu 'ona oji'ina puni natohwiji'i mwasirivi'i ariha Godoni viti'iniji'i ro'eje ea ka'ene Keriso oni vaji kwamasahajipo urasahe 'urihuna.

Jemisi 5:7

'Enajihuna'e vwehu nune masuani ajuarasahe hina va'eje Natohwijaho ro'amana. Ea ka'ene juara 'oji'inijara huni uja mavarasa'ina ka'ene mwe'a vaji irechavu'e navujipo nehi pine sona'eje marasa'avarono masuani 'ajiha hinujaho kaha.

1 Pita 1:17

Ja Hu Oma ka'ene ronu kwino pareji'ina 'ee eha ariramaa vajihuna 'wa'avajaho jara iraka ka'ene iki mwe'i hine ve'avajija Huni hura vena'avara.

1 Joni 2:28

Sesahu nune iviamaa Jesu pu'úmo hami hami hi'avara. 'E'irakúne vea ka'ene Hu kú'o ro'amajaho nimaa nimaa nú paju'i kaivo matauma Huni una'i namihuna.

Juta 1:14

'Ene ike 'unama nikwinu'ina ka'ina'e Inakira Atamu oni amuhija iropu no'o pa'are'eme iraka ka'ene túna'i rehuniji kime ijá 'iama Kaha! Natohwijaho Huni ehija ka'ene arira maijihi pu'úmo ea niho'o mapoka mapoka asisame roara.

Revaresiani 1:7

Ike kaha! Hura ro'amajaho Hu akúpa 'ahi 'imitiji'i rohuna. 'E'eje ea mapoka Hu nii mai kahuna. 'Eje ea ka'ene Hua'e 'anaa pijahajija 'u'o Hu kahuna. 'Ejakame araraka mapokakaho eaka mapoka ka'ene hijujija pu puni niijikano maho'o kamareje niho'o temukave niramaruhuna. Nara raka ka'ene iviamaja ja 'waravukaho niho'o nimaa. Ameni.

Revaresiani 2:23

'Eje Nara sesahwaha kwamasahunijine 'anihuna. 'Ejakame sosia maho'o hena ki'avajaho Na Godi ka'ene epuni vwiha 'ee oja tine kivi'iniji kihuna. 'Enareje jara iraka ka'ene vejajaho Na eha ija'ina'e areri vajihuna.

Revaresiani 20:12

'Ena'omo ea kwamasahi'ina kivuta. Ea mama'ina ea ma'u'umaa ijá toronu una'i nami'eme puka jarasamana. 'Enarena puka pina apena jaraajaho majama hihuni puka. 'Ena'omo ea ka'ene kwamasahajija pura raka ka'ene vejajija puka 'ahi kivi'i 'otua vetiana.