Matiu 11:11 - Godoni vuʼa maiuʼina

¹¹ Na niho'o nimaa nimaa ja 'waravu Joni Papitisita eaka mapoka ka'ene mwe'a kakino hijujaho hura asitahana. 'Enakaivo Godoni ehija ma'u'umaijipo Joni asivu.

Matiu 11:11 Iomraidhean Croise

Matiu 11:10

Ikaho nitama ea kaji Godoni ira vaji rona 'waramajina. Heha! Na Nuni vu'a 'waravi'ina ranave Oni una'i vu'akame hu Oni 'unama amairiahuna 'úmana.

Matiu 11:12

'Enakaivo veaka Joni Papitisita aneja vene ea najahaji rena roe iviamaa 'e'unukino renareja ea mapoka Godoni ara pi'ona'iroreja harura ni'ina veju kaivo ea ka'ene ajisinijipo niho'o Godoni ara kajaho harura vene ape'i veju.

Matiu 3:1

Ijí vea kajino Joni Papitisita Jutia puni nechi'i riri ea Godoni vu'a najaha roana.

Matiu 3:11

Na ja toa vaji samaume 'urijajihuni maijaho ja joni sisea vwihane temukavume nahama Godi 'wara'ika'i aremama arevaji najaharejo ijihuna'e toa vaji samauta kaivo Ea ka'ene nuni túna'i roujara Godoni 'Avena 'ee haruriji'i samahuna. Na Hu Hu'úmo areria pana 'ee nara Huni mumora hwana jahenahuna areria pana.

Matiu 5:19

Ea irara ike varapa tamana ma'u'ua 'ene 'ee ea 'aho'a najahe pu 'u'o ija'ina'e ve'avajaho hu Godoni ara niho'o ma'u'ua 'iahuna. 'Enakaivo ea irara hene vene ea tamana kaji naja'avajaho hu Godoni ara ea natohwa 'wahuna.

Ruku 1:15

Hu niho'o Godoni rori ea ni'ima'ura mavarasa'ina'e 'urihuna. Hu niho'o 'wainia 'ee toa kikisina paihuna. Hu nahe'avari anejijino rene Godoni 'Aveni samahe tinia apena parahuna.

Ruku 7:28

Na niho'o nimaa nimaa ja 'waravu Ea ka'ene napapo nahenaari vajijaho ei pini Joni asihuna areria pana. 'Enakaivo ea ka'ene iviamajai Godoni ari ma'u'ua renujara niho'o Joni asima paranuna 'iamana.

Ruku 9:48

Ei pini Nunijihuna'e sesamaa ikera'ina hami 'aha'amajaho hu Naa'e hami 'ahihuna. 'Ene ea irara Naa'e hami 'ahi'amajaho Godi ka'ene Naa'e ranamiume rouji 'ajome hami 'ahaa avahuna. Ea irara ma'u'ua rena joni vajakino hi'amajara ea natohwa rehuna 'iamana.

Joni 1:15

Joniho Hua'e rone ijá 'iama Ea ka'ene na ja 'waravujaho Ea ka'ene túna'i roujaho Hu niho'o Natohwa'omo na asitihana. Ijihuni maijaho na mai'o panaheni'ini Hu niiji hinana.

Joni 1:27

Ea ka'ene nuni túna'i roujaho nara Huni mumora hwana rasamahuna areria pana 'iamana.

Joni 10:41

'E'eme ea mapoka Huni roara. 'Eji'i ijá 'wava Joni uneunecha ani'ina ika'ina pavenana kaivo Jonira Ea kake rona 'warumajaho nimaa nimaa 'úmana 'wavara.

Joni 3:30

Ijihuna'e Hu natohwa re'eje na ma'u'ua rehuna.

Joni 5:35

Hu ira ka'ene rena ea hananiajina. 'Ejume ja ura rena'eme temarasahi'i huni hanaji'ina vaji hijara.

Joni 7:39

Ijaho Hu Godoni 'Aveniji'i rone 'warama avanana. Ea irahipo Hu nimaa nimaa ro'avajipo pu Godoni 'Avena kajaho apehuna. 'Avena kajaho mai'o paroi'ina. Ijihuni maijaho Jesu mai'o pavai'ini jihuna'e paroana.

1 Koritia 15:9

'Enajihuni maijaho na niho'o apasorua ka'ene hamaijina 'ene 'u'o na apasorua 'wihuna areri pana. Ijihuni maijaho nara Godoni sosia sise'i 'ahie ruarahiuta.

1 Koritia 6:4

Ijihuna'e ja ea 'ahopu'úmo 'otu irecharavujaho 'ú ja ea ka'ene samai sosia vaja huni hura pavenahi'inijihi iji pijahu'e joni 'otua henaho?

Epasasi 2:3

Nú 'u'o puni vaja kajino nitama hine núni hahijihi puni ura ijí vejara. 'Ene núni hahijihuni ura 'ee núni vwiha sisesa ijipo rosamúa parajara. 'Ene núni kara ijija sisea ijihuna'e nú Godoni sena hari ea 'aho'a kajihi pu'úmo hijara.

Epasasi 3:8

Na ea maho'o ka'ene nimaa roji'ina puni vaji túchamaa ijina vo ike maiji vwihani'inakaho na mihana. 'Ene Keriso oni vaji uneunecha mapoka mamaa ka'ene areri pamanura vene 'warahunijija Jenitaru naja'urono vajihana.

2 Timoti 1:10

'Ena'omo Hu iviamaa vejume Huni ura ijaho Jesu Keriso ka'ene núni Ni'ajúhi'inijara roana vajijino samaahiramana. 'Ene Hura kwamasahuni harurijaho tirakui Huni ira maiu'ina vajijino majama hihuna 'ee pakwamasahuna vejume roe samaa'e renana.

Hipuru 11:40

Ijihuni maijaho Godira unenu pina mavarasa'ina núna'e ranavu'e namu. Ijihuni hahi nú pa'a pu areri ho'ina rehuna pana.

1 Pita 1:10

Poropetiepo ike ni'ajúhunakaho hami same 'ee aposaravi'i maiji vwihanúhuna ka'ene joni rohunijaho 'waravara.