Matiu 10:16 - Godoni vuʼa maiuʼina

¹⁶ 'Enakúne hami heha. Na ja irechamiujaho areri sipia'e 'ua ne'a puni vaji irechamiu ja'ina'e irechamiu. 'Ene ja raka ve'iro ve'avajaho maraku'a vwihana areri taparapo vejuja'ina'e ve'avara. 'Enakúne ja marahu'orapo ajuarasaha ojuja'ina'e o'avara.

Matiu 10:16 Iomraidhean Croise

Matiu 24:25

Hami heha! Mai'o raka ka'ene rehunijaho Na ni'waravuta.

Matiu 24:45

'Ú pwea irara pasevi'ine 'ee vwiha hami vwihaji'ine huni natohwijara huni sea 'ajohe 'ee 'iruma vea 'ahi areri vajihuna'e ranamane?

Matiu 25:2

'Asúra iropu niho'o vwiha pa'ane 'ee iropu vwiha arira vwihaji'ina.

Matiu 25:4

'Enakaivo ea ka'ene vwiha aririjija pu puni naheha 'eke 'ee puni karesinia 'eka va'ajivara.

Matiu 25:9

'Enakaivo 'asúra ka'ene vwiha mamaijipo ijá 'iava Pana. Ijihuni maijaho núra ja userimihuna areri panakúne va'e sitovai ojono jona 'imeha 'iavara.

Ruku 10:3

Heha! Va'ajiha! Na ja irechamiujaho areri sipia 'u'ua 'uanea puni vaji irechamiu ja'ina'e irechamiu.

Ruku 21:15

Ijihuni maijaho Nara vu'a ka'ene ara 'warahuna vajahakame oni naka ara vu'a ka'ene 'wara'amajaho hene pu areri patanu'urahe 'ee pu niho'o unenu'u pina areri pa'warahuna.

Akisi 20:29

Na niheju. Na va'eje nuni túna'i 'uaneapo joni vaja iki roareje ja rurahareje niho'o pina paranahuna.

1 Koritia 14:20

Vwehu nune sesamaa puna'i pavwiha'avara. Musiapo sisea pavwihaju ja'ina'e vwiha'avara. 'Enakaivo joni vwiha ijija emakinepo vwihaju ja'ina'e vwiha'avara.

2 Koritia 1:12

Ijihuna'e núra teamanumujaho ikena. Núni vwiha ijara 'warumujara nú Godoni maiji vwihanii'ina vajijino mwe'a ikehuni vaja 'ee jonuna'a kara mamaa vejara. Nú akuavare Godi ura renuni 'unamijino nimaa nimaiji vejara kaivo mwe'a kehuni vwiha ijihunijaho pana.

2 Koritia 11:14

'Ene Setani 'u'o ta'arohe areri hanaji'ini jihuni 'ona oji'ina sa'ina'e rehuna.

2 Koritia 11:3

'Enakaivo vejuro'i taparijara huni henaka ira'atijino Ivi pisimia ja'ina'e hu joni vwihaiji 'u'o veje ja Keriso oja nimaa ka'ene mahuji arehunijara na tea junimu.

2 Koritia 8:20

'Ene hami akuavi'i ike swara mapoka mamaa ka'ene núra 'ajo'avarono vajúhajaho 'ajoha. 'Ejakame ea pina panamuhe 'waruhuna.

Piripai 2:15

'Ejakame ja Godi oni harihija ka'ene sisea pa'ane sisea paveji'ina 'ee sisea panamahi'inijihi rene ike ea ka'ene arira pave'i kaivo ani ani veju kihipuni vajijaho ira puna'e rene mwe'i hana'avara.

Korasia 1:9

Ijihuni hahi nú 'u'o vea ka'ene ijí hejaji rene ojuta pahwe'i hine joni siporua 'ona 'waravakame joni henaka vaja areri rene 'ee Huni ura ijaho hene 'ee 'avena huni vwiha maho'o hena kama parahuna.

Korasia 4:5

'Ene ea ka'ene samai hiju jihipuna vwiha mamaiji vwihaji'i ja iraka ka'ene ve'avajija hami ve'avara. 'Ene vea mamaa ape'avajaho vea kajaho hami ape'avara.

1 Tesaronia 2:10

Godiho nú nihena kúme nimaa veju'e ja 'u'o nimaa veju. Núra ichá'ina'e ja pu'úmo akume 'ee arimaa'e hine 'ee unenu 'aho'a ea 'aho'a panamuhe 'waru'eme nú nimaa roji'ina pu'úmo hami hijura.

1 Tesaronia 5:22

'Unama ka'ene sisea rehuna sa'ina'e ki'avajaho juha'avara.