Matiu 10:15 - Godoni vuʼa maiuʼina

¹⁵ 'Enakaivo Na nimaa nimaa 'waravu vea ka'ene 'otua ve'avari veijaho eakijahija niho'o sisea ani'ina renahuna. Kwaa ka'ene Satami Kamora renajaho asimareje niho'o ani'ina rehuna.

Matiu 10:15 Iomraidhean Croise

Matiu 12:36

'Enavo Na ja 'waravu. Ira sisea mapoka ka'ene emaapo majikarino 'wavukija vea ka'ene Godira mwe'akaki 'otua ve'amani veijino ijaho aporuhuna.

Matiu 5:18

Na nimai nimai ja 'waravu ike akúpa mwe'akaho ni'aha kwino ijá pa'arehuna. 'Enakaivo unenu'u pina ma'uparitumaa ho ma'u'ua Godoni Iri jihuni vaji navujaho niho'o papa'arehuna kaivo ijá na'eje uneunechaka mapokijija roe areri rehuna.

Matiu 7:22

'Ena'omo ijihuni vea kajara ro'eja'e iji'a ea mapoka Na ika'ina 'warihuna Natohwe Natohwe 'ú nú Oni ihi vu'a 'waravure? 'Ene Oni ihi 'urahi'i 'avena sisea ajima'inijija siomahure? 'Ene uneunecha mapoka ea areri pavehuna nú vejure? 'wihuna.

Maka 6:11

Ja ara pini va'e pu ja pataarorahe joni vu'a pahe'i 'ahie veja ki'avajaho nijinakúne joni mumora hari túa taireve ariha kimareje ea mapoka hene kimareje ijá 'wahune Ea kajija puni vu'a paheju kamare'e avaju 'wahuna 'iamana.

Joni 12:48

Ea irara Nara 'waravuji pata'arorihe 'ee Nuni Ira pahenihujaho ijara hu namahe 'otua vetihuna. Ike raka ka'ene Nara 'waravukipo vea túna'i 'otua vetihuna.

Joni 6:39

Ikaho Nuni Oma ka'ene Na ranamiume roujara ura renujina. Ea ka'ene Hura vajihajijahija Na kwinu paranahuna kaivo mwe'akara mai'o paare'amani veijaho Na veje pu ni'aha kwinu 'urihuna.

Joni 6:40

Ikaho Nuni Oma ka'ene Na ranamiume roujara ura renujina. Ea irara Hariaha kame nimaa nimaa ronujaho hu niho'o majama hihuna. Ijihuni hahi mwe'akara mai'o pa'are'amani veijino Na onuno veje pu ni'aha kwinu 'urihuna 'iamana.

Akisi 17:31

Ijihuni maijaho Hura mwe'ake 'otua arimaa ea ka'ene iji pijaha jihuni vaji vetihunijaho vea niranamana. Hu ijí ea maho'o najaharena Hu vejume kwamajaho 'urinana 'iamana.

1 Koritia 3:13

'Ena'omo vea nituma roe sa'eje ea kwinu kwino puni kaukara ichá'ina ka'ene venujaho 'otua veijino veni vena kive samaa'e rehuna. Ijihuni maijaho vena kajara huhusu ea irara uné raki 'eke ara venajaho vena kihuna.

1 Tesaronia 5:4

'Enakaivo vwehu núne ja nututa pahiju jihuna'e ijí vea kajaho ja nesa apeji'ina puna'i paroe asitahuna.

Hipuru 10:25

'Enavo ja Godoni vu'a 'wavuri sei ahuma hine vu'a 'wa'iro ve'avajaho ea 'ahopo vejuja'ina'e paucha'asa'avara kaivo ea 'aho pu'úmo ahuma hine vu'a 'wame ni'ajara'avara. Ija'ina vehuni jihuni maijaho vea ka'ene Jesura kú'o 'unama iki mwe'i rohuna vea nitu'u namu.

2 Pita 2:6

'Ene ara mama'ina ka'ene Satami'o Kamora'o pamaki'ika'i eha mihe venaume va'e ú'a rejajaho ea ka'ene túna'i Godi pa'ana 'wavi'i hihunijipo kahuni jihuna'e najahana.

2 Pita 2:9

'Enakaivo Natohwijara 'unama ichá'inijino ea ka'ene Godi hena kavi'inijihi venakia vaji ni'ajihuna arerina. 'Ene ea ka'ene arira pa'ajija 'otua veijino eha mihuna'e irechamiu'e hiju.

2 Pita 3:7

'Enakaivo iviamaa ichutoa 'ee mwe'a ikaho Huni ira 'ahi venae 'ajaha irechavu'e navu 'ee 'otua ka'ene vehuna 'ee ea sisea ka'ene Godi pana 'wavujihi ruarahuna'e 'ajiha navu.

1 Joni 4:17

Nú ijí hejajihuna'e núra oja mihujaho marasahura. Ijihuna'e nú vea ka'ene 'otua vehuni veijaho pajuhuna. Ijihuni maijaho Hura hinuja'ina'e nú iki mwe'i hiju.

Juta 1:6

'Ene 'ona oji'ina ka'ene puni tinia nimaa nimaijaho arevajija Hu senia ka'ene majama nahunijino kamorame irechamiu'e nututi Godoni 'otua ka'ene vea ni'iniji 'ajaha hiju.

Juta 1:7

Ijaho niareri Satami ho Kamora 'ee ara mama'ina 'aho'a ka'ene ijihipuni rori navujipo hine sisea ka'ene 'uasa vene 'ee 'unama sisea ka'ene emaapo pavejujaho vene napapo napara ihanie oju'e parupo parua ihanie ojura'omo ea kajija iviamaa vena ka'ene majama reji'i namuji hiju. Ijihuna'e nú ijí kime vwihahuna.