Joni 13:5 - Godoni vuʼa maiuʼina

⁵ 'Enarena Hu toa tevua vaji usearena Huni tisaiporu puni mumora somahi'i taverua ka'ene Hura 'ahi iramajino sirua 'umahana.

Joni 13:5 Iomraidhean Croise

Ruku 7:38

'Ene roe Jesuni túna'i mumora rora Hunijino namine niravi'i Huni mumora 'aha huni nitua ariha 'aruvume huni húmata sapasa kajikano ijaho ukunahi'i Huni mumora tituhi'i senisia 'onahana.

Ruku 7:44

'Ejume Hu aroma napara kaji kavi'i Saimani ijá 'wama 'Ú a naparakaho nikamo? Na oni sei routa vo a Nuni mumora kehuni toa pamihana kaivo hu huni nitui Nuni mumora some 'ee huni húmata sapasi Nuni mumora sirua ukunana.

Joni 13:10

'Ejume Jesu hu ijá 'wama Ea ka'ene toa nirúhi'inijija kú'o toa parúhura kaivo mumoraru sovura. 'Enakaivo ja chiha pa'ana kaivo ja ea maho'o ija'ina pana.

Joni 13:6

'Enarena Hu Saimani Pita oni roume Pitara ijá 'wama 'Ú Natohwe A nuni mumora somi'ena? 'wamana.

Joni 13:8

Pita ijá 'wama A niho'o nuni mumora pasomihuna 'wamana. 'Ejume Jesura eha vene hu ijá 'wama Na oni mumora pasoma'ujaho a Nuni pwina pana 'wamana.

Joni 19:34

'E'eme sorutia kwino juha apena roe iana hari pijahume ni'aha kwinu 'aa 'ee toa iji'i arihana.

Akisi 22:16

'Enakaivo a irakijihuna'e tetama hino? 'Urije Huni ihijino 'urahi'i toi apúsama'e oni sisea soma'e pa'arenama 'wimana.

1 Koritia 6:11

Ja ea 'aho'a ikija nimarako 'unama ija'iniji ojara. 'Enakaivo ja somahe 'ee venaume ea akuavi'ina'e rejara. 'Ene Jesu Keriso oni ihijihuni vaja 'ee núni Godijihuni 'Aveni jihuni vaji ja venaume ea arira'e rejara.

Epasasi 5:26

'Ene sosia veje akuavi'ina'e rene 'ee chiha pa'ana re'amarono toa 'ee Huni irijino somahana.

1 Timoti 5:10

Ijí amuna kajihuni kara mamaa'e 'ee huni sesamaa 'ajoahe pira'eme emarejara 'ee ea apiora hami 'ahiune 'ee ea aririjija umora somahi'ine 'ee ea ka'ene ahija vaji hijujija ni'ajihi'ine 'ee hu mamaijiru vehuna ura reji'ina.

Hipuru 10:22

roe nú maarira'e Godoni una'i va'a. 'Ene oja nimaa nimaijino same 'ee Hu nimaa vetia parava. Ijihuni maijaho núni vwiha siseijija Keriso oni 'aijara venume núni siseijija pa'arenuana. 'Ene núni hahijaho toa chiha pa'ajino somuhana.

1 Joni 1:7

'Enakaivo nú hanaji'ini hina 'urahojujaho areri Hura hanaji'ini hinuja'ina'e nú ea 'aho pu'úmo hami hami veju. 'Ene Jesu ka'ene Huni Harihi jihuni 'aijara núni sisea maho'o sovu'e pa'arenu.

1 Joni 5:6

Ikaho Ea ka'ene toa 'ee 'aa vaji roajina. Hu Jesu Kerisona toaru pana kaivo toa 'ee 'aiji'i roajina.

Revaresiani 1:5

Jesu Keriso ka'ene nú maiji vwihanúe oja soni samuhajara vu'akaho 'warumu. Eaka mapoka ka'ene kwamasahi'inijipo kú'o 'urihuni amurijaho Jesura 'urinana. Hu mwe'a kakehuni ea mama'ini jihipuni 'Ajoahi'ina. Nú Jesu ta'arohu jihuni maijaho Hu nú oja múhe Huni 'aiji núni sisea somuhana.

Revaresiani 7:14

'Ejume na ijá 'wavo Nuni natohwe! Na pana vo a heji'ina 'wavuta. Hu ijá 'wima Ea ikijahija sisea ni'ima'ura vajijino roe usevara. Pu Remui jihuni 'aijino puni ateha sovume sajasa'ina rejara.