Joni 1:4 - Godoni vuʼa maiuʼina

⁴ Majama hihunijaho Huni vaji rena roane 'ee majama hihunijaho emaa puni hanaji'ina.

Joni 1:4 Iomraidhean Croise

Matiu 4:16

Ea ka'ene ijí nutuvi'ini hijujija hanaji'ina ni'ima'ura kavara. 'Ene ea ka'ene nutuvi'inaka nikwamasahuja'ina rena hijujihi hanaji'ina kajara hananiu 'wamana.

Ruku 2:32

Hu ira ka'ene Jenitaru hananie najahunijina 'ee Hu Oni ehija Isureri opuni Hanani'inijina 'wamana.

Joni 11:25

'Ejume Jesu ijá 'wama Na ea ka'ene kwamasahi'ina vena'e kú'o 'urihunijina 'ee Na majama hihunijina. 'Ena'omo ea irara Na nimaa ronujaho hu kwahuna vo majama hihuna.

Joni 12:35

'Ejume Jesu pu ijá 'iama Hanaji'inijaho ja pu'úmo 'aha josu'a pahihuna. Iviamai hananukino 'urahe o'avara. 'E'irakúne nututijaho ja areri pana'irati'amana. Ijihuna'e ea irara nutuvi'ini 'urahonujaho hura 'unama ka'ene ichá vahunijaho puruva renu.

Joni 12:46

Na mwe'a kehuni hanaji'ina rena routa. 'Ena'omo ea irara Na nimaa ronujaho hu nutuvi'ina pahinuna.

Joni 14:6

'Ejume Jesura ijá 'wama Na 'uname 'ee nimaa nimaa 'ee majama hihunijina. 'Ena'omo ei pini 'unama ani'ina venareje Amo uni rohuna areri pana kaivo nikwisu Nuni vajaruna.

Joni 3:19

Ikaho 'otua vehuni jihuni 'unamijina. Hanaji'ina iki mwe'i roana kaivo ea pu nutuvi'ina oja mahajihuna'e pu hanaji'inijaho pataarohara. Ijihuni maijaho puni 'unama ka'ene pura vejajija sisea.

Joni 5:21

Areri Omahi vejume kwamasahi'ina hijuja'ina'e Hariahi ea ka'ene Hu ura renujija 'u'o majama hihuna mihuna.

Joni 5:26

Ijihuni maijaho Omahi majama hinuja'ina'e Hariaha 'u'o majama hihuna mahana.

Joni 8:12

Jesu kú'o ijá 'iama Na mwe'a kehuni hanaji'ina. 'Ena'omo ea irara Na 'ararihi'amajaho hu nututa niho'o areri paohuna. 'Enakaivo hu ira ka'ene majama hihunijaho apehuna 'iamana.

Joni 9:5

'Enakaivo Na iki mwe'i hijujihuna'e Na mwe'a kehuni hanaji'ina 'iamana.

Akisi 26:23

Pu ika'ina 'waravara. Kerisoho Hu sise'i 'ahae kwamareje kú'o 'urihuna kaivo Jua 'ee Jenitaru Hura amura'e vu'a ka'ene hanaji'iniji najahe 'wara'ena 'iamana.

1 Koritia 15:45

Ika'ina 'u'o vejara. Atamu ka'ene ea amurijaho mai'o hiji'ina'e renana kaivo Atamu ka'ene túchamaijaho 'Avena ka'ene majama hihuna vajihi'ina'e renana.

Epasasi 5:14

Ikehuni hahi Godi oni ira vaji ija'ina'e 'waramana. Niima neji'ine ara kwama namujaho 'urina! 'Ejakame Kerisora a hanana'ama 'úmana.

Korasia 3:4

Vea ka'ene Keriso núni hiijara roe samaahira'amajaho ja 'u'o pu pu'úmo Huni mamaa ijihuni vaji samaahirahuna.

1 Joni 1:1

Nitama anejijaho ijí Ira kajaho ijí hinana'omo nú Hura iraka ka'ene 'warumajaho hene 'ee nú núni nii kame 'ee Hura raka ka'ene venajaho nú kame 'ee nú núni iji Hu 'unavaji rone veju. Ikaho Ira ka'ene majama hihunijina.

1 Joni 1:2

Majama hihunijaho nú haha pakavara kaivo nú kahuna'e rejume kavara. 'Enajihuna'e nú ikaho ja 'warame 'ee najahu. 'Enare'e ja 'waravu. Ijaho majama Amo ahuma hinana'omo Hu rouma nú kavara.

1 Joni 5:11

Iraka ka'ene 'warumajaho ikena. Godi majama hihuna múhana 'ee ike majama hihunakaho Huni Harihi jihuni vajina.

Revaresiani 22:1

'Enarena 'ona oji'inijara toa ka'ene majama hihuni toijaho najihana. Toa kajaho chiha niho'o pa'a maa'omo Godi'o 'ee Remuiji'o puni toronu 'ahi rena roana.

Revaresiani 22:16

Na Jesura Nuni 'ona oji'ina ranavu'e hura vu'akaho ara sosi 'wara'amarono 'waramu. Na Teviti oni anejijina 'ee huni amuje 'ee Na sú'usú'u huni moroa ka'ene hanama paranujina.