Joni 1:12 - Godoni vuʼa maiuʼina

¹² 'Enakaivo ea mapoka irahipo Hu hami apejajija nimaa Hu pu harura mihume Godoni harihija rejara 'ee ea ka'ene Huni ihiji nimaa rojajija 'u'una.

Joni 1:12 Iomraidhean Croise

Matiu 10:40

Ea irara ja hami 'ahiujaho pu Na 'u'o hami 'ahiu. 'Ene ea ka'ene Na hami 'ahiujaho pu Godi ka'ene Na ranamiume rouji 'u'o hami 'ahau.

Matiu 12:21

'Ejukame Jenitaru Huni ihijihuni vajijino maranihuniji nimai roji'i hiju 'úmana.

Matiu 18:5

'Enakaivo ea irara Nuni iha 'ahi kasima ika'ina'e hami apenujaho hu Na apeniuna.

Joni 1:11

Hu ehwapuni roana kaivo Huni ehija Hu hami paapejara.

Joni 1:7

Hu Ira kaji rone 'wara'i roana. 'Ejakame ea maho'o huni vaji hena nimaa rohuna.

Joni 11:52

Hu Jua punijiru pakwa'ena kaivo kwaaka mapokaki Godoni eaka hinojujija Hu veje pu ni'aha kwinu kachi'ina kwinu rehuna.

Joni 2:23

Hu Jerusaremi Pasova vea rejume hiji'i Jesura aacha ka'ene venaji pu ea mapoka kamareja Huni iha nimaa rojara.

Joni 20:31

'Enakaivo vu'a ike vejajihuni maijaho Jesuho Kerisone 'ee Hu Godoni Harihijina 'omo ijí nimaa ro'avajaho Huni iha 'ahi majama hihuna apehuna.

Joni 3:18

Ea irara Hu nimaa ronujaho hu 'otua pavehuna kaivo ea irara Hu panimaa ronujaho hu eha niapenana. Ijihuni maijaho hu Godoni Hariha nikwinu jihuni iha panimaa ronajihuna'e avanana.

Akisi 3:16

'Ena'omo nú Huni ihiji nimaa rojujihuna'e nú ijí Jesuni iha kaji 'urahi'i 'waravume ea ka'ene ja kame hejukaho maranana. 'Ene nimairoa ka'ene Huni vaji rena roajara vejume ea ikaho maho'o joni una'i marana paranana.

Romani 8:14

Ea iraharaha Godoni 'Avenijara urani'eju'e ojujija Godoni harihija.

Romani 8:16

Godoni 'Avenijara núni oja vamaa kamino Huhusu ija'ina 'warumu. Nú nimaa nimaa'e Godoni harihija 'úmu.

Romani 8:19

Uneunecha ka'ene Godira venajija vea ka'ene Godoni harihipo roe samaahirave kihunijara ura renae oja hiana'eju'e 'ajaha hiju.

Karesia 3:26

Ijihuni maijaho ja iviamaa Jesu Keriso oni vajijino nimai rojajihuna'e ja maho'o Godoni harihija'e rejara.

Karesia 4:6

'Ene ijihuna'e ja Huni harihija'omo Godira Huni Harihijihuni 'Avena ranavume núni oja vaji roana. 'Ene Amo Amo 'umenuna.

Korasia 2:6

'Enakaivo ja Jesu Keriso ka'ene Natohwiji apejarakúne Huni vaji 'uraho'avara.

2 Pita 1:4

Ikehuni hahi Hu Huni uneunecha mavarasa'ina nahama 'waramana. 'Ejakame ja ijihuni vaji mamaa huni pwina rene 'ee mwe'a ka'ene siseijara veju'e siseranujaho juhame karaa usema va'u.

1 Joni 3:1

Ike heha! Amora oja ni'ima'ura ka'ene nú múhe najuhaji kaha! Ijihuna'e nú Godoni harihija 'úmajihuna'e mwe'akaho nú pahene pakúmu. Ijihuni maijaho pu Hu pahena pakavura.

1 Joni 3:10

Ikaho 'unama ichá'ina ka'ene ea irara Godoni harihe 'ee ea irara 'avena sisei jihuni harihiji hena kihunijina. Ea irara sisea veji'i hine 'ee vweaha oja pamahujaho hu Godoni ea pana.

1 Joni 3:2

Ehu nuna ka'ene na ja oja mihi'inakije nú iviamaa Godoni harihija'omo nú ichá'ina'e rehunijaho mai'o pakavi'ina. 'Enakaivo nú niheju Hura ro'amajaho nú Hua ka'ava jihuna'e Hua'ina rehuna.

1 Joni 3:23

Ikaho Huni tamana. Nú Huni Hariha Jesu Keriso oni iha nimaa rone 'ee ea 'aho pu'úmo oja 'ekarahuna areri Hura 'waruma ja'ina'e vehuna.