Jemisi 5:7 - Godoni vuʼa maiuʼina

⁷ 'Enajihuna'e vwehu nune masuani ajuarasahe hina va'eje Natohwijaho ro'amana. Ea ka'ene juara 'oji'inijara huni uja mavarasa'ina ka'ene mwe'a vaji irechavu'e navujipo nehi pine sona'eje marasa'avarono masuani 'ajiha hinujaho kaha.

Jemisi 5:7 Iomraidhean Croise

Matiu 16:27

Ema Puni Harihijara ro'amajaho Amoni hanaji'ina 'ee Huni ona oji'ina pu'úmo rohuna. 'Ene ea kwinu kwino pura iraka ka'ene vejujaho eha ija'ina apehuna.

Matiu 16:28

Emaa Puni Hariha Hura 'ajohuni kwaijaho ea ka'ene ike namiju kijahija mai'o pakwamasa'eje roe kahuna 'iamana.

Matiu 24:27

'Enakaivo vea ka'ene Ema Puni Harihijara ro'amani veijaho aresi vei ajimuja'i pi'ime va'e vea 'onuja'i 'e'unuja'ina'e rehuna.

Matiu 24:44

Ijihuni hahi amairiarame nirisame areri rena para'eje 'ajaha hi'avara. Vea muka ka'ene ja pa'ana rone matauvajino Ema Puni Harihijaho rohuna.

Ruku 18:8

Na nimai ja 'waravu. Iraka ka'ene arira maijino Hu pu marako vajihuna. 'Enakaivo vea ka'ene Emaa Puni Harihijara ro'amajaho ea vi icharo iki mwe'i nimaa roji'ina hihuna 'iamana.

Ruku 21:27

'E'eje Ema Puni Harihijaho 'imitia vaji Huni harura 'ee Huni hanaji'iniji'i maho'o roe ea mapoka kahuna.

Ruku 8:15

'Ina ka'ene mwe'a mamai arihajihuni maijaho ea Godoni ira hene puni oja vaji irechavukame pu hina vena apena va'u va'u'e va'e pu 'ina niho'o maa rejura.

Joni 21:22

Jesu ijá 'wama Na ura eakaho hina apena va'eje Na kú'o rohuna re'ipisa ijaho oni kaukara panakúne Na 'ararihia roa 'wamana.

Joni 21:23

Pu vwehwaha ijí henareja 'wama apene oji'i ijá 'wava Ike tisaiporuakaho pakwa'ena 'wavara. 'Enakaivo Jesu hu pakwa'ena pa'iamana. 'Enakaivo Na ura eakaho hina apene va'eje Na kú'o rohuna re'ipisa ijaho Nuni kaukara 'wamana 'iamana.

Romani 15:4

Uneunecha kija nitama vejajihuni maijaho nú najuhakame nú masuani matauma hi'avari vajijino Godoni irijara ni'ajúhe núra nimaa rojujaho ija kisi 'unahuna.

Romani 2:7

'Enakaivo ea ka'ene na'ia mapoka'e masuani hine mamaa vene 'ee pinana maiji sarame 'ee hura vene 'ee uneunecha ka'ene majama nahuniji saravujija Hu majama hihunijaho pu mihuna.

1 Koritia 1:7

'Enajihuna'e núni Natohwa Jesu Kerisora rohuni veiji 'ajahuri vajakaho Godoni swara papivusahuna.

Karesia 5:5

Ijihuni maijaho nú 'Avena vaja 'ee nimairoa vajijino ariramaiji nimaa roji'i 'ajaha hiju.

Karesia 6:9

Roe nú mamaiji vehunijaho paucha'asa'avara. Ijihuni maijaho vea nimaa ro ape'eje a pasena'eje ve'amajaho ijihuni eha apehuna.

Korasia 1:11

'Ene ja Huni hanaji'ina vajijino harura maho'one 'ee vivinui matauma hine 'ee ata kairasahe hihunijaho 'ekakame niho'o temarijara joni vaji rarena'e parani'amana.

1 Tesaronia 1:3

Na'ia mapoka'e jara nimaa rohuni kaukara ijí vene 'ee ea oja mihe 'ee nimairoa ka'ene núni Natohwa Jesu Keriso oni vaja 'ee núni Godi 'ee Omijihuni una'i ija kisina 'unama hijuji vwihaniura.

1 Tesaronia 2:19

Núni nimaa roijaho irahije 'ee núni eha maa ka'ene núa'e ta'aroruhe vajúhunijaho irahije? Núni Natohwa Jesura ro'amani veijino jara Huni una'i namihunijina.

1 Tesaronia 3:13

'Ene Hu ja vena'e joni oja Godi ka'ene núni Omijihuni una'i ariramaa rene panama'eje núni Natohwa Jesuho 'ee Huni ea ariramaijipo Hu hu'úmo roavari veijaho matauma namihuna.

Hipuru 6:15

'Enajihuna'e Eparahami nahama 'warama kaji masuani 'ajaha hina va'u va'o va'e piunamana.

Jemisi 4:11

Vwehu nune ira kisina 'wame ninakaravi'ina pareha! Ea irara huni vwea ira kisi niname 'ee namahujaho hu varapiji niname 'ee namaha avanu. 'Enakaivo ja varapiji nama'avajaho ja varapa 'ararihai'ina pana kaivo ijí namahi'ina.

Jemisi 5:10

Vwehu nune areri poropetiepo Natohwi jihuni iha toi vejaja'ina'e siseisei hi'avajaho masuani ajuarasahe pura vene najaha kaja'ina'e hi'avara.

Jemisi 5:3

Joni korutia 'ee siriva tihejara. 'Ene ijí tiheja kajipo ja rone 'warahuna. 'Ene ijipo veje ja areri veni renau ja'ina'e renahuna. Ike vea túchamaa ikino ja joni uneunecha hine tamua vejara.

2 Pita 3:4

'Ene pu ija'ina 'ihuna Hura rohuna ka'ene nahama 'waramajaho ichí roo? 'iame 'ijahe 'warahuna. Ijihuni maijaho uneunecha ka'ene mai'o mwe'a aneja vejajino rene roe emahu núpo kwamasahajino unenu'u pina ani'ina pare'eju'e nija'ina'e navu 'iahuna.