Jemisi 5:5 - Godoni vuʼa maiuʼina

⁵ 'Enakaivo ja ikino mwe'i hijujaho uneunecha mamaa 'ee mapoka ani renavumakame ijihuni toi hami hine 'ee joni hiijaho joni hahijara ura renaja'ina'e veji'i hijara. 'Ene ijihuni vei reje 'anihuni jihuna'e joni oja siseiji piravume emarejara.

Jemisi 5:5 Iomraidhean Croise

Ruku 16:19

Nitama ea pina ateha niho'o mavarasa'ini same 'ee uneunecha mapoka ani re'eju'e ara mavarasa'ini 'iruma mamai iji'i hinuna.

Ruku 16:25

'Enakaivo Eparahamira ijá 'wama Harihe a mwe'i hinajaho vwiha'amana. A mari'uvi'i hinana. 'Ene uneunecha mamaa 'ekana kaivo Rasarasiho sisea'e piunama jihuna'e hu iviamaa mamaa piuname teama'eju'e a haha ni'ima'ura hianamu.

Romani 13:13

'Enajihuna'e uneunecha ka'ene ja vejujija ariramaa samaumaaru ve'avara. Areri ja veiri'i hijuja'ina'e ve'avara. 'Ene 'unama sisei jihuniji ahume toa sisea pai'avara 'ee 'uasa pave'avara 'ee toa sisea ine 'uasa vejuri 'unama ani ani'ina pave'avara 'ee pa'arahe 'ee pitena pave'avara.

1 Timoti 5:6

'Enakaivo napara amuna ka'ene huni hahiji maho'o huni ura ijí aremahujaho hu mai'o hinu kaivo hu nimaa nikwamana.

2 Timoti 3:4

'Ene hekajihe 'waravi'ina rene 'ee majikari hiji'ina rene 'ee pu pusumano vwihaji'ina rene 'ee niho'o temarasahuniji oja mi'i kaivo Godiho oja pamahuna.

2 Pita 2:13

Pura sisei hijujihuni maijaho sisea ka'ene pu veju jihipuni eha apeju. 'Ene pu niho'o veiri'a samaumaa kajino sisea vehunijipo teamanama parajura. 'Enakaivo pu niho'o joni vaja kajino areri matana 'ee titana rukinepo na'i ijí 'iruma ijura vaja kajino ira sisea 'waravi'i pisivisavu.

Juta 1:12

Ea ikijahija jara ahuma 'iruma ijuri vaji vu'ujija areri na'apo soha vaji navuja'ina pu vea ka'ene ja pu'úmo 'iruma'e ijujaho pu pajuvura 'ee pu pusumano 'ajo'arame areri 'imitia toa pa'ana'e 'asiasii 'anae va'uja'ine 'ee ichi nahenare'e 'ina pa'irima navuja'ina. Pu chinuma maho'o jaheju'e sarasaha paraju ja'ina.

Revaresiani 18:7

Hura ichá'ina mamaa hine 'ee kukua rukima'ura renaja'ina'e ta'arohe sisemaa ka'ene haha hiame niho'o temuka ni'ima'ura apene pivuhuna. Ijihuni maijaho hu ika'ina huni oja vaji ronuna. Na kwinia sa'ina. Na amuna pana'omo na areri temuka papiuna'eju ronuna.