Jemisi 4:11 - Godoni vuʼa maiuʼina

¹¹ Vwehu nune ira kisina 'wame ninakaravi'ina pareha! Ea irara huni vwea ira kisi niname 'ee namahujaho hu varapiji niname 'ee namaha avanu. 'Enakaivo ja varapiji nama'avajaho ja varapa 'ararihai'ina pana kaivo ijí namahi'ina.

Jemisi 4:11 Iomraidhean Croise

Ruku 6:37

Ja ea 'aho'a panama'irakúne Godi ja panamahuna. Ja ea 'aho'a parona'irakúne Godi ja 'u'o parona'amana. Ea 'ahopuni sisea vwihane are'irakúne Godira joni sisea vwihana are'amana.

Romani 2:1

'Enavo ijihuna'e joni 'unama pina panamu. Ja ea irahipo ea 'aho'a namahujaho joni 'unama pina panamu. Ijihuni maijaho a ea irara ea 'aho'a namahujaho a orono oni ahija'e vene avanu. Ja ea irahipo ea 'aho'a namahujaho iraka ka'ene pura vejujaho ja 'u'o ija'ina vejura.

Romani 2:13

Ea ka'ene Godoni tamaneru hejujija niho'o Godoni una'ijaho ariramaa pana. 'Enavo ea ka'ene Huni tamana hena vejujija Godoni una'a ariramaa rehuna.

Romani 7:7

'Ena'omo nú ichá'ina 'wa'eja? 'Ú Mosisi oni tamanijaho sisea raka? Niho'o pana. Mosisi oni tamanijara rakijara maa'e rakijara siseijaho najuhu. Na ijí itunavu kajaho sisea pavwihajuta kaivo tamana kajarahara 'warimajaho ea 'ahopuni uneunecha pakime itunahuna'e 'warumaji henarejo iji'a itunavujaho 'unama sisea kavuta.

1 Koritia 4:5

'Enajihuna'e marako vu'a nimaijaho pahe'i kaivo ea namaha va'ava. 'Enakaivo masuani 'aja'eje Natohwijara ro'amajino iraka ka'ene nututi tanume navujija veje roe samaumaa re'amana. 'Ene emaa huni oja vaji ichá'inijaho Hura veje roe samaumaa'e rehuna. 'Ejakame ea kwinu kwino ta'arorahujaho Godina'i rena rohuna.

2 Koritia 12:20

Ijihuna'e na vea ka'ene kú'o 'uname roujaho jara ichá'ina ka'ene rehuna'e na vwihajujaho parena vehunijara na oja hianimu. 'Ene nara ichá'ina ka'ene veje ja ura parenahuniji vwihaju. 'Ene joni vaja hine 'ura'aravu ho ea 'ahopuni kukui jihuna'e sename ajinavu ho ajiri pivaroramu ho 'ura'arame ninakaravu ho ea ira'atijino namahe 'wavu ho epuni vu'a sisea ronahu ho jarika reju ho 'ee uneunecha mai'o ura arini paname 'ee pareju.

Epasasi 4:31

'Enakúne ike 'unama ka'ene 'uraura 'ee sena ajira mwasiriti'aravura vu'a ronahura naka veti'aravuri 'unamijija irechave maho'o pa'are'avara.

1 Timoti 3:11

'Ene 'unama nikwinu'ina kajino napahwaha epuni hura veji'ine 'ee ea 'ahopuni vu'a sisea pakosarame oji'ine 'ee opuipo hami 'ajo'aravi'ine 'ee uneunecha maho'o ariraru pauchauchahi veji'ina.

2 Timoti 3:3

'Ene oja pama'aravi'ina'e rene 'ee pavwihana arekaravi'ina'e rene 'ee ea 'ahopuni vu'a sisearu kosaravi'ina rene 'ee opuipo pa'ajoaravi'ina rene 'ee ea panumiravi'ina rene 'ee mamaijija niho'o senavi'ina'e rehuna.

Taitasi 2:3

'Ene paranaha 'u'o 'waravakame pu 'unama maaru vene pu majikari ea panamahe toa sisea puni harura hara pahija kaivo pu uneunecha ka'ene mai ijihunijiru naja'avara.

Jemisi 1:16

Vwehu núna ka'ene na ja oja mihi'inakije paveje ea ja pisivisa'avara.

Jemisi 1:19

'Ene vwehu nuna ka'ene na oja mihi'inakije ja ikaho niheji'ina. Ja ea kwinu kwino mamako hami he'avara kaivo marako pa'warame 'ee pa'ajinavi'ina'e re'avara.

Jemisi 1:25

'Enakaivo ea irara varapa arimaa ka'ene vejume hanasina'e apejaji hami piuhahe ijihuni toi hiji'i paruvi'ina'e 'ee hene teama'eju'e veji'ina'e renujaho ea ijaho uneunecha ka'ene hura ve'amajaho niho'o merajahuna.

Jemisi 2:8

'Enavo varapa mavarasa'ina ka'ene Godoni ira vaji namujaho ika'ina 'warumana. Ja ea ka'ene joni rori hijujija oja mi'avara. Areri ja ojono joni haha oja mahuja'ina'e mi'avara 'úmana. Ja ija'ina'e ve'avajaho mamaa'e vene avahuna.

Jemisi 5:10

Vwehu nune areri poropetiepo Natohwi jihuni iha toi vejaja'ina'e siseisei hi'avajaho masuani ajuarasahe pura vene najaha kaja'ina'e hi'avara.

Jemisi 5:7

'Enajihuna'e vwehu nune masuani ajuarasahe hina va'eje Natohwijaho ro'amana. Ea ka'ene juara 'oji'inijara huni uja mavarasa'ina ka'ene mwe'a vaji irechavu'e navujipo nehi pine sona'eje marasa'avarono masuani 'ajiha hinujaho kaha.

Jemisi 5:9

'Enakúne vwehu nune pasu'arame ninakara'avara. 'Ejakame ja panama'avara. Heha! 'Otua heji'inijaho vwicha jiamai naminu.

1 Pita 2:1

Ijihuna'e ea 'aho'a túa paveti'avara 'ee ea papisivisa'avara 'ee masapa puna'i aroaroti panami'avara 'ee ea 'ahopuni kukui jihuna'e oja sisea pavwiha'avara 'ee ea 'aho'a parona'avara.