Jemisi 3:17 - Godoni vuʼa maiuʼina

¹⁷ 'Enakaivo mamaa ka'ene ichutoi rena roujija ikehina. Amurijaho ariramaa'e matauvi'ine masuani ajuaravi'ine hami vwihaji'ine numisarai rarena paraji'ine kara mamaa'e 'ee karokaha paveji'ina. 'Enakúne pa'aro'aroti namine choichoi pameji'ina'e re'avara.

Jemisi 3:17 Iomraidhean Croise

Matiu 23:28

'Enajihuna'e ja 'u'o areri ija'ina. Ea 'ahopuni una'ijaho ja ea arira kaivo joni vajijaho ira'ata mama'ina 'ee sisea ani rena navu.

Matiu 5:8

'Ene ea ka'ene puni oja ariramaa rejajija teamanava. Ijihuna'e pu Godi kahuna.

Matiu 5:9

'Ene ea ka'ene ea 'aho'a venau'e pu pu'úmo matauvi'inijija teamanava. Ijihuni maijaho Godira pu Huni harihija 'i'ena.

Ruku 21:15

Ijihuni maijaho Nara vu'a ka'ene ara 'warahuna vajahakame oni naka ara vu'a ka'ene 'wara'amajaho hene pu areri patanu'urahe 'ee pu niho'o unenu'u pina areri pa'warahuna.

Ruku 6:36

Joni Omijara ea 'aho'a numiramu ja'ina'e ja ea 'aho'a numirahuna.

Joni 1:14

'Ejume Irijaho roe haha apene nú pu'úmo ahuma hijume nú Huni hanaji'ina kavara 'ee Huni Hariha nikwinu'wi maa kajihuni hanaji'inijaho Amo ka'ene maiji vwihanúe 'ee nimaijihuni rena roana.

Joni 1:47

Jesu ka'eme Nataneru Huni roume hu rone ijá iama Kaha! Ikaho niho'o Isureri ora nimaa nimaijina. Hu niho'o ira'ata pa'a mai 'iamana.

Akisi 11:24

Hu ea mamae 'ee nimaa roji'ine 'ee Godoni 'Aveni ruha apena paraji'ina'omo ea mapoka Natohwi jihuni ea rejara.

Akisi 9:36

Ara ka'ene Japana 'wavujino tisaiporua pina Tapitana. 'Enakaivo Kuriki puni iri 'urahujaho Tokasina 'wavura. 'Ena'omo ike naparakaho hu ea hami 'ahie 'ee ea ka'ene uneunecha pa'ajihi ni'ajihuna.

Romani 12:18

'Unama onuna areri re'amajaho ea maho'o pu'úmo matauma hi'amana.

Romani 12:9

Ja majikari ea oja mihu pa'ia'avara vo nimaa nimaa oja mi'avara. Siseijaho sena'avara kaivo 'unama maijaho ija hami 'unanama hi'avara.

Romani 15:14

'Ejume vwehu nune na nimaa vejujaho ja 'u'o mamaijara itu'ona'e 'ee henaka'i maho'o ituona'e parajara 'ee ja areri ea 'aho'a pu'úmo ni'aja'arahuna.

1 Koritia 12:8

Ijihuna'e Hu ea pina 'Avena vajijino vu'a ka'ene vwiha mavarasa'iniji vajahuna. 'Ene vu ea pina vu'a ka'ene henaka ijí 'Avena nikwisu'ina kajara vajahuna.

2 Koritia 10:1

Na Porura onuno ja 'ejahie Keriso oni ajuarana masuani hijura vajijino 'waravu. Na vea ka'ene ja pu'úmo ura varira kakaravujaho ajuasina'e rejura kaivo na karaa ani hijujaho na niho'o ira kisina'e jonuna'a 'waravura.

2 Koritia 6:6

'Ene ariramaaru vejara vaja hinaka vaja masuani ajuarasahe hijuri vaja 'ee mamaa'e vene ni'aja'aravura vaja 'ee Godoni 'Aveni jihuni vaja 'ee oja nimaiji mihuri vaji hijara.

2 Koritia 7:11

Ma ike temuka maa kara joni vaji raka ka'ene venaji kiaha. Ijara vejume jonuna'a samaa'e renana 'ee ja sisea irakiji kime senavare 'ee sisea juhavare? 'Ene ja ura ijara roe samaa'e rehuna ura renaara 'ee ja sisea kara parehuna niho'o ura rena parajure 'ee ja rakijihuna'e eha vehuna ura renaara. 'Ene jara uneunecha kihi vejajara najahujaho ja ijí sisea kajihuni pwina pana.

2 Koritia 9:10

'Ena'omo Godi ka'ene uja 'oji'iniji 'ina vajihe 'ee puretia 'iruma ihuna'e vajúhujara Hura vajihe 'ee joni 'ina veje mapoka mapoka 'ohuna re'amana. 'Ene arira maiji juara puna'i sahunijaho veje mapoka renahuna.

Epasasi 5:9

Ijihuni maijaho hanaji'ini jihuni 'inijija ahume maho'o mamaa vene arira maijihi vene 'ee nimaijihi vehunijina.

Piripai 1:11

'Ene 'unama arira ka'ene Jesu Keriso oni rena roajara joni vaja niho'o tinia apena para'ama jihuna'e Godiho aromahe 'ee ta'arohuna.

Piripai 4:8

Túchamaijaho vwehu nune irakijara nimaa'e 'ee irakijara hura vejura 'ee irakijara arire 'ee irakijara ariramaa'e 'ee irakijara mavarasa'ina'e 'ee irakijara iha mamaa 'urihuna 'ee unenua 'aho'a mamaa areri ta'arorahuna ijákajihuni toi joni vwiha ijija irecha'avara.

Korasia 1:10

'Ene ja 'unama mamaa ka'ene Natohwiji ura renuja'ina'e one 'ee Huni hura ve'avara. 'Ene kaukara mamaa ka'ene ja vejujija 'ina rukina'e rene 'ee Godoni henaka vajijino emare'avara.

1 Tesaronia 2:7

kaivo nú masuani ajuarasahe joni vaji hijara areri oahi huni sesamaa'e 'ajohau ja'ina'e vejara.

1 Timoti 5:21

Na Godiho 'ee Jesu Kerisoho 'ee Huni 'ona oji'ina ka'ene iji pijiha jihipuni una'i pa'uama 'ivi'i 'waravukúne ike 'unama nimaa kija hami 'ajohe ve'avara. 'Enakaivo ja paki'eje ira ka'ene ja najahume hejaja'ina'e vwihaji'i ve'ava. 'Ene oja ka'ene ronukwino rejujaho pasa'avara.

2 Timoti 2:24

Natohwi jihuni pweija pa'uraaravi'ina'e rehuna kaivo ea maho'o hami 'ahie areri najahe 'ee erapo sise'i 'aha'avajaho masuani makivi'i ajuarane hihuna.

Taitasi 1:15

Ea mapoka puni oja vaja niho'o maa navujaho pu maaru vwihajura kaivo ea ka'ene puni oja vaja sisea name panimaa rojujaho sisearu vwihajura. Puni oja vaja nisakarasaha jihuna'e pura uneunecha ka'ene kime vwihajujaho sisearuna.

Taitasi 3:2

Pu ea 'aho'a paronahe 'warame 'ee pa'urara'avara kaivo ea 'ahopuna'i mamaa vene 'ee ea 'aho'a oja vwihani'avara.

Hipuru 12:11

Vu'ataa paheju'e 'aniujaho hianavu jihuna'e tea pamanavura. 'Enakaivo ea ka'ene ija'ina 'ahiujija túna'i pu ea mamaa re'eja.

Hipuru 12:14

'Enakúne ea 'aho pu'úmo oja sonaravi'i hi'avara. 'Ene ani ani pavene 'ee 'unama ariramaiji vehunijara ituna'avara. Ea irahipo ariramaa pa'ana re'avajaho Natohwijaho pakahuna.

Jemisi 1:17

'Ene uneunecha maho'o mamaa 'ee swara arira mamaijija ichutoi hanaji'ini jihipuni Omijihuna'i rene roura. Hu pata'arohe ani ani'ina rene 'ee Hu areri nihapo ikehikehi niha rena va'a va'uja'ina pana.

Jemisi 1:5

'Enakaivo ja ea irara vwiha mamaiji pa'ana'e rena'amajaho maka'eje hu Godi ka'ene iswasiniji jarivakame Hu teama'eje ma'amana.

Jemisi 2:13

Ijihuni maijaho ea ka'ene ea pihuna'a panumisaramujaho 'otuijaho niho'o ea kajihuna'a panumisarahuna. 'Enajihuna'e numisara ijara 'otuijaho asimana.

Jemisi 2:4

'Ú ja ivi'a ojono iana vetiarame 'ee vwiha sisea huni 'unamijino mina vetiaravume paranane?

Jemisi 3:15

Vwiha ijá kajaho ichutoi rena rohuna pana kaivo ijaho mwe'a kehuna 'ee haha huni 'unama 'ee 'avena sisea puna'i rena roura.

Jemisi 4:8

'Ene Godoni nini roa paraha! 'Ejakame Hu joni nini roa paranama. Sisea veji'inakije joni ija sisea sove paranama. 'Ene vwiha no'o no'u'inikije joni oja veje ariramaa rejava.

1 Pita 1:22

Ja nimai ijihuni ira hena vejume joni oja maa renajihuna'e nimaa nimaa vwehu jona oja mi'avara. 'Ene oja vamaa kami rene roe oja 'ekara'avara.

1 Pita 2:1

Ijihuna'e ea 'aho'a túa paveti'avara 'ee ea papisivisa'avara 'ee masapa puna'i aroaroti panami'avara 'ee ea 'ahopuni kukui jihuna'e oja sisea pavwiha'avara 'ee ea 'aho'a parona'avara.

1 Pita 2:18

Pwee! Joni mama'ini jihipuni hura vene 'ee puni hararu hi'avara. 'Ene ea ka'ene mamaaru vene 'ee ajuarasahe hijujihi punaru paveha kaivo ea sisei 'ahiu jihipuni hari hine 'ee puni hura 'u'o ve'avara.

1 Joni 3:18

Sesahu nune ma iraru oja mihu pa'waha kaivo nimaa nimaiji vene 'ee oja miha.

1 Joni 3:3

'Enajihuna'e ea irara ike nimaaroakaho Huni vaji namujihuna'e hu ori'ini vejume arira maa renana. Areri Hu arira maija'ina renuna.