Jemisi 2:1 - Godoni vuʼa maiuʼina

¹ Vwehu nuna ja paki'eje núni Natohwa Jesu Keriso ka'ene mavarasa'iniji nimaa roji'ina 'wa'ika'i ea kwinu kwino ura rena'ina'e re'ava.

Jemisi 2:1 Iomraidhean Croise

Matiu 22:16

'Enareje pu puni pwehija 'ee Heroti oni pwehijijihi pu'úmo irechamiume Jesuni va'areja pu ijá 'wava Najuhi'ine nú nihena kavu A vu'a nimaaru 'waramuna. 'Ene Godoni 'unama ka'ene aririjiru ea mapoka najahuna. 'Ene A ea kwinuru pavwihanuna. 'Ene eaka mapokijija ira nikwinu 'waramuna.

Akisi 10:34

'Ejume Pitara ira ahasirime ijá 'iama Na nimai ja 'waravu na hejujaho Godiho ea ronu kwino parenuna.

Akisi 20:21

Na'ia mapoka vu'aka rona 'waravujaho nikwinu'inake Jua 'ee Kuriki puni sisea aremamaa are'i kaivo ta'arohe Godoni roe 'ee núni Natohwa Jesu Keriso nimaa roha 'iavura.

Akisi 24:24

Pirikisi oni naparijaho Jua. Huni ihijaho Turusirana'omo Porura roe Jesu Keriso nimaa rojuji 'warave he'irono roana'omo 'waramana.

Akisi 7:2

'Ejume hu ijá 'iama Heha! Vwehu nuna 'ee emahu nunakije ja nuni irake hami heha. Nitama Eparahami ka'ene núni omijaho mai'o Herani pava'ika'i Mesopotemia hinajiri Godi ka'ene hanaji'inijaho huni roana.

Romani 1:11

Na ja ki'irono ura renia paranu jihuni maijaho na ura 'Avena Huni swara 'aho'a joni vaji irechavakame ja Huni ira ija kisi apene joni una'i saname vehuna.

1 Koritia 2:8

Ike vwiha mamaakaho mwe'a ikehuni 'ajoha'ina pini hena kahuna pana. 'Enakaivo pu hena kahuna'e re'ipisa pu Natohwa ka'ene pinana rukinijaho korosi 'aha pa'anaa'a.

Korasia 1:4

Ijihuni maijaho Jesu Keriso oni vaji joni nimaaroa 'ee jara Godoni ea ka'ene akuavi'iniji oja mihuji henare'e avajura.

1 Timoti 1:19

'Ene oni nimaaroijaho vwiha hami vwihaji'i 'ajo'amana. Ijihuna'e ea 'aho'a puni nimairoa pata'aroha jihuna'e pu sisima epuna'i tira'usahara.

1 Timoti 5:21

Na Godiho 'ee Jesu Kerisoho 'ee Huni 'ona oji'ina ka'ene iji pijiha jihipuni una'i pa'uama 'ivi'i 'waravukúne ike 'unama nimaa kija hami 'ajohe ve'avara. 'Enakaivo ja paki'eje ira ka'ene ja najahume hejaja'ina'e vwihaji'i ve'ava. 'Ene oja ka'ene ronukwino rejujaho pasa'avara.

Taitasi 1:1

Na Poru Godoni pwea 'ee Jesu Keriso oni apasorua. 'Ene ea ka'ene Godira iji pijiha jihipuni nimaaroa 'ee nimaiji henakame ariramaa hihuna najahu.

Taitasi 2:13

'Ena'omo nú vea ka'ene Hura rohuni vea mamaa kaji 'ajaha hine 'ee núni Godia ka'ene ni'ima'urijaho 'ee núni Ni'ajúhi'ina Jesu Kerisora eajarame roa arihuniji 'ajaha hiju.

Hipuru 1:3

Godi Hu ichá'inijaho Hariaha ija'ina'omo Hu najuhana. Hariahijara raka ka'ene venajaho Godi ija'ina venuna. 'Ene Huni harurijino uneunecha mapoka ka'ene maira 'wara'eme rejajija Hu 'uninamiu'e puni tiniji navura. 'Enavo Hu kwama núni sisea sovume paranajaho akúpa huni Godi ni'ima'uri jihuni ija mana'inija'i tinia ka'ene Hu ta'arohuniji asuma hinana.

Hipuru 12:2

Jesu ka'ene núni nimairoa anejijine 'ee aneja rena va'e uri usehunijina. 'Enajihuna'e núni nia Hu kavi'i vahuna. Hu korosi 'ahi ahija apeji'i jumana vo ijí Hu juma kajaho semana. Hu ija'ina venajihuni maijaho Hu túna'i teamahuniji apehuni jihuna'e avanana. 'Ena'omo Hu iviamaa akúpi 'ahi Godoni toronu ija mana'inija'i asuma hinu.

Jemisi 1:16

Vwehu núna ka'ene na ja oja mihi'inakije paveje ea ja pisivisa'avara.

Jemisi 1:19

'Ene vwehu nuna ka'ene na oja mihi'inakije ja ikaho niheji'ina. Ja ea kwinu kwino mamako hami he'avara kaivo marako pa'warame 'ee pa'ajinavi'ina'e re'avara.

Jemisi 2:3

'Ee ea ka'ene ateha mamaa same roaji kavi'i ijá 'wa'ama A roe ike ruha mamaakino asuma hina. 'E'ikaivo vu ea ka'ene pivuji'inijaho ijá 'wa'ama A karokaro va'e namina ho roe nuni mumori namukino asuma hina 'wa'ama.

Jemisi 2:9

'Enakaivo ja hine ronukwino reji'i hi'avajaho ja sisea'e vene avaju. 'Eju'e varapijara 'waramujaho ja sisea veji'ina.

Jemisi 3:17

'Enakaivo mamaa ka'ene ichutoi rena roujija ikehina. Amurijaho ariramaa'e matauvi'ine masuani ajuaravi'ine hami vwihaji'ine numisarai rarena paraji'ine kara mamaa'e 'ee karokaha paveji'ina. 'Enakúne pa'aro'aroti namine choichoi pameji'ina'e re'avara.

2 Pita 1:1

Na Saimani Pita ka'ene Jesu Keriso oni pwea 'ee apasorui ea ka'ene puni nimairoa nikwisu'ina 'ee núni Godi 'ee ni'ajúhi'ina Jesu Keriso oni arira maijihuni vaji núra apejaja'ina'e apejajihi puna'e veju.

Juta 1:16

Ea ikija sui'ine 'ee ea nama'irono puni sisea sarame 'ee sisea iraka'e pu ura renaujaho ma ijí vejura. Pu ira toa rukina'omo pu ea pisimi'i pununa'i uneunecha maa ijí 'eka'iro avajura.

Revaresiani 14:12

Ea ka'ene Godoni varapa hena vene 'ee Jesuni vaji nimai rojujihija ata kisina namine sisea piunivuri veijaho mataume hihuna.