Jemisi 1:2 - Godoni vuʼa maiuʼina

² 'Ene vwehu nune hami vwihane nirisa'avara. Vea ka'ene ja venakia ani ani'ina piuni'avari vajijaho temarasa'avara.

Jemisi 1:2 Iomraidhean Croise

Akisi 5:41

Pu kanisoru puni una'i are'i kaivo arihe temaraji'i va'ajihuni maijaho pu Jesuni ihijihuna'e ea pu sise'i 'ahie 'ee juha apeja jihuna'e avajara.

Romani 5:3

Ijiru pana kaivo nú sisei hi'eja vo nú teamanuma paranúhuna. Ijihuni maijaho ijí sisei hi'avajara ni'ajú'eje nú masuani hina apena vahuna.

Piripai 1:29

Ijihuni maijaho ja Keriso nimaa rohuneru pana kaivo Hunijihuna'e sisei hihuna 'u'o mihana.

Piripai 2:17

'Enakaivo na toa ijuri swasa puna'i vene joni nimaa roiji ni'ajihuna'e usekuniara. 'Ena'omo na mari'ume teamani'eju'e nuni temarijaho ja pu'úmo 'wame nasaravu.

Piripai 2:18

'Ene na ja 'u'o 'waravu Temarasa'avara! 'Unama nikwisu'ina ka'ene nara temaraju ja'ina'e joni temarijaho nú pu'úmo 'wame temarasa'avara.

Korasia 1:24

Na teamanimu jihuni maijaho na jonijihuna'e haha hianimu. 'Ene Kerisora Huni haha ka'ene sosijihuna'e sisei hinajihuni pwina ijaho nara sisei hiju'e pa'arenu.

Hipuru 10:34

'Ene ea ka'ene tipurai irechamia jihipu'úmo ahuma sisea apejara. 'Ene uneunecha ka'ene ja 'ajohajaho 'etujihara vo ja teamana'eme matauvara. Ijihuni maijaho joni uneunecha mavarasa'ina ka'ene majama nahunijaho ijí 'ajiha namujaho ja nihejara.

Jemisi 1:12

Ea ka'ene venakia hari majamano kirana va'amajaho Godira merajahuna. Ijihuna'e hu nimaa'e kirane va'ana'e re'amajaho hu majama hihuni i'esa ka'ene natohwijara ea ka'ene Hu oja mahuji nahama 'waramajaho apehuna.

Jemisi 1:16

Vwehu núna ka'ene na ja oja mihi'inakije paveje ea ja pisivisa'avara.

Jemisi 1:19

'Ene vwehu nuna ka'ene na oja mihi'inakije ja ikaho niheji'ina. Ja ea kwinu kwino mamako hami he'avara kaivo marako pa'warame 'ee pa'ajinavi'ina'e re'avara.

Jemisi 5:11

Heha! Ea ka'ene kirasahe va'ujija nú punijihuna'e teamanuhuna. Jopura kirane va'ajaho ja nihejura. 'Ene túna'i roe ichá'ina ka'ene Natohwijara venajaho nikavara. Natohwijaho niho'o temuki rareji'ine 'ee numisarai rareji'ina.

2 Pita 2:9

'Enakaivo Natohwijara 'unama ichá'inijino ea ka'ene Godi hena kavi'inijihi venakia vaji ni'ajihuna arerina. 'Ene ea ka'ene arira pa'ajija 'otua veijino eha mihuna'e irechamiu'e hiju.

Revaresiani 2:10

'Enakúne jara sisea ka'ene piunihunijija niho'o pajuha'avara. Ike heha! Setaniho ja ea 'aho'a vena kime tipura samahuna 'ee na'ia iropu ropu ja ruarahe sise'i 'ahihuna. 'Ene hu ja sise'i 'ahie 'ania kwamasa'i ve'avajaho ja Na niho'o patúchahi'avara. 'Eje Nara ja majama hihuni koraunu vajihuna.