Jemisi 1:18 - Godoni vuʼa maiuʼina

¹⁸ Hu Huni ura ijino nú Huni vu'a nimaa vajijino nahenuana. 'Ejakame nú areri Hura uneunecha ka'ene vena jihipuni amurijihi re'avarono avanana.

Jemisi 1:18 Iomraidhean Croise

Joni 1:13

Godoni harihija rejujijahija emaa puni 'ai tuhuna pane 'ee hahijihuni ura ijino nahehuna pane 'ee ei pini save nahehuna pana kaivo Godira Huni ura ijino venau'e Huni harihija rejura.

Romani 4:17

Ijihuna'e Godoni ira vaji Eparahami rone ija'ina 'warumana. Nara a vena kamareje kwaaka mapokakino eaka mapoka ka'ene hiju jihipuni oma rehuna 'úmana. Kwaaka mapokakino eaka mapoka ka'ene Eparahamira nimaa ronaja'ina'e nimaa roji'inijija Godira 'ekahuna. Godi ka'ene ea kwamasahi'ina veju'e 'urine 'ee uneunecha ka'ene pa'aji'i veju'e reji'inijina.

1 Koritia 4:15

Ijihuna'e Keriso oni vaji joni najahi'ina mapoka mapoka re'ipisa joni oma mapoka pa'ana'e reja'a. Ijihuna'e ike vu'a maa maiu'ina vajakino na Keriso oni vaji joni oma'e rejuta.

2 Koritia 6:7

'Ene ira nimaa vaja 'ee Godoni harura vaja 'ee kukua arimaijino mana'inija'i 'anihuna'e apene 'ee ana'inija'i tanuhuna apejara.

Epasasi 1:12

'Ejakame ikehuni urijaho nú ea ka'ene amura'e Keriso nimaa rojujaho Huni mamaiji ta'arohuna.

Epasasi 1:13

Ja 'u'o Huni vaji Huni ira nimaiji hene 'ee vu'a maa maiu'ina ka'ene ja ni'ajihana ka ja nimaa rojume Huni 'Avena ka'ene nahama 'waramajaho joni vaji Huni tatua vene mihana.

2 Timoti 2:15

Oni kaukara hami hami vejakame Godiho onijihuna'e teamama para'amana. Oni kaukara hami ve'irakúne niho'o pajuna'amana. 'E'eje Godoni Ira ariramaa nimaiji amairia nirisame naja'amana.

Hipuru 12:23

Godoni harihija amura ka'ene puni iha kahi akúpa 'ahi veju'e navi'inijipo ahuvuri tinijino ja niroara. Godi ka'ene 'otua vetihuni anesuri jihuni roara. 'Ene ja Godoni ea ka'ene kwamasaha jihipuni 'avena ka'ene ariramaijipo hijuri tiniji roajivara.

Jemisi 1:15

'Ene vea ka'ene itunavujara roe emarena paranujaho sisea nahenuna. 'Ene vea ka'ene siseijara roe anesina'e rena paranujaho kwamasahuna renuna.

Jemisi 1:21

'Enajihuna'e 'unama ka'ene chiha rukinijija 'ee sisea 'aho'a ka'ene joni vaji navujija maho'o irecha'i kaivo masuani ajuarasahe hi'avara.

Jemisi 3:14

'Enakaivo ja niho'o senama parane 'ee joni ojijihuni ura ijiru vwihaji'ina'e re'avajaho pakehi kehi ve'avara. Kehi kehi vejujaho sisea ni'ima'ura ka'ene nimaiji'i ninakaravi'inijina.

1 Pita 1:23

Godoni Ira mai'o hiji'ina ka'ene majama nama vahuni vaji kú'o nahenaara. Ijihuni maijaho ja 'ina ka'ene pa'arehunijaho pana kaivo papa'arehunijino ja kú'o nahenaara.

1 Pita 1:3

Veje núni Natohwa Jesu Keriso oni Godia 'ee Omiji ta'aroha. Hura ni'ima'ura numirumana vajijino venume Jesu Kerisora kwama 'urinaji nimaa rojajihuna'e nú kú'o nahenume majama hihunijaho apejara.

1 Joni 3:9

Ea irara Godoni vaji nahejajaho hu sisea pavenuna. Ijihuni maijaho Huni 'Ina huni vaji hinujihuna'e hu sisea pavenuna. Ijihuni maijaho hu Godoni vaji nahejara.

Revaresiani 14:4

Ea kajijahija ea 'ahopo napara pu'úmo ruasaravu ja'ina pu pavejara kaivo pu mota rena hijara. Ea ikehipo Remuijaho 'ararihae ojura. Ea kajijahija Godi kaivo Remui jihipuni 'ina amura ka'ene emaapuni riri 'imene 'ekahajina.