Hipuru 9:14 - Godoni vuʼa maiuʼina

¹⁴ 'Enakaivo ikaho niho'o vwihaha! Niho'o ni'ima'urijaho ikena. Nú kwamasahuni 'unama ka'ene vejujaho Keriso oni 'aijara núni oja sovuma paranana. 'Enajihuni hahi Godi ka'ene majama hiji'inijaho nú oja mahe 'ee ta'arohu. Ijihuni maijaho Kerisora majama hinuni 'Avena vajijino ori'ini sisea pa'ajara núnijihuna'e Godina'i swasa ka'ene ariramaijaho venana.

Hipuru 9:14 Iomraidhean Croise

Matiu 12:28

'Enajihuna'e Na Godoni 'Avenijara veje 'avena sisea siomaujaho Godoni arijaho nikino joni vaji roana.

Matiu 16:16

Saimani Pitara eha vene ijá 'wama A Kerisona. A Godi ka'ene mai'o hiji'inijihuni Hariha 'wamana.

Matiu 20:28

Ema Puni Harihijara roujaho ea mapoka Huni pwea pare'avarono roana kaivo Hu puni pwea re'i 'ahaume roana. Hu Huni hia ea mapoka'e mihana. Areri ema 'imenaana 'iamana.

Matiu 7:11

'Enakaivo ja ea siseakija joni harihija uneunecha mamairu vajihura'e re'avajaho 'ú joni Oma ka'ene akúpi 'ahi hinuji jari'avajaho Hu uneunecha mamairu pavajihuna raka?

Ruku 1:74

'Ene Hu núni nakapuni vaji Hu nú ni'ajúhuna nahama 'warumana. 'Ejakame nú pajuhavi'i Huni kaukara vehuna.

Ruku 12:24

'Enakúne ikaho vwihaha. Uka ka'ene jaijasaha oju kare kiha. Pu niho'o puni 'ina pa'one 'ee puni 'iruma pa'eke rira kwino ahuma irechavu kaivo Godira 'iruma vajihu. 'Enakaivo jara uka niho'o asitaha parajara.

Ruku 12:28

'Ena'omo Godira sinara ka'ene iviasi mai'o navura'omo niari ato'uve veni rehunijija 'ajoha'amajaho Hu ichá'ina'e ja 'ajohahuna vwihajo? Ema ka'ene joni nimairoa ma'u'umaakije!

Ruku 4:18

Natohwi jihuni 'Avenijaho Na hu'úmo hinu. Hura Na ea ka'ene uneunecha pa'ajihi vu'a ka'ene mamaiji naja'urono ranamiana. Ea ka'ene i'ivani'inijihi rasamie 'ee ea ka'ene nia supavi'iniji veje niri'avarono routa. 'Ene ea ka'ene sisei hiji'inijihi ni'ajihe hanasina ape'avarono routa.

Joni 3:34

Ea ka'ene Godira ranavume roajara Godoni irijaho 'waramuna. Ijihuna'e Hu Huni 'Avena mina pave'ika'i mamahuna.

Akisi 1:2

apene va'u va'o va'e vea ka'ene Hura kahi akúpa 'ahi va'aji va 'e'ujuta. Hu va'amarono Godoni 'Aveni vaji Huni apasorua ka'ene Hura iji pijihajija raka ka'ene pu vehunijaho 'waramana.

Akisi 10:38

Ja nihejara Jesu ka'ene Nasareti Godira Huni 'Avena mahe 'ee Huni harura iji'i mahana. 'Ejumakame Godi hu hu'úmo hinujihuna'e Hu kwaaka mapokakino va'e mamaa vene ea ka'ene 'avena sisea ajimai'ina siomahuna.

Akisi 14:15

Ea ikije ja iraka'e ve'irono vejo? Nú 'u'o emaa areri jaa'ina. 'Enakaivo nú Godoni vu'a maa maiu'ina ja 'waravu jihuna'e ja ikija nimaa panakúne pata'arora'ika'i ta'arohe Godi nimaa ka'ene mai'o hiji'ina ka'ene akúpa vene mwe'a vene soha vene uneunecha ka'ene ijí navujaho venajihuni roha.

Akisi 15:9

Hu kúmujaho núa 'ee pua ani'ina kaivo nimaa roijara puni oja vaji sisea soma amairiahana.

Romani 1:20

Nitama aneja mwe'ake renaji roe iviamaa 'e'unakino eaka mapokakija uneunecha mapokaka iki mwe'i navuji kime 'ee mwe'ake kame 'ee akúpa kahe kamare'e Hura Huni majama namuni harurijine 'ee Hu icha'inijaho nikavu jihuna'e pu 'unama pa'ana'e rehuna.

Romani 1:4

'Avena ka'ene arimaijara 'warumajaho Hu Godoni Hariha ka'ene haruriji'i kwama 'urinajine 'ee Hu Jesu Keriso ka'ene núni Natohwijina.

Romani 11:12

Juapo sisea ka'ene vejajara reje ea ka'ene mwe'akino hijujija maranie 'ee pura pavejajara reje Jenitarua maraniana'e re'amajaho vo Juapo vea ka'ene Godoni kú'o 'unama ro'avari veijaho niho'o ni'ima'ura'e maranihuna.

Romani 11:24

Icha ka'ene ani'ini jihipuni anuamijiano 'eka roareje arivia kajihuni 'ahi ihenamiajaho Godi teamamana kaivo arivia kajihuna anuama maa ka'ene 'uri'usahe arihe kamino mwe'i navujihi 'eka kú'o arivia kajihuni 'ahi ihe'avajaho Godi teamama parahuna.

Romani 6:13

'Enakaivo ja paki'eje joni haha pwinana kehi 'eke 'unama ka'ene sisea vejuri kukuijihi re'ava kaivo kwamasahara'e 'urina hijuja'ina'e joni hahakaho maho'o Godi vajahe Godoni 'unama arira vejuri kukua'e reha.

Romani 6:22

'Enakaivo iviamaa siseijaho ja ni irechamiu'e ja Godoni pwehija rejajihuna'e ja eha ijaho ariramaa ani'ina. Hua'ina'e rene 'ee majama hihuna rejara.

1 Koritia 15:45

Ika'ina 'u'o vejara. Atamu ka'ene ea amurijaho mai'o hiji'ina'e renana kaivo Atamu ka'ene túchamaijaho 'Avena ka'ene majama hihuna vajihi'ina'e renana.

2 Koritia 5:21

'Enajihuna'e Hu vejume Keriso ka'ene sisea pa'ajaho sisea renana. 'Ejakame nú Huni vaji Godoni una'i arimaa'e re'avarono avanana.

2 Koritia 6:16

'Ene ichá'ina'e Godoni Temiporu iji'o godi ira'atiji'o roe nimaa veti'ara'eja? Ijihuni maijaho nú Godi ka'ene mai'o hiji'ini jihuni Temiporua. Godira nú ijá 'warumana Na puni vaji hine 'ee puni vaji 'urahe ohuna. 'Ene Na puni Godia'e reje 'ee pu Nuni ea rehuna 'úmana.

Karesia 2:19

Ijihuni maijaho varapa tamani jihuni harura vaji hijuta. 'Enarejo tamana vaja kajaho kwavume pa'are'eju'e Godoni jihuna'e hiju.

Epasasi 2:5

'Ene nú siseijara venume kwamasahara vo Hu venume nú Keriso pu'úmo ahuma mai'o hiju. Ijihuna'e maiji vwihaniajara vejume ja maraniana.

Epasasi 5:2

'Ene Kerisora ja oja mihaja'ina'e oja 'ekaravi'i o'avara. 'Ene Hu Huhusu nú múharena areri swara vene swasa Godona'e amua 'u'amarono venana.

1 Tesaronia 1:9

Pu opuipo núra ja ki'i roume jara 'unama ichá'ina ka'ene 'ekuajaho 'waruvara. 'Enareja jara godia ira'ata ka'ene iji vejuji nimaa rojujaho are'i kaivo ta'arohe Godi nimaa ka'ene majama hiji'iniji oja mahujaho 'waruvara.

1 Timoti 1:17

Hu iviamaa Kinia ka'ene majama hiji'inijina 'ee pakwavi'inijina 'ee haha pakavi'inijina 'ee Hu Godi nikwinuna 'ee Huni hura venahura 'ee pinanijaho aneja púsa pa'ana'e Huna. Ameni.

1 Timoti 3:15

'Enakaivo vejuro'i na tetama vehuni jihuna'e na ikija veju. 'Ejakame ja ea kwinu kwino ichá'ina'e Godoni kachi'ina vajijino kara ichá'ina'e veji'i hihuni 'unamijaho kame hehuna. Ijí kachi'ina kajija Godi ka'ene majama hiji'ini jihuni sosia 'ee pu tukeja ka'ene nimaiji 'unanamujina.

Taitasi 2:14

Hu núnijihuna'e kwamana. Nú sisei vaji hi'eme nú Huni ea re'avarono 'eka ruva'uana. Hu nú venume Huni ea arimaa rene 'ee Huni ea ka'ene Hu mamaa nimaijihi rene 'ee nú mamaaru vehuna ura renau.

Hipuru 1:3

Godi Hu ichá'inijaho Hariaha ija'ina'omo Hu najuhana. Hariahijara raka ka'ene venajaho Godi ija'ina venuna. 'Ene Huni harurijino uneunecha mapoka ka'ene maira 'wara'eme rejajija Hu 'uninamiu'e puni tiniji navura. 'Enavo Hu kwama núni sisea sovume paranajaho akúpa huni Godi ni'ima'uri jihuni ija mana'inija'i tinia ka'ene Hu ta'arohuniji asuma hinana.

Hipuru 10:10

'Enakaivo Jesu Keriso oni hahijara núnijihuna'e 'aha kwinu swasa vejakame nú ea ariramaa re'avarono Godi ura rena paranana.

Hipuru 10:12

'Enakaivo Hu sisei jihuni swasa ka'ene venajaho niji 'aha kwinu vejuma parana jihuna'e Hu Godoni ija mana'inija'i asuma hinu.

Hipuru 10:2

'Enavo ijipo somae ariramaa rena para'ipisa swasa ka'ene vena vejujaho areva'a. Ijihuni maijaho pu niariramaa renae 'ee puni siseiji vwihana temukavu ja'ina pareja'a.

Hipuru 10:22

roe nú maarira'e Godoni una'i va'a. 'Ene oja nimaa nimaijino same 'ee Hu nimaa vetia parava. Ijihuni maijaho núni vwiha siseijija Keriso oni 'aijara venume núni siseijija pa'arenuana. 'Ene núni hahijaho toa chiha pa'ajino somuhana.

Hipuru 11:21

'Ene nimairoa vajijino Jekapiho vea ka'ene hu ema rena parane kwa'i venajaho hu Josapi oni harihija merajihana. 'Ene hu huni pijuhijino pijunavi'i Godi oja mahana.

Hipuru 13:12

Ijihuna'e Jesuho Huni ehijijipo ariramaa re'avarono ara natohwa huni samai 'anaume haha hiame 'aa ari'eme kwamana.

Hipuru 3:12

'Enakúne vwehu nuna hami vwiha'avara! Vejuro'ika'i joni oja sisea 'ee panimaa rojujara veje Godi ka'ene majama hiji'iniji túchaha'ejakúne vwiha'avara.

Hipuru 6:1

'Enakúne Keriso oni ea mai'o rejari vu'a hura hara pahine nasaravi'i na'avara. 'Enavo harura vena paramareje Keriso oni vaji emaakina re'avara. 'Enajihuni hahi nú kú'o 'unama vu'e sisea areha 'iahuni vu'a pa'warame 'ee Godi nimaa roha 'iame hura hara pa'warahuna.

Hipuru 7:16

Hu roe Ni'ajihi'ina renajaho Rivai opuni tamana vejakame Hu Ni'ajihi'ina rehuna pana. 'Enakaivo Huni hiijihuni harura majama namajihuna'e Hu ni'ajihi'ina renana.

Hipuru 7:27

'Enavo Hu veku veko swasa pavenuna. Areri sosi ni'ajihi'ina natohwepo vejuja'ina pavenuna. Ijihuni maijaho pu maraku'a puni sisei jihuna'e vene 'ee iji'a ea 'ahopuni sisei jihuna'e venare'e avajura. 'Enakaivo Jesura ija'ina ka'ene venajaho Hu 'aha kwinu ea mapoki jihipuna'e korosi 'ahi swasa venana.

Hipuru 9:12

Ijí ruha ka'ene Ariramaa Nimaa Nimaijino Hu 'aa apena va'e arumana. 'Enavo 'aa kajaho kotia 'ee purumakau ijihipuni 'aa pana vo Huni 'aa kajino ea maho'o majama maranihunijaho ijí ni'aha kwisu apena va'e arumana.

Hipuru 9:26

'Enakaivo 'aha kwinu 'aa ka'ene mahajara areri parehuna re'ipisa mwe'akara aneja renaji rene Hu hura hara kwavi'i nava'a.

Hipuru 9:7

'Enakaivo ni'ajihi'ina natohwijara huhuri ijí Ariramaa Nimaa Nimaa tinia kajaho juara kwinu kwino va'e arumuna. Hu va'e arumujaho veku veko 'aa ka'ene Godina'i swasa vejakame huni sisei vahame 'ee emaapo sisea ka'ene vejuji vahahuniji 'ekare'e va'a arumuna.

Hipuru 9:9

Ike nara 'waravukaho iviamaa raka ka'ene renuji rona 'waravu. 'Enavo emaapo swara ka'ene swasa vehuna'e 'eka roujaho ni'ajihi'inapo 'eke swasa vejujaho ea kajihipuni sisea areri pasomahu'e pa'arejura.

1 Pita 1:19

'Enakaivo ja Keriso oni 'aa ka'ene mavarasa'inijino 'imenae 'ekara. Hu areri sipia ka'ene niho'o chiha titana 'ee matana pa'aja'inijina.

1 Pita 2:22

Hu sisea pina pavenana 'ee Huni ira vaja ira'ata pina pahejara.

1 Pita 2:24

'Enakaivo Hura Huhusu núni sisea Huni haha 'ahi apena va'e korosia 'ahi ajimana. 'Ejakame nú sisei jihuni 'unamijaho kwamasa'ika'i ariramaa hihuna. 'Enajihuna'e Huni haha ka'ene puachamajara rejume ja maraniana.

1 Pita 3:18

Ijihuni maijaho Kerisoho ni'aha kwino sisei jihuna'e kwamana. Ariramaa ka'ene sisea pa'ajara sisea rukini jihipuni hahi kwamana. 'Enarena aherume Godoni roana. Hu hahijihuniji kwamana kaivo 'Avena vajijino vejume 'urinana.

1 Pita 4:2

'Ene joni hia pwinana ijaho hahijihuni 'unamijaho kú'o pahi'avara 'ee emaapo itunavuri 'unamiji 'u'o pahi'avara kaivo Godoni urija'ina'e hi'avara.

1 Joni 1:7

'Enakaivo nú hanaji'ini hina 'urahojujaho areri Hura hanaji'ini hinuja'ina'e nú ea 'aho pu'úmo hami hami veju. 'Ene Jesu ka'ene Huni Harihi jihuni 'aijara núni sisea maho'o sovu'e pa'arenu.

1 Joni 3:5

Ja nihejara. Hura roajaho sisea apena va'i roana kaivo Huni vaja sisea pa'ana.

Revaresiani 1:5

Jesu Keriso ka'ene nú maiji vwihanúe oja soni samuhajara vu'akaho 'warumu. Eaka mapoka ka'ene kwamasahi'inijipo kú'o 'urihuni amurijaho Jesura 'urinana. Hu mwe'a kakehuni ea mama'ini jihipuni 'Ajoahi'ina. Nú Jesu ta'arohu jihuni maijaho Hu nú oja múhe Huni 'aiji núni sisea somuhana.