Hipuru 9:12 - Godoni vuʼa maiuʼina

¹² Ijí ruha ka'ene Ariramaa Nimaa Nimaijino Hu 'aa apena va'e arumana. 'Enavo 'aa kajaho kotia 'ee purumakau ijihipuni 'aa pana vo Huni 'aa kajino ea maho'o majama maranihunijaho ijí ni'aha kwisu apena va'e arumana.

Hipuru 9:12 Iomraidhean Croise

Maka 3:29

'Enakaivo Godi oni 'Aveniji rona'avajaho Hu pavwihana arehuna kaivo majama eha sisei mahuna 'iamana.

Ruku 1:68

Natohwa ka'ene Isureri opuni Godi ijí ta'aroha. Hu ehwaha'e uvanie 'ee kú'o 'unama 'imenae 'eka'i roana.

Akisi 20:28

'Enakúne hami ojono 'ajoarame 'ee ea ka'ene jara 'ajoha'avarono Godoni 'Aveni ja 'ajohai'ina'e irechamie 'ee Godoni sosia ka'ene Hura Huni 'aijino 'imenajaho 'ajoha'avara.

Epasasi 1:7

'Ene Hura ori Huni 'aa vajijino ni'ajúhe kú'o 'ekuana. Huni maiji vwihanii'ina ka'ene itu'o'una namuna vajijino núni sisea vwihanúe aremana.

Korasia 1:14

'Ene Huni vaji nú kú'o 'imenue 'ekuana 'ee Huni vaji sisea vwihane arevume pa'arenana.

1 Tesaronia 1:10

'Enajihuna'e ja iviamaa Huni harihijara kú'o akúpa 'ahi rena rohuniji 'ajaha hiju. Jesu ka'ene Hura vejume kú'o 'urinajara sena ka'ene roajaho vahanumana.

Taitasi 2:14

Hu núnijihuna'e kwamana. Nú sisei vaji hi'eme nú Huni ea re'avarono 'eka ruva'uana. Hu nú venume Huni ea arimaa rene 'ee Huni ea ka'ene Hu mamaa nimaijihi rene 'ee nú mamaaru vehuna ura renau.

Hipuru 1:3

Godi Hu ichá'inijaho Hariaha ija'ina'omo Hu najuhana. Hariahijara raka ka'ene venajaho Godi ija'ina venuna. 'Ene Huni harurijino uneunecha mapoka ka'ene maira 'wara'eme rejajija Hu 'uninamiu'e puni tiniji navura. 'Enavo Hu kwama núni sisea sovume paranajaho akúpa huni Godi ni'ima'uri jihuni ija mana'inija'i tinia ka'ene Hu ta'arohuniji asuma hinana.

Hipuru 10:19

Ijihuni hahi vwehu núne Jesuni 'aijara renajihuna'e nú paju'ika'i ruha ka'ene Ariramaa Nimaa Nimaiji va'e aruvara.

Hipuru 10:4

Ijihuni maijaho kotia 'ee purumakau 'aijija sisea sove pa'arehuna areri pana.

Hipuru 13:12

Ijihuna'e Jesuho Huni ehijijipo ariramaa re'avarono ara natohwa huni samai 'anaume haha hiame 'aa ari'eme kwamana.

Hipuru 5:9

Ijihuni hahi Godira vejume Hu Ni'ajúhi'ina Natohwa ariramaa renana. 'Ena'omo Jesuho majama hihuni Anesura'omo ea irara Huni ira hena ve'amajaho hu majama hihuna.

Hipuru 7:27

'Enavo Hu veku veko swasa pavenuna. Areri sosi ni'ajihi'ina natohwepo vejuja'ina pavenuna. Ijihuni maijaho pu maraku'a puni sisei jihuna'e vene 'ee iji'a ea 'ahopuni sisei jihuna'e venare'e avajura. 'Enakaivo Jesura ija'ina ka'ene venajaho Hu 'aha kwinu ea mapoki jihipuna'e korosi 'ahi swasa venana.

Hipuru 9:13

Tamana 'unamijaho kotia 'ee purumakau puni 'aa 'ee purumakau 'u'ua ka'ene veni jaujihipuni túa iji'i ahuma 'ekare'e emaa puni sisea vaha'avarono haha 'ahi otiura.

Hipuru 9:14

'Enakaivo ikaho niho'o vwihaha! Niho'o ni'ima'urijaho ikena. Nú kwamasahuni 'unama ka'ene vejujaho Keriso oni 'aijara núni oja sovuma paranana. 'Enajihuni hahi Godi ka'ene majama hiji'inijaho nú oja mahe 'ee ta'arohu. Ijihuni maijaho Kerisora majama hinuni 'Avena vajijino ori'ini sisea pa'ajara núnijihuna'e Godina'i swasa ka'ene ariramaijaho venana.

Hipuru 9:15

Ijihuni hahi Hu vu'a maiu'ina kaji 'ajohare'e Godiho 'ee emaa puni rira mu'oi hinu. 'Ena'omo ea ka'ene iji pijihajija areri majama hihuna ka'ene Godira nahama 'waramajaho apehuna. 'Enavo Kerisora kwamajino ea ka'ene vu'a tamana vajijino sisea vejajija sovume pa'arena jihuna'e pu eha paapehuna.

Hipuru 9:19

Godira tamana ka'ene Mosisi mahaji hu marako'a ea mapoka taha 'waramana. Vea kaji hu purumakau 'ee kotia 'anie 'aa vejume tevua vaji arihume 'ee toa 'u'o ijí usesame sipi sapasa amapu'ura ijí apúsame 'ee icha ka'ene hisapi 'wavujihuni tuamijino taurime ijí apúsavi'i 'ena 'urine tamana huni puka 'ahijino ijitie 'ee 'ena 'urine ea mapoka kajija ijitiana.

Hipuru 9:28

Ijihuni hahi Kerisoho ea maho'o kehipuni sisei jihuna'e 'aha kwinu kwamana. 'Ena'omo Hu kú'o ro'amajaho sisehuna pakwa'i ro'ena vo ea ka'ene Hu 'ajaha ura rena para'eju'e hijujipo marani'avarono rohuna.

Hipuru 9:7

'Enakaivo ni'ajihi'ina natohwijara huhuri ijí Ariramaa Nimaa Nimaa tinia kajaho juara kwinu kwino va'e arumuna. Hu va'e arumujaho veku veko 'aa ka'ene Godina'i swasa vejakame huni sisei vahame 'ee emaapo sisea ka'ene vejuji vahahuniji 'ekare'e va'a arumuna.

Revaresiani 1:5

Jesu Keriso ka'ene nú maiji vwihanúe oja soni samuhajara vu'akaho 'warumu. Eaka mapoka ka'ene kwamasahi'inijipo kú'o 'urihuni amurijaho Jesura 'urinana. Hu mwe'a kakehuni ea mama'ini jihipuni 'Ajoahi'ina. Nú Jesu ta'arohu jihuni maijaho Hu nú oja múhe Huni 'aiji núni sisea somuhana.

Revaresiani 5:9

Pu javaa maiu'ina ika'ina vejara. A pukakaho areri apene huni aja rasahuna. Ijihuni maijaho A kwamajine A kachi'ina amuja 'ee kwaa ara mapoka Godona'e Oni 'aiji 'imena 'ekana.