Hipuru 8:13 - Godoni vuʼa maiuʼina

¹³ Vea ka'ene Godira ijá 'wama Ikaho vu'a maiu'inijina 'wamajino Hu vejume vu'a amurijaho maa pa'ana renana. Raka ka'ene maa pa'ane 'ee sahasa 'wa'avajaho ani ranave pa'arehuna.

Hipuru 8:13 Iomraidhean Croise

Matiu 24:35

Ike akúpa mwe'a ijaho ni'aha kwinu pa'arehuna vo ike Nuni irijija niho'o papa'arehuna.

Ruku 22:20

Areri puretia ija'ina'e Hu toa kapusi rukina mihi'i ijá 'iama Ike kapusia toa rukinakaho Nuni 'aa ka'ene jonijihuna'e arihuna'e maiu'inaka nahama 'waramajina 'iavi'i mihana.

1 Koritia 13:8

Oja mihuni 'unamijaho maiji nama apene vai'i nahuna. 'Enakaivo swara 'aho'a poropeti epuni ira 'warahuna kaivo ijija pa'arehuna. 'Ene 'aho'a 'ira ani ani 'warahuna kaivo ijija pa'arena vahuna. 'Ene 'aho'a henaka kaivo ijija pa'arehuna.

2 Koritia 3:6

Hura 'u'o venume areri renúana. 'Ejume areri vu'a maiu'ina huni pwea rejara. 'Ene asuri jihuna pana kaivo 'Aveni jihuna'ina. Ijihuni maijaho asurijara 'anie kwamasahuna kaivo 'Avenijara majama hihunijaho mihuna.

2 Koritia 5:17

'Enajihuna'e ea irara Keriso oni vaji hi'amajaho hu ea maiu'ina'e rehuna. 'Ene uneunecha sahasijaho nipa'arenana kaivo heha! Uneunecha maiu'inaru rejara.

Hipuru 1:11

Pu pa'are'eja vo A majama hina apena vahuna. Pu ateha puna'i sahasa rehuna.

Hipuru 12:24

Ja vu'a maiu'inijara 'warama ja'ina'e Jesu ka'ene Godiho 'ee emaa ijihipuni rira mu'oi hinujihuni roara. 'Ene ja 'aa ka'ene ijikumajara Eporu oni 'aa asima ira mamaa 'warama jihuni roara.

Hipuru 7:22

'Enajihuni hahi Jesu Huhusu ike nahama 'waramakaho veje marana parahuna.

Hipuru 8:6

'Enajihuna'e núni Ni'ajúhi'ina Natohwijara kaukara ka'ene venajara Mosisi oni tamana huni kaukara veji'inijija asitaha paranana. Ijihuna'e vu'a maiu'ina ka'ene nahama 'warama jihuni vaji ni'ajúhuna renana. Vu'a maiu'ina ka'ene nahama 'waramajija mamaaruna.

Hipuru 8:8

'Enakaivo Godi Huhusumaro amurijihuni vaji areri parenajaho kamana. Ijihuni hahi Hu ika'ina 'waramana. Ike heha! Natohwijara ijá 'wama Vea mai'o rouna'omo ro'eje Isureri ora 'ee Juta ora Na Nuni vu'a maiu'ina pu nahama 'warahuna.

Hipuru 9:15

Ijihuni hahi Hu vu'a maiu'ina kaji 'ajohare'e Godiho 'ee emaa puni rira mu'oi hinu. 'Ena'omo ea ka'ene iji pijihajija areri majama hihuna ka'ene Godira nahama 'waramajaho apehuna. 'Enavo Kerisora kwamajino ea ka'ene vu'a tamana vajijino sisea vejajija sovume pa'arena jihuna'e pu eha paapehuna.