Hipuru 6:9 - Godoni vuʼa maiuʼina

⁹ Ehu núne ka'ene nú ja oja mihukije nú 'waravu jihuni maijaho ja ija'ina 'iamareje 'warahuna pana vo joni maijara ijija asitahana. Ja Godoni ea renareja marania ja'ina'e hina vahuna.

Hipuru 6:9 Iomraidhean Croise

Maka 16:16

Ea irara nimaa roje toi apúsave 'uri'amajaho hu majama hihuna. 'Enakaivo ea irara panimaa ro'amajaho hu 'otua vene eha sisea apehuna.

Akisi 11:18

Pu vu'a kaji henareja pu iruno'a are'i kaivo mataume Godi ta'arohi'i ijá 'wava Oo nijina Godira vejume Jenitaru 'u'o puni sisea are'i kaivo taarohe majama hihuna apehuna.

Akisi 20:21

Na'ia mapoka vu'aka rona 'waravujaho nikwinu'inake Jua 'ee Kuriki puni sisea aremamaa are'i kaivo ta'arohe Godoni roe 'ee núni Natohwa Jesu Keriso nimaa roha 'iavura.

1 Koritia 10:14

Ijihuna'e na oja mihi'ine godi ira'atijihi oja mihujaho juhame ruava'avara.

2 Koritia 12:19

Jara hine vwihana apene roujaho núra raka ka'ene 'waravujaho nú núni haha anakarame ijihuna'e 'waravu roju. 'Enakaivo nimaijaho Godoni una'i nú Keriso oni vaji ja oja mihujihuna'e ja vena'e marasahe 'uri'avarono 'waravu.

2 Koritia 7:1

'Enajihuna'e vwehu núna ka'ene nú oja mihi'ine ike nahama 'warumake henareje roe ja pu'úmo uneunecha ka'ene veje núni haha 'ee 'avena siserasahunijija areva.

2 Koritia 7:10

Ijihuna'e temuka ka'ene Godoni ura ija'ina'e apejujara venau'e temuka paape'i kaivo sisei jihuni 'unamijaho ta'arohura. 'Ene roe maraniuna kaivo mwe'a ikehuni temukijara venau'e kwamasahura.

Karesia 5:6

Ijihuni maijaho Jesu Keriso oni vajijaho sisa 'uhuahi'ina ho pa'uhuahi'inijaho natohwa pana kaivo nimaa rone oja 'ekaravujara natohwijahuna.

Hipuru 10:34

'Ene ea ka'ene tipurai irechamia jihipu'úmo ahuma sisea apejara. 'Ene uneunecha ka'ene ja 'ajohajaho 'etujihara vo ja teamana'eme matauvara. Ijihuni maijaho joni uneunecha mavarasa'ina ka'ene majama nahunijaho ijí 'ajiha namujaho ja nihejara.

Hipuru 10:39

'Enakaivo nú ea ka'ene Godi túchahae eha sisea ape'iro hijujihi pu vare'ina pana. 'Enavo núni nimaaroijara nú maranúhunijaho 'ajoha'eju'e namu.

Hipuru 2:3

'Ena'omo nú marania parahuniji pataaro'avajaho nú eha sisea ka'ene apehunijaho ichá'ina asina'eja? Ijihuni maijaho Natohwijara 'waramana'omo ea ka'ene hejajipo ijaho nimaa 'wavara.

Hipuru 5:9

Ijihuni hahi Godira vejume Hu Ni'ajúhi'ina Natohwa ariramaa renana. 'Ena'omo Jesuho majama hihuni Anesura'omo ea irara Huni ira hena ve'amajaho hu majama hihuna.

Hipuru 6:10

Godi nimaa nimaa'omo ja Huni iha 'ahijino kaukara ka'ene veji'i Hu oja mahe 'ee jara Godoni ehija ka'ene oja mihare'e ni'ajihe apena vai'i hijukaho Hu paruhuna.

1 Pita 2:11

Ehu nuna ka'ene na ja oja mihi'inakije na 'ejahia 'waravu. Ja iviamaa ara pisuri jihuna'e ja ike mwe'akaho ma'uako hihuna. Ja 'unama ka'ene hahapo itunavura ka'ene joni oja vaji ajira vene ninakaramujaho are'avara.

2 Pita 3:1

Ehu nuna ka'ene na ja oja mihi'inakije ikaho nuni asura amurijihuni roriji veju. 'Enare'e joni vwiha ijí venae kú'o vwiha'avarono veju.

1 Joni 2:7

Ehu nuna ka'ene na ja oja mihi'inakije ike tamanakaho maiu'ina na paveju kaivo tamana sahasa ka'ene nitama jara apejajina. Tamana sahasijaho Ira ka'ene ja nihejajina.

Juta 1:3

Napuhu nuna ka'ene na oja mihi'inakije na 'unama ka'ene nú venume maranúana ka'ene nú apejaji asura vene ja 'wara'irono amairiaravuta. 'Enakaivo na iviamaa asurakaho vene ja jarirame 'waravujaho nimairoa ka'ene Godira Huni ehija mihajaho ja ija kisi 'uname 'ajohuna'e asurakaho veju.