Hipuru 4:2 - Godoni vuʼa maiuʼina

² Godira 'ojuta hwehuni tinijaho amairiaramana. 'Ena'omo ijaho vu'a maa maiu'ina ka'ene iviamaa nú 'warumukaho nikwisu'ina kaji pu 'waravara. 'Enakaivo ijí vu'a kajara pu ni'ajihuna pana. Ijihuni maijaho Godira raka ka'ene 'waramajaho pu panimaa rojara.

Hipuru 4:2 Iomraidhean Croise

Akisi 13:46

'Ejume Poru'o Panapasi'o ira paju'ika'i ijá 'iava Nú mamaa vene Godoni ira ikaho ja marako 'waravara kaivo ja majama hihuna apehunijaho niho'o sename hwe'i 'ahiu jihuna'e ijaho ja ojono ka'eje nú Jenitarua puni vau.

Akisi 3:26

'Enajihuna'e Godira Huni pwea vejume 'urine amura joni roana'omo merajihakame ea mapoka joni 'unama siseijaho ta'arohe aré ranahuna.

Romani 2:25

Ja varapiji hene veji'ina re'avajaho sisa 'uhuujaho nimaa unenu pina ni'ina'e rehuna kaivo ja varapa kaji tuavi'ina'e re'avajaho joni sisa ka'ene 'uhuajaho sisa pa'uhuaha repuna'i rehuna.

Romani 3:3

Jua kajija ea 'aho'a panimaa roju. 'Ú ijí pura panimaa roju kajara veje Godira iraka ka'ene pu nuna'i ve'iro nahama 'waramajaho pave'ena?

1 Koritia 13:3

'Ene na nuni kukua maho'o ea ka'ene pivusahuji vajihe 'ee nuni hahakaho veni aporu'avarono mi'ika'i na niho'o ea oja pamihi'ina'e re'ipisa ijí uneunecha kajija na pani'ajiha'a.

Karesia 3:2

Na unenu'u pina kwinu ikeru hehuna'e ura reniu. 'Ú Godoni 'Avena ka'ene ja apejajaho varapa tamani jihuni kaukara'e venareja apejara ho ja hene nimaa ronareja apejare?

Karesia 3:8

'Ene Godoni irijara Godira túna'i Jenitarupo nimaa rojakame venae arira'e rehuniji kamarena mai'o Godoni vu'a maiu'inijaho Eparahami ika'ina'e 'waramana Kwaa ara maho'o ikija oni vaji merajihuna.

Karesia 4:13

'Enakaivo ja nihena kivaja'ina'e na vu'a amura ka'ene najahujaho haha vaja atami 'uniri'eme 'waravuta.

1 Tesaronia 1:5

'Enajihuna'e vu'a maa maiu'ina ka'ene nú apena roajaho iraru pa'waravara kaivo harura 'ee Godoni 'Avena vaji roe raka ka'ene núra 'waravajaho nimaa hene ja nimaa rojara. 'Ene nú jonijihuna'e ichá'ina ka'ene hijajaho ja nikúvara.

1 Tesaronia 2:13

Ikehuni hahi nú 'u'o na'ia mapoka'e Godi teimani 'wavura. Ja vea ka'ene Godoni ira ike núnuna'i apejari veijaho ja emaapuni ira puna'a paapejara kaivo ja Godoni ira nimaa'e apeju ja'ina'e apejara. Ijihuna'e ja ea irara ijí ira kaji nimaa ronujaho joni vaja 'u'o kaukara venu.

1 Timoti 4:8

Hahake 'ajo'arahuna manura piravu jihipuni eha ijaho ma'u'ua kaivo Godira ura renuja'ina'e uneunecha mapoka manura piravujija iviamaa kehuni hia 'ee hia ka'ene nahama 'waruvara 'ee hia ka'ene túna'i hihunijaho ni'ima'ura'e ni'ajihuna.

Hipuru 11:6

Ijihuni hahi nimairoa pa'a Godi veje teamahuna niho'o areri pa'ana. 'Ena'omo ea irara Godoni ro'amajaho Godi ijí hinuji nimaa ro'amana. 'Ene ea irara Hu sa'amajaho Hu eha maa vajihi'ina ro'amana.

Hipuru 3:12

'Enakúne vwehu nuna hami vwiha'avara! Vejuro'ika'i joni oja sisea 'ee panimaa rojujara veje Godi ka'ene majama hiji'iniji túchaha'ejakúne vwiha'avara.

Hipuru 4:6

Ijihuni hahi Godoni 'ojuta hwejuri tinijara namujaho emaapo ijí vahuni jihuna'e namu. 'Enakaivo ea ka'ene marako vu'a maa maiu'inake hejajija pu tinia kajaho pava'ara. Ijihuni maijaho pu Godi panimaa rojara.

Jemisi 1:21

'Enajihuna'e 'unama ka'ene chiha rukinijija 'ee sisea 'aho'a ka'ene joni vaji navujija maho'o irecha'i kaivo masuani ajuarasahe hi'avara.

1 Pita 1:12

Pu najahume kavajija pu pupusu pani'ajaravara. 'Enakaivo ja ni'ajihe ike uné raka ka'ene rejajija ea ka'ene vu'a maa maiu'ina 'waravi'inijipo Godoni 'Avena ka'ene akúpi 'ahi ranavume roajihuni vaji uneunecha ka'ene 'ona oji'inapo he'irono ura renaujija 'waravara.