Hipuru 4:11 - Godoni vuʼa maiuʼina

¹¹ Ijihuni hahi nú harura venareje ijí 'ojuta hwena hihuna kaji vahuna. 'Enavo ea irahipo panimaa ro'avajaho areri Isureri opo panimaa rojaja'ina'e ve'ava jihuna'e pu tinia kajaho pavahuna.

Hipuru 4:11 Iomraidhean Croise

Matiu 11:12

'Enakaivo veaka Joni Papitisita aneja vene ea najahaji rena roe iviamaa 'e'unukino renareja ea mapoka Godoni ara pi'ona'iroreja harura ni'ina veju kaivo ea ka'ene ajisinijipo niho'o Godoni ara kajaho harura vene ape'i veju.

Matiu 7:13

'Enakúne vwicha ka'ene ira mwahatitijino vaha. Ijihuni maijaho vwicha ka'ene natohwijaho 'unama ni'ima'ura ka'ene veni va'ujina. 'Eju'e ea mapoka'e ijihuna kajino va'ura.

Ruku 13:24

Na nimai ja 'waravukúne hami hami vena kamareje vwicha ka'ene niho'o ma'uatituijaho va'e aru'avara. Ea mapoka'e aru'i 'ahie vehuna kaivo mai'o areri parenahuna.

Ruku 16:16

Nitama rene varapa tamana 'ee poropetiapo 'waramape rouva'o roe Jonira hinaji 'e'ujara. Vea kaji rene Godoni arijihuni vu'ijaho najahukame ea mapokakaho ijí 'unama kajino va'aru'iro piijaravu.

Joni 6:27

Ja 'iruma ka'ene pa'arehuni jihipuni kaukara pave'avara kaivo 'iruma ka'ene majama nahuni jihipuni kaukara ve'avara. Ijaho Emaa Puni Harihijara ja vajihuna. Huni haha 'ahi Amo ka'ene Godiho Huni tatua ranamana.

Akisi 26:19

'Enajihuna'e O kini Akuripa akúpa huni visoni ka'ene kavujaho na pauchavuta vo vejuta.

Epasasi 2:2

Ja nimako ijaho ike mwe'a kehuni 'unamijino 'urahe ojara. 'Ene 'avena sisea ka'ene ichutoa 'ajohu jihuni harura hari ojara 'ee hu ea ka'ene vu'ataa paheji'ini jihipuni vaji iviamaa kaukara venujina.

Epasasi 5:6

'Enakúne veje ea vu'a maa pa'ajino ja papisimisava. Ijihuni maijaho Godoni sena ea ka'ene ija'ina'e vu'ataa pahene uneunecha ija'ina'e vejujihi puni toi namu.

Piripai 2:12

'Enajihuna'e ehu nune na ja oja mihi'ine ja na'ia mapoka'e nihene vejura. Nuni una'eru pana kaivo na ani ruva'uri vajijaho ja niveju kaja'ina'e ja ni'ajihuni 'unamijaho ojono akume juvi'i ve'avara.

Korasia 3:6

Ijihuni maijaho ike uneunecha ikipo reje Godoni sena rohuna.

Taitasi 1:16

Pu Godoni ea 'úvu kaivo raka ka'ene pura vejuji nú kivujaho pu nimaa Godoni ea pana. Pu niho'o sakarasahi'ini jihuna'e Godoni ira pataarohura. Pura unenu pina mamaa areri vehuna pana.

Taitasi 3:3

Nú marako'a hami pavwihane 'ee vuataa pahene 'ee pisimúu'e nú hahijihuni ura ani ani'ina vene 'ee hahijara teamahuni jihuni pwea rejara. 'Ene sisea vaji hine 'ee ea 'ahopuni kukua kime itunume 'ee senuma paranúe 'ee ea 'aho'a pu'úmo sena vejara.

Hipuru 3:12

'Enakúne vwehu nuna hami vwiha'avara! Vejuro'ika'i joni oja sisea 'ee panimaa rojujara veje Godi ka'ene majama hiji'iniji túchaha'ejakúne vwiha'avara.

Hipuru 3:18

'Ee ea irahija'e Godi Huni sena vaji pu pava'e Huni tinia ka'ene 'ojuta hwena hihunijaho usehuna 'waramane? 'Ú Hu ea ka'ene Huni ira hene pavejujihi rona 'waramane?

Hipuru 4:6

Ijihuni hahi Godoni 'ojuta hwejuri tinijara namujaho emaapo ijí vahuni jihuna'e namu. 'Enakaivo ea ka'ene marako vu'a maa maiu'inake hejajija pu tinia kajaho pava'ara. Ijihuni maijaho pu Godi panimaa rojara.

Hipuru 6:11

Núni urijaho jara ea ka'ene oja mihujaho majama nama apena vahuna ura renua paranu. Ijihuni maijaho raka ka'ene ja 'ajaha hijujihuni maijaho nimaa roe 'e'uje kahuna.

2 Pita 2:6

'Ene ara mama'ina ka'ene Satami'o Kamora'o pamaki'ika'i eha mihe venaume va'e ú'a rejajaho ea ka'ene túna'i Godi pa'ana 'wavi'i hihunijipo kahuni jihuna'e najahana.