Hipuru 13:8 - Godoni vuʼa maiuʼina

⁸ Ijihuni maijaho Jesu Kerisoho niara iviasa 'ee nitua majama nikwisu'ina.

Hipuru 13:8 Iomraidhean Croise

2 Koritia 1:19

Ijihuni maijaho Godi oni Hariha Jesu Keriso rone joni vaja kajino núrane 'ee Siruvenasine 'ee Timotine ijá najahajaho i'a 'iavujaho i'a 'ee pana 'iavujaho pana kaivo Huni vajijaho i'a.

2 Koritia 1:20

Ijihuna'e Godira nahama 'waramajija mapoke 'ee icharu navu ijija Huni vaji nimaa. Ijihuna'e Huni vaji Ameni 'wavujaho Godi ta'arohe 'wavu.

Hipuru 1:12

Ara pu ateha puna'i tahuahuna. Pu atehapo siserasahu ja'ina'e pu 'u'o siserasahuna. 'Enakaivo A ani'ina parehuna vo A majama ija'ina hina apena vahuna 'wamana.

Jemisi 1:17

'Ene uneunecha maho'o mamaa 'ee swara arira mamaijija ichutoi hanaji'ini jihipuni Omijihuna'i rene roura. Hu pata'arohe ani ani'ina rene 'ee Hu areri nihapo ikehikehi niha rena va'a va'uja'ina pana.

Juta 1:25

Núni Godi nikwinu ka'ene núa venume maranúaji ta'aroha. 'Ene Jesu Keriso ka'ene núni Natohwi jihuni vaji ta'aroha. Hanaji'ina Harura Ni'ina 'Ajohai'ina Ajira Rukina ijija Huna. Hu nitama rene majama ija'ina. Ameni.

Revaresiani 1:11

Ika'ina 'warimana. Ara raka ka'ene hena kamajaho Esia vaji sosia iropu no'o namiju jihipuna'e puka vaji venareje ranave va'amana. Epasasi Simúna Púkamamu Taiataira Satasi Pirateripia 'ee Reatasia ranave va'amana.

Revaresiani 1:4

Na Jonira sosia iropu no'o Esia namiju jihipuna'e veju. Godi ka'ene nitama anejijaho ijí hinane 'ee iviamaa ijí hinuna'omo mai'o kú'o rohunijara maiji vwihanie oja soniji ja samahu. Godoni oja sona 'ee maijaho Godoni 'Avena iropu no'o Huni toronu una'i hiju jihipuni 'u'o rena roana.

Revaresiani 1:8

Na Aneja 'ee Na Púsa. Godi ka'ene Harusinijara ijá 'warumana Hu nitama anejijaho ijí hinana'omo iviamaa ijí hinuna'omo Hu majama ijí hina apena vahunijina 'úmana.