Hipuru 13:15 - Godoni vuʼa maiuʼina

¹⁵ 'Enajihuna'e Jesuni vaji núni swara 'ee swasa na'iaka mapokakaho vene Godi ta'arohi'i hina apena vahuna. Núra Godi ta'arohe Huni iha 'unama ahasirivujaho Hu teimani 'wavuri 'inijara núni irititi usemujina.

Hipuru 13:15 Iomraidhean Croise

Matiu 11:25

'E'ikaivo ijihuni vea kajino Jesura eha vene ijá 'wama Amo ka'ene akúpa mwe'a ijihuni Natohwiji'o Na teimani 'wavujihuni maijaho Ara uneunechakija ea ka'ene vwiha mamaa vwihaji'inijija 'ee hena kavi'ini jihipuni una'a pavejume samaa renana kaivo kasimaaru najahana.

Ruku 10:21

Ijí vea kajino Godoni 'Avenijara vejume Hu teama'eme siporua 'one ijá 'wama Amo ka'ene akúpa mwe'a ijihuni Natohwiji'o Na teimani 'wavujihuni maijaho Ara uneunechakija ea ka'ene hene vwihaji'inijihija nuhiume vaji navume pu pakavumakivi'i kasimaaru najahana. Amo Oni ura ijaho ijara ura renana. 'Ejumakame A avanana.

Joni 10:9

Na vwicha'omo ea irara roe Nuni vaji aru'amajaho Na hu ni'ajahuna. 'Ejakame hu roe arume 'ee va 'e'uji'i 'iruma piunihuna.

Joni 14:6

'Ejume Jesura ijá 'wama Na 'uname 'ee nimaa nimaa 'ee majama hihunijina. 'Ena'omo ei pini 'unama ani'ina venareje Amo uni rohuna areri pana kaivo nikwisu Nuni vajaruna.

Romani 12:1

Vwehu nune na ja jariravi'i 'waravukúne. Godira ja numiramani vajijino joni hahijaho mai'o hine akuavi'ine 'ee swasa ka'ene Godi teamahuni ja'ina'e vene ma'avara. Ijaho raka mamaa ka'ene núra Godi oja mahe venahunijina.

Romani 6:19

Na ema puni 'unamijino ikaho 'waravu jihuni maijaho joni hahijaho majano ajuasina'e rena namu. Ja maraku sisei jihuni pwehija rene 'ee joni haha pwina sisei jihuni pwehija rene 'ee hine hura hara sisea vena apene roarakúne iviamaa joni haha pwinakaho vajahe arimai jihuni pwehija'e rejakame ja Hua'ina'e rena apene va'i hi'avara.

Epasasi 2:18

'Ena'omo nú ja pu'úmo Huni vaji Godoni 'Avenijara venue Amo oni areri ma arira vahuna.

Korasia 1:12

Nú Amo teimani 'wavujihuni maijaho Hu venume nú Godoni ea akuavi'ina ka'ene hanaji'ini hijujihi puni aachijija ahuma 'ekahuna.

Hipuru 12:28

Nú ara ka'ene areri pavarihuniji apejara. 'Enajihuna'e nú Godi temani 'wame 'ee Hu teamahuni ja'ina'e venareje Hu oja mahe Huni hura vehuna.

Hipuru 7:25

Ijihuni hahi ea irara Jesuni vaji Godoni nini ro'amajaho Jesu areri venae majama marania apena vahuna. Ijihuni maijaho Hu punijihuna'e majama hine pu vahaname puamu vena apene vahuna.

1 Pita 2:5

Ja 'u'o areri muna ka'ene mai'u hiji'ina ka'ene 'eke 'Avena huni ara vejara ka'ene ariramaa rejuri pirisitijihina. 'Ena'omo 'avena huni swasa ka'ene Godi teamamu ja'ina'e Jesu Keriso oni vaji swasa vejura.

1 Pita 4:11

Ea irara vu'a 'wara'amajaho maka'eje hu Godira 'waramu ja'ina'e 'wara'amana 'ee ea irara ea 'aho'a ni'aji'amajaho Godira harura ka'ene mahajino ni'aji'amana. 'Ejakame uneunecha mapoka vajakino Godiho Jesu Keriso oni vaji ta'arohuna. Ijihuni maijaho pinana 'ee uneunecha mapoka Huni harura hari aneja púsa pa'ana'e navu. Ameni.