Hipuru 12:5 - Godoni vuʼa maiuʼina

⁵ Ja Godoni harihiji jihuna'e Hura ja ni'ajiharena vu'a ka'ene 'waramajaho runamio? Hu ika'ina 'waramana Nuni harihe! A Hu túchahakame Natohwijara eha ma'amajaho a Hu pamakame 'ee ara Hu túchahauji Hu ijí rona 'waramajaho pasena'amana.

Hipuru 12:5 Iomraidhean Croise

Ruku 24:6

Hu ikaho pana kaivo Hu ni'urinana. Hu Karari hiji'i ja 'waramajaho ja pavwihajo?

Ruku 24:8

'Ejume napara kajija iji'a Huni vu'a vwihajara.

1 Koritia 11:32

'Enakaivo vea ka'ene nú namuhujaho Natohwijara núra vu'ataa he'avarono najuhe avanu. 'E'ira'omo ike mwe'a ikihi pu'úmo paahume namuhuna.

Karesia 6:9

Roe nú mamaiji vehunijaho paucha'asa'avara. Ijihuni maijaho vea nimaa ro ape'eje a pasena'eje ve'amajaho ijihuni eha apehuna.

1 Timoti 1:20

'Ene puni vaja kajino na Haimaneasi'o Arekisanita'o Setani vajahuta. 'Ejakame ijara najahe pu Godi matahujaho arehuna.

Hipuru 12:7

Godira ja ija'ina 'ahi'amajaho vwiha'avara. Ja Huni harihiji jihuna'e aahi'ena. 'Ú ja vi hejajaho hariahi vu'ataa pahenajaho omaha kora pa'warame 'ee pa'anaune?

Hipuru 13:22

Vwehu nune Na ja 'ejahiare'e na asura ma'uako vejukúne raka ka'ene 'waravukaho hami ve'avara.

Jemisi 1:12

Ea ka'ene venakia hari majamano kirana va'amajaho Godira merajahuna. Ijihuna'e hu nimaa'e kirane va'ana'e re'amajaho hu majama hihuni i'esa ka'ene natohwijara ea ka'ene Hu oja mahuji nahama 'waramajaho apehuna.

Revaresiani 3:19

Ea ka'ene Na oja mihujaho Na pu 'unama arira najahe 'ee eha kaisina mihuna. 'Enakúne ja harura venareje joni sisea túchahae kú'o 'unama Nuni ro'avara.