Hipuru 12:3 - Godoni vuʼa maiuʼina

³ Vwihaha! Ea sisemaa ijipo Hu sise'i 'ahaume haha hiama paranana. 'Enakúne ahija ija'ina apena va'avajaho pasenave are'avara.

Hipuru 12:3 Iomraidhean Croise

Matiu 11:19

'Enakaivo Ema Puni Harihijara roajaho Hu 'iruma ine 'ee toa inana. 'Enajihuna'e pu ika'ina 'wavu Kaha! Hu 'iruma arisi isa'ora 'ee Hu arisi toa sisea isa'ora Hu ea ka'ene takisia apeji'inijihija 'ee ea ka'ene sisea veji'inijihi puni napura. 'Enakaivo ea ka'ene vwiha mamaa rukinijija pura ichá'ina ka'ene vejujara najahujaho pu hena kavi'ina 'iamana.

Matiu 12:24

'Ejumakame Parasiapo ijí henareja ijá 'wava Hura 'avena sisea pasioma kaivo Pierisiparu ka'ene 'avena siseijihipuni natohwijara siomau 'wavara.

Matiu 15:2

Irakijihuna'e Oni tisaiporu núni tamana 'iruma i'i vejujaho ija some ijura kaivo pu núni tamana kaji pataarohe ija paso'i kaivo 'iruma maijo? 'wavara.

Matiu 21:23

Hu va'e Temiporu vaji hine ea naja'eme pirisiti mama'ina 'ee Jua puni emakinepo roe Jesu apoma ijá 'wava A harura irakijara reju'e uneunechakija veno? 'Ú ea irara harurakaho mahu'e avano? 'wavara.

Matiu 21:46

'Enareja pu 'unama same Jesu 'ana'i 'ahiara kaivo ea mapoka kajipo vwihajujaho Hu poropetia rojujihuna'e jumareja makavara.

Matiu 22:15

'Ejumakame Parasi ijí henareja va'e kanisorua pu'úmo ahuma hine 'unama ichá'ina venareje Jesura 'warama kajihuni 'ahi pata'aro'i kaivo tanu'ura'irono 'unama savara.

Ruku 14:1

Sapati vea kwino Jesuho Parasia ea natohwa pipuni sei 'iruma'e i'i 'ahaume va'eme ea mapoka'e Hu 'ajohareja vevirinavara.

Ruku 15:2

'Ejume Parasia 'ee Sikuraipi niho'o hine sui'i ijá 'wava Ea ikaho ea sisea aherame pu pu'úmo 'iruma inuna.

Ruku 16:14

'Ejume Parasia ijí henareja Hu apene 'ijahara. Ijihuni maijaho pu monia'e oja mihuni jihuna'e avajara.

Ruku 2:34

Simionira pu merajihe 'ee Meri Huni ohijaho ijá 'wama Hena! Ike Harihakaho Isureri opuna pijahana. Hu Isureri ora 'aho'a veje arihe 'aho'a ajihuna. 'Ene Hu aacha'omo ea mapoka ijí kame Hu ninahuna.

Ruku 5:21

Parasia 'ee Sikuraipia pu aposarame ijá 'wava Ikaho ea irana'omo Hu Godi matahare'e avano? Ea irara sisea vwihane arehune? Godira Huhusuna 'wavara.

Joni 10:20

Ea mapoka pu ijá 'wava Hu 'avena sisei ajivukame nanamu. Rakijihuna'e ja Huni vu'a hejo? 'wavara.

Joni 18:22

Hu ijá 'wara'eme hirisima kwino Jesuni rori naminana'omo ijara Hu tahijahi'i ijá 'wama 'Ú 'unama ija'ina pirisiti ni'inijaho 'wara'eja? 'wamana.

Joni 5:16

Jesura Sapati vei ea vejume sonana jihuna'e Juapo Jesuho sise'i 'ahae ruarahara.

Joni 7:12

Ea mapoka Hunijihuna'e rone natohwa su'arama apene ojara. 'Ejumakivi'i ea 'aho'a ijá 'iava Hu ea maa maa 'iavara. 'Ejume ea 'aho'a ijá 'wava Pana Hu ea mapoka'e aherame pisivie ani va'u 'iavara.

Joni 8:13

'Ejume Parasijipo ijá 'wava A orono ronare'e 'warumajaho niho'o nimaa pana 'wavara.

Joni 8:52

'Ejume Juapo ijá 'wava Nú nihejujaho A 'avena sisei ajimana. Eparahami kwavume 'ee poropetia 'u'o kwamasahara kaivo A ijá 'úmo Ea irara Nuni ira hene venujaho niho'o pakwa'ena 'úmu.

Joni 8:59

pura muni 'eka 'ana'iro vejara kaivo Jesu Temiporu vaja kajino taname nesi paka'eme puni vaja kajino va 'e'une va'ana.

Joni 9:40

'Ejume Parasi 'aho'a ijí pu pu'úmo ahuma namijara'omo ijipo vu'a kaji henareja Hu ijá 'wava 'ú nú nia supavi'ina raka? 'wavara.

1 Koritia 15:58

'Enajihuni hahi vwehu nune na ja oja mihi'ine kikisima'ura'e rene nami'avara. 'Ene pavarivarivi'ina'e re'avara. 'Enakaivo na'ia mapoka Natohwi jihuni kaukara asisame huri ve'avara. Ijihuni maijaho jara Natohwi jihuni vaji kaukara ka'ene vejujaho maa rukima'ura.

2 Koritia 4:1

Ijihuni hahi nú kaukara ike apeja jihuna'e numiruvi'inijaho apejara. 'Enakúne ja paki'eje oja ajuarasahu ro'ava.

2 Koritia 4:16

Ijihuni hahi oja vaja pasenuvu'e arevura kaivo núni hahakaho uhe matoha parane va'u kaivo 'avena ka'ene núni vaji hinujaho veku veku veju'e maiu'ina'e renu.

Karesia 6:9

Roe nú mamaiji vehunijaho paucha'asa'avara. Ijihuni maijaho vea nimaa ro ape'eje a pasena'eje ve'amajaho ijihuni eha apehuna.

2 Tesaronia 3:13

'Enakaivo vwehu núne ja 'unama mamaa vehunijaho pasena'avara.

Hipuru 12:2

Jesu ka'ene núni nimairoa anejijine 'ee aneja rena va'e uri usehunijina. 'Enajihuna'e núni nia Hu kavi'i vahuna. Hu korosi 'ahi ahija apeji'i jumana vo ijí Hu juma kajaho semana. Hu ija'ina venajihuni maijaho Hu túna'i teamahuniji apehuni jihuna'e avanana. 'Ena'omo Hu iviamaa akúpi 'ahi Godoni toronu ija mana'inija'i asuma hinu.

Hipuru 12:5

Ja Godoni harihiji jihuna'e Hura ja ni'ajiharena vu'a ka'ene 'waramajaho runamio? Hu ika'ina 'waramana Nuni harihe! A Hu túchahakame Natohwijara eha ma'amajaho a Hu pamakame 'ee ara Hu túchahauji Hu ijí rona 'waramajaho pasena'amana.

Hipuru 3:1

'Enajihuna'e vwehu nuna ariramaa Godoni ehija ka'ene Godoni ari va'iro va'ukije Jesu Godoni Apasoru 'ee Ni'ajúhi'ina ni'iniji nú rona 'waravuji vwiha'avara.

1 Pita 2:23

Pura ira sisea 'waravajaho Hu eha pavenana 'ee Hu haha hiamani vajijaho Hu eha pavenana. 'Enakaivo Godira 'otua ariramaa mihuniji Huhusu nimaa vetiana.

Revaresiani 2:3

'Enakaivo ja Nuni ihijihuna'e sisea vaji hijara vo ja Na parana'o'uniara kaivo ja harura vene hijara.