Hipuru 12:2 - Godoni vuʼa maiuʼina

² Jesu ka'ene núni nimairoa anejijine 'ee aneja rena va'e uri usehunijina. 'Enajihuna'e núni nia Hu kavi'i vahuna. Hu korosi 'ahi ahija apeji'i jumana vo ijí Hu juma kajaho semana. Hu ija'ina venajihuni maijaho Hu túna'i teamahuniji apehuni jihuna'e avanana. 'Ena'omo Hu iviamaa akúpi 'ahi Godoni toronu ija mana'inija'i asuma hinu.

Hipuru 12:2 Iomraidhean Croise

Matiu 16:21

'Enarena ijihuni vea kaji rene Jesu Kerisoho uneunecha mapoka ka'ene Hu Jerusaremi va'akame ea mama'ina pirisiti mama'ina Sikuraipi uneunecha ani ani vene hu sise'i 'aha'e 'anaa kwamareje na'ia no'opisu pa'areje 'urihuna Huni tisaiporu najahana.

Matiu 20:28

Ema Puni Harihijara roujaho ea mapoka Huni pwea pare'avarono roana kaivo Hu puni pwea re'i 'ahaume roana. Hu Huni hia ea mapoka'e mihana. Areri ema 'imenaana 'iamana.

Maka 14:36

Hu ijí siporua 'one ijá 'wama Amo Amo A uneunecha mapoka areri veji'ina. 'Enakúne veje ike kapusia ka'ene Nununai namuji ape va'a. 'Ene Nuni ura ijaho pana kaivo oni ura ijara renama 'wamana.

Maka 15:28

Nitama Godoni irijara 'waramarena Hu ea sisea pu'úmo icha 'ahi 'ana'eja 'iamajara roe nimaa renana.

Maka 16:19

Jesu ka'ene Natohwijara pu 'waravuma pa'arejume Jesu apejume akúpa 'ahi va'e Hu Godoni ija mana'inija'i asuma hinana.

Maka 9:12

Jesu ijá 'iama Nimaa Iraija nimarako roare'e 'unama arira amairiu. Irakijihuna'e nitama Godoni heha 'ahi venarena ijá 'iama Ema Puni Harihijaho sise'i 'ahaareje Hu niho'o ura parenahuna 'iamana.

Maka 9:24

'Ejume sesamaa kajihuni omijara 'urina ijá 'wama Na nimaa rojukúne na nimaa parojujaho ni'aji'amana 'wamana.

Ruku 17:5

Apasorupo Natohwijaho ijá 'wava Núni nimaaroiji veje natohwa'e renama 'wavara.

Ruku 23:11

'Enarena Herotiho 'ee huni sorutia pu'úmo Jesuho apene 'urarahe 'ee sise'i 'ahae 'ee ateha niho'o mavarasa'ina apúsamahe ranavume Pairati oni 'uname va'ana.

Ruku 24:26

Kerisoho uneunecha mapoka sisea Huni haha 'ahi marako rejakama'e iji'a Huni ara ka'ene hanaji'iniji vahuna 'iamana.

Joni 1:29

Ijihuni sú'uhijino hu ka'eme Jesuho roe huni nini roume ijá 'iama Heha! Ikaho Godoni Remua ka'ene mwe'a kehuni sisea apehunijina.

Joni 12:24

Na nimaa nimai ja 'waravu. 'Witia 'ina mwe'i vaji pa'o'eje na'avajaho manavu kaivo mwe'i vaji 'onavajaho 'ina mapoka rehuna.

Joni 12:32

Vea ka'ene ea Na apenie ichutoi ahasirimi'avajino Na ea mapoka aherame Nuni rohuna 'iamana.

Joni 13:3

Amoho uneunecha mapoka Huni ija 'ahi irechame 'ee Hu Godi oni rena roana'omo Hu kú'o 'unama Godi oni vahunijaho nihena kamana.

Joni 6:40

Ikaho Nuni Oma ka'ene Na ranamiume roujara ura renujina. Ea irara Hariaha kame nimaa nimaa ronujaho hu niho'o majama hihuna. Ijihuni hahi mwe'akara mai'o pa'are'amani veijino Na onuno veje pu ni'aha kwinu 'urihuna 'iamana.

Joni 8:56

Joni oma Eparahamiho Nuni veiji kahuni jihuna'e niho'o teamama paranana'omo hu kamarena teamamana 'iamana.

Akisi 2:36

Ijihuna'e 'warave ea mapoka ka'ene Isureri hijujaho niho'o hami hami he para'avara. Godira Jesu vejume Natohwa rene 'ee Keriso renana ka'ene jara icha 'ahi 'anaajina 'iamana.

Akisi 3:15

'Ejume ja Ea ka'ene majama hihuni anesurijaho 'anaara. 'Enakaivo Godira vejume kú'o 'urinaji kavara'omo nú ijí rone nimaa 'waravu.

Akisi 5:31

'Enarena Hu Godira 'unama apene Huni ija mana'inija'i ranavu'e Natohwa rene ni'ajihi'ina'e renana'omo Isureri ora puni sisea ta'arohe aremamaa are'avajaho Hu vwihania arehuna.

Akisi 5:41

Pu kanisoru puni una'i are'i kaivo arihe temaraji'i va'ajihuni maijaho pu Jesuni ihijihuna'e ea pu sise'i 'ahie 'ee juha apeja jihuna'e avajara.

1 Koritia 1:18

Ea ka'ene panimaa roji'ini jihipuni una'ijaho korosi ijihuni vu'iji hejujaho ira'ata'e reju. 'Enakaivo nú ea ka'ene nimaa roji'inijipo hejujaho ijaho Godoni harurijina.

1 Koritia 1:23

'Enakaivo núra najahujaho Kerisora korosia 'ahi kwamaji najahe 'waravura. 'Enakaivo ike vu'akaho Jua puna'ijaho ijara venau'e amaaresume arihujina. 'Enakaivo Jenitaru puna'ijaho ike vu'akaho maa pa'ana.

Epasasi 2:16

'Ene Huni korosia 'ahi ea no'ohe'i kajija ahume kwinu'wi rejakivi'i Godi pu'úmo kú'o 'unama napura ve'avarono avanana. Ijihuni maijaho ijí korosia 'aha kajino pura naka'e veti'aravuri 'unamijaho 'anaume kwamana.

Epasasi 5:2

'Ene Kerisora ja oja mihaja'ina'e oja 'ekaravi'i o'avara. 'Ene Hu Huhusu nú múharena areri swara vene swasa Godona'e amua 'u'amarono venana.

Piripai 1:6

Na ike unekakaho nimaa rojujihuni maijaho Hu joni vaji kaukara mamaa ka'ene aneja vena kajaho Hu veje marana apene va'u va'o Jesu Kerisora ro'amajino 'e'uhuna.

Piripai 3:20

'Enakaivo nú akúpa huni ehija'omo núni Ni'ajúhi'ina ka'ene Natohwa Jesu Kerisora ijí rene rohuniji nú teamanu'eju'e 'ajaha hiju.

2 Timoti 4:8

'Ena'omo vea túna'i Natohwijara ariramaa huni i'esa ka'ene ranavu'e nunijihuna'e namujaho 'otua veji'ina ariramaijara roamani veijino mihuna. 'Ene nanasu pana kaivo ea maho'o ka'ene Hura rohuniji oja mahajija 'u'o vajihuna.

Hipuru 1:13

'Enakaivo Hu Huni Hariha ijá 'wama Nuni ija mana'inija'i asuma hi'eje Na Oni naka Oni mumora hari irechahuna wamana. Ija'ina 'ona oji'ina pina pa'waramana.

Hipuru 1:3

Godi Hu ichá'inijaho Hariaha ija'ina'omo Hu najuhana. Hariahijara raka ka'ene venajaho Godi ija'ina venuna. 'Ene Huni harurijino uneunecha mapoka ka'ene maira 'wara'eme rejajija Hu 'uninamiu'e puni tiniji navura. 'Enavo Hu kwama núni sisea sovume paranajaho akúpa huni Godi ni'ima'uri jihuni ija mana'inija'i tinia ka'ene Hu ta'arohuniji asuma hinana.

Hipuru 10:14

Hura ijí swasa ka'ene kwino venajino Hu ea ka'ene iji pijihajija maho'o majama ariramaa rehuna rejara.

Hipuru 10:33

Na'ia 'aho'a ja 'eka va'e eriri 'urarahe 'ee 'eka hijiha'e 'ee 'aniara. Vea 'aho'a ea 'aho'a 'eka ija'ina 'ahiumakame ja pu ni'ajihara.

Hipuru 11:36

'Ene ea 'aho'a sisei matihe 'ee ajiaki hijihaume túpa puama vajame 'ee ea 'aho'a seni kamorame tipurai vaji ato'arumaara.

Hipuru 12:3

Vwihaha! Ea sisemaa ijipo Hu sise'i 'ahaume haha hiama paranana. 'Enakúne ahija ija'ina apena va'avajaho pasenave are'avara.

Hipuru 13:13

Ijihuni hahi roe nú Huni va'e ara huni samai Hura juha ka'ene apena ja'ina'e nú 'u'o apeja.

Hipuru 5:9

Ijihuni hahi Godira vejume Hu Ni'ajúhi'ina Natohwa ariramaa renana. 'Ena'omo Jesuho majama hihuni Anesura'omo ea irara Huni ira hena ve'amajaho hu majama hihuna.

Hipuru 7:19

Ijihuni maijaho varapijara rejume ariramaa parejara. 'Ene iviamai ijihuni tinijaho unenu pina mavarasa'ina apejara. Ijihuna'e ijaho Godoni nini roajina.

Hipuru 8:1

Nara 'waravu jihuni vu'a nimaa nimaijaho ikena. Núni Ni'ajúhi'ina Natohwijaho akúpa 'ahi Godi ni'ima'uri jihuni toronua ka'ene namujihuni toi ija mana'inija'i asuma hinu.

Hipuru 9:28

Ijihuni hahi Kerisoho ea maho'o kehipuni sisei jihuna'e 'aha kwinu kwamana. 'Ena'omo Hu kú'o ro'amajaho sisehuna pakwa'i ro'ena vo ea ka'ene Hu 'ajaha ura rena para'eju'e hijujipo marani'avarono rohuna.

Jemisi 2:1

Vwehu nuna ja paki'eje núni Natohwa Jesu Keriso ka'ene mavarasa'iniji nimaa roji'ina 'wa'ika'i ea kwinu kwino ura rena'ina'e re'ava.

1 Pita 1:11

Ea irana ho vea iraki ijaho rehuniji henaka'i savari vajijino Keriso oni 'Avena ka'ene puni vaji hinajara raka ka'ene túna'i Kerisora haha hiana ka'ene apene 'ee Huni pinana ka'ene 'urihunijaho najahana.

1 Pita 3:18

Ijihuni maijaho Kerisoho ni'aha kwino sisei jihuna'e kwamana. Ariramaa ka'ene sisea pa'ajara sisea rukini jihipuni hahi kwamana. 'Enarena aherume Godoni roana. Hu hahijihuniji kwamana kaivo 'Avena vajijino vejume 'urinana.

1 Pita 3:22

Hu akúpa 'ahi ni va'ana'omo iviamaa Godoni ija mana'inija'i hi'eju'e 'ona oji'ina 'ee mama'ina 'ee harura Huni hararu hiju.

Juta 1:21

'Ene Godira oja múhana vajijino hiji'i núni Natohwa Jesu Kerisora numiruma va'e majama hihuniji 'e'uhuniji 'ajaha hi'avara.

Revaresiani 1:11

Ika'ina 'warimana. Ara raka ka'ene hena kamajaho Esia vaji sosia iropu no'o namiju jihipuna'e puka vaji venareje ranave va'amana. Epasasi Simúna Púkamamu Taiataira Satasi Pirateripia 'ee Reatasia ranave va'amana.

Revaresiani 1:17

Na Hu kavujaho na 'one Huni mumora aneji kwavute puna'i navuta. 'Ejume Hu Huni ija mana'iniji nuni haha 'ahi ranamihi'i ika'ina'e 'warimana. A niho'o paju'amana. Na anejijina 'ee ura kahene Na majama hina apena vai'inijina.

Revaresiani 1:8

Na Aneja 'ee Na Púsa. Godi ka'ene Harusinijara ijá 'warumana Hu nitama anejijaho ijí hinana'omo iviamaa ijí hinuna'omo Hu majama ijí hina apena vahunijina 'úmana.

Revaresiani 2:8

'Ene ike vu'a kakaho Simúna sosi 'ajohuni 'ona oji'ina ika'ina venareje 'wara'amana. Eakaho Hu anejijina 'ee púsijina. Hu kwamarena kú'o 'urina hinujara ijá 'waramana.