Hipuru 10:5 - Godoni vuʼa maiuʼina

⁵ 'Enajihuna'e Keriso ka'ene mwe'i roajara ika'ina 'waramana. A hanuha swasa 'ee swara ura parenau kaivo Ara haha ka'ene amairia mihaji ura renau.

Hipuru 10:5 Iomraidhean Croise

Matiu 11:3

'Enareja pu Hu apoma ijá 'wava 'Ú A ea ka'ene rohunaka 'waruvajina ho nú ea pina sa'eja? 'wavara.

Ruku 1:35

'Ejume 'ona oji'inijara eha vene ijá 'wama Godoni 'Aveni samahuna. 'Ee harura ka'ene maho'o Ichuto Maijihunijara raorahuna. Ijihuni hahi Hariha ka'ene arira maiji nahe'amajaho Godoni Hariha 'wahuna.

Ruku 7:19

'Ejume Jonira huni tisaiporua no'ohe'i 'umenaume roume irechamiume Natohwiji apoma he'i va'ara. Pu va'e ijá 'wava 'Ú A ea ka'ene rohuna'e 'waruvajina ho nú ea pina'e sa'eja? 'wavara.

Joni 1:14

'Ejume Irijaho roe haha apene nú pu'úmo ahuma hijume nú Huni hanaji'ina kavara 'ee Huni Hariha nikwinu'wi maa kajihuni hanaji'inijaho Amo ka'ene maiji vwihanúe 'ee nimaijihuni rena roana.

Karesia 4:4

'Enaka'ivo vea nimaiji roa apejumakavi'i Godi Huni Hariha ranavume roe varapa tamana vajijino napari nahenana.

1 Timoti 3:16

Ike aposarahuna pana vo ikaho núni nimaa roijihuni hemaka ni'inijina. Hu roe haha apejume kavara. 'Ejume Godoni 'Avenijara Hu arimaa 'wamajaho 'ona oji'inapo Hu kavara. 'Ene kwaa ara mapokakaho 'waravume hejara. Hu mwe'a ikino nimaa rojara 'ee Hu apene akúpa 'ahi hanaji'ina vaji va'ana.

Hipuru 1:6

Godira vea ka'ene Huni Hariha ranavume iki mwe'i roani veijino Godi kú'o ika'ina 'waramana. Veje Godoni 'ona oji'ina maho'o Hu oja ma'avara 'wamana.

Hipuru 10:10

'Enakaivo Jesu Keriso oni hahijara núnijihuna'e 'aha kwinu swasa vejakame nú ea ariramaa re'avarono Godi ura rena paranana.

Hipuru 10:7

Ijihuna'e Na ika'ina 'waravu. Ike heha! Oo Godi Na roujaho Oni uraiji ve'i routa. Areri Godoni ira vaji nitama Na rona 'warimaji ve'i routa 'wamana.

Hipuru 10:8

'Ene Na kú'o ika'ina 'waravu. A nitama rene hanuha swasa 'ee swara 'ee hanuha veni jaura 'ee swara 'aho'a ka'ene Mosisi oni tamanijara 'waramu ja'ina'e vejujaho A mai'o ura parenae 'ee tea pamanamuna 'wamana.

Hipuru 2:14

Ijihuni maijaho Godoni harihijijija emaijihuna'e pu haha 'ee 'aa rukina. 'Ejume Jesu 'u'o roe haha rukina rene 'ee 'aa rukina rejume emaapuni 'unamiji nahejara. Hu Emaa renajihuna'e Hu areri kwahuna. Setanira kwamasahuri harura ka'ene 'unanamuji Jesura kwavakame harura kajaho tira'usaha para'amarono ijihuna'e Emaa renana.

Hipuru 5:7

Vea ka'ene Hu iki mwe'i hinajino Hu pakwahuniji ni'aja'amarono Godoni siporua 'onarena ira ajira 'ee niravi'i jarimana. Hu Godoni siporua 'onajihuni maijaho Hura Huhusu ni'ajahuni jihuna'e 'onana. 'Ejumakame Godi Huni siporua henajihuni maijaho Hu Godoni hura venana.

Hipuru 8:3

'Enavo Juapuni sosi ni'ajihi'inapo Godi vajahu 'wavi'i swasa vejura kaivo núni Ni'ajúhi'ina Natohwiji 'u'o swasa venana.

1 Pita 2:24

'Enakaivo Hura Huhusu núni sisea Huni haha 'ahi apena va'e korosia 'ahi ajimana. 'Ejakame nú sisei jihuni 'unamijaho kwamasa'ika'i ariramaa hihuna. 'Enajihuna'e Huni haha ka'ene puachamajara rejume ja maraniana.

2 Joni 1:7

Ira'asina mapoka iki mwe'i ani rene va'u. 'Ena'omo pu Jesu Kerisoho haha paapenana 'wavura. Pu niho'o ira'asine 'ee Keriso oni nana'eji'ina.