Hipuru 10:36 - Godoni vuʼa maiuʼina

³⁶ 'Enajihuna'e ja masuani hine pasena'eje Godi oni ura ijaho veji'i hi'avara. 'E'irakúne Hura nahama 'waramajaho 'eka'avara.

Hipuru 10:36 Iomraidhean Croise

Matiu 10:22

'Enakaivo Nuni hahijihuna'e ea ja senahuna. 'Ene ea irara 'ata kairane hi'eje mwe'akaho pa'are'amajara marana parahuna.

Matiu 12:50

Ea ka'ene Nuni Oma akúpa 'ahi hinujara ura renujiru venujaho Nuni vwee 'ee ma'ine 'ee oha 'iamana.

Matiu 21:31

'Enakaivo ea iraka sa'inijara omahoni ira hene venane? 'iamana. 'Ejume pu ijá 'wava 'U'uijarana 'wavara. 'Ejume Jesura ijá 'iama Na nimaa nimaa ja 'waravu. Ea ka'ene takisia apeji'ina 'ee ea ka'ene 'uasa veji'inijipo asitahe urasahe Godoni ara vahuna.

Matiu 24:13

'Enakaivo ea ka'ene Nuni 'unami jihunijikano kirasaha hi'avajipo pu niho'o maranihuna.

Matiu 7:21

'Enakaivo ea mapoka ka'ene Na Natohwe Natohweru 'wivujija Godoni ara pavahuna kaivo ea ka'ene Nuni Oma ka'ene akúpa 'ahi hinujara raka ka'ene Hu ura renujiru ve'avajipo vahuna.

Maka 3:35

Ea irahipo Godoni ira hena veji'inijija Nuni 'u'uhije 'ee Nuni ma'ipija 'ee Nuni oha 'iamana.

Ruku 21:19

'Enajihuna'e ata kirasahe naminareje ja majama hihuna ape'avara.

Ruku 8:15

'Ina ka'ene mwe'a mamai arihajihuni maijaho ea Godoni ira hene puni oja vaji irechavukame pu hina vena apena va'u va'u'e va'e pu 'ina niho'o maa rejura.

Joni 7:17

Ea irara Huni ura ijí ve'i ve'amajaho Na raka ka'ene najahu jihuni maijaho hu hehuna. Ijí Nara najahu kajaho Godoni rena roana'e re'amajaho ijá hehune 'ee nuni vwiha'e 'wara'ujaho ijá hehuna.

Akisi 13:22

'Ejume Hu hu rana'i kaivo Teviti vejume roe puni kinia'e renana. Hua'e rone Hu ijá 'waramana Na Teviti ka'ene Jesi oni harihiji kavuta. Ea ka'ene Nuni ojijara ura renujaho ijina. Hura Nuni ura ijaho vehuna.

Akisi 13:36

Tevitiho Godoni ura ijaho hura hinani veijino ehwa puna'e veji'i hinu va'o kwamana. 'Ejumakame pu apene va'e huni amuhija irechamiajino ranavume sakaranana.

Romani 12:12

Godira raka ka'ene jonijihuna'e venahunijaho teamanama para'avara. Ja sise'i joni haha 'ahi re'avajaho mataume Godoni siporua majama 'o'avara.

Romani 12:2

Ja ike mwe'a kehuni 'unamijaho pa'ararihaha kaivo ta'arohe joni vwiha veje maiu'ina re'avara. 'Ejakame ja Godoni ura ka'ene mamaa 'ee ariramaa 'ee hu teamahuni ja'ina'e najaha.

Romani 2:7

'Enakaivo ea ka'ene na'ia mapoka'e masuani hine mamaa vene 'ee pinana maiji sarame 'ee hura vene 'ee uneunecha ka'ene majama nahuniji saravujija Hu majama hihunijaho pu mihuna.

Romani 8:25

'Enakaivo unenu'u pina ka'ene nú pakavi'inijihi 'ajaha hijujaho nú matauma 'ajaha hiju.

1 Koritia 13:7

Ea oja mihunijaho mají vena apene va'una 'ee hu uneunecha maho'o mají nimaa vena apene va'una 'ee uneunecha ka'ene iji'a rehunijija nimaa ronuna 'ee uneunecha ani'ina vejuri vajijaho hu niho'o kirane hina apene va'una.

Karesia 6:9

Roe nú mamaiji vehunijaho paucha'asa'avara. Ijihuni maijaho vea nimaa ro ape'eje a pasena'eje ve'amajaho ijihuni eha apehuna.

Epasasi 6:6

'Enajihuna'e ja paki'eje joni mama'ina puni nia 'aharu vene 'ee joni mama'ina'e teamanahuni jihuna vehuna pana kaivo Keriso oni pweapo puni ojiji'i Godi oni ura ijí vejuja'ina'e ve'avara.

Korasia 1:11

'Ene ja Huni hanaji'ina vajijino harura maho'one 'ee vivinui matauma hine 'ee ata kairasahe hihunijaho 'ekakame niho'o temarijara joni vaji rarena'e parani'amana.

Korasia 3:24

'Enajihuna'e ja nihena kavuja'ina'e Natohwi jihuna'i ja aachijija eha vene 'ekahuna. Ijaho ja Natohwi jihuna'e venahe avaju.

Korasia 4:12

Ipaparasiho joni ea pina ka'ene Jesu Keriso oni pwea pinijara ja 'ajoramu. Hu na'ia mapoka jonijihuna'e siporua nimaijino 'onuna. 'Ejakame ja kirasahe Godoni ura ijija maho'o hene kime areri renahuna.

1 Tesaronia 1:3

Na'ia mapoka'e jara nimaa rohuni kaukara ijí vene 'ee ea oja mihe 'ee nimairoa ka'ene núni Natohwa Jesu Keriso oni vaja 'ee núni Godi 'ee Omijihuni una'i ija kisina 'unama hijuji vwihaniura.

Hipuru 11:39

Ijihuni hahi ea ikihi nú rona 'waravujija puni nimaaroijaho Godi teamamana. 'Enakaivo pu Godira nahama 'waramajaho 'aho'a mai'o pa'ekara.

Hipuru 12:1

Ijihuni hahi ea mapoka mapoka 'imiti epuna'i sama outúhe hina kúvi'i hiju. 'Enajihuna'e raka ka'ene Godoni ura ijí veju'e tanumuji ani irechaha. 'Ee sisea ka'ene veku veko núni vwiha vaji mumuji ani irechaha. Raka ka'ene apehuniji ape'iro mají hine ninukujahi'i na'avara.

Hipuru 13:21

'Ene Godira veje uneunecha mapoka ka'ene ja Huni ura ijí vehunijaho vajihama. Hu joni vaji veje uneunecha raka ka'ene Hu teamahunijaho Jesu Keriso oni harura vaji renama. 'Ene Jesu ta'arohujaho majama nama apena va'ama. Ameni.

Hipuru 6:12

Ja paucha'asa'avara kaivo ea ka'ene Godi nimaa rone raka ka'ene nahama 'waramaji ape'iro 'ajaha hijuja'ina'e hi'avara.

Hipuru 6:15

'Enajihuna'e Eparahami nahama 'warama kaji masuani 'ajaha hina va'u va'o va'e piunamana.

Hipuru 6:17

'Unama nikwisu'ina kaja'ina'e raka ka'ene Godira nahama 'waramujaho Hu venuna. 'Ena'omo ea ka'ene Godira nahama 'waramajija Godiho Huni vwiha ani pave'ena 'wavi'i hihuna'e Godi ura rena paranu.

Hipuru 9:15

Ijihuni hahi Hu vu'a maiu'ina kaji 'ajohare'e Godiho 'ee emaa puni rira mu'oi hinu. 'Ena'omo ea ka'ene iji pijihajija areri majama hihuna ka'ene Godira nahama 'waramajaho apehuna. 'Enavo Kerisora kwamajino ea ka'ene vu'a tamana vajijino sisea vejajija sovume pa'arena jihuna'e pu eha paapehuna.

1 Pita 1:9

Jara nimaa rojujihuni ehijaho joni 'avena ni'ajihe maranihuna.

1 Joni 2:17

Mwe'akaho uneunecha mapoka 'ee huni ituaniji'i pa'arena vai'i navu kaivo ea ka'ene Godira ura renuja'ina'e vejujijahija majama hihuna.

Revaresiani 13:10

Ea irara tipurai vahuna re'amajaho hu tipurai vahuna. Ea irá so'wi ea 'anaa kwa'amajaho hu 'u'o so'wi 'anaa kwahuna. Ijihuni hahi Godoni ehija masuani hine puni nimaaroa ija kisi 'unanahuna.

Revaresiani 14:12

Ea ka'ene Godoni varapa hena vene 'ee Jesuni vaji nimai rojujihija ata kisina namine sisea piunivuri veijaho mataume hihuna.