Hipuru 10:27 - Godoni vuʼa maiuʼina

²⁷ 'Enakaivo unenu pina ka'iro 'ajohuna pana vo Godoni 'otuiji 'ajohu. 'Ene Huni nakijihi veni ni'ima'uri renahuniji 'ajohu.

Hipuru 10:27 Iomraidhean Croise

Matiu 13:42

'Ejakame 'eke ato'aruma'e vena ka'ene niho'o ani'ina vajijino renareje niramarume kuchikuchivi'i upaja chanichanivi'i nahuna.

Matiu 13:50

'Ene 'eka va'e vena ka'ene renujino ato'aruve ijí renareje kuchikuchime 'ee niramarume upaja chanichanivi'i nahuna 'iamana.

Matiu 25:41

'Ejakame vu Hu ta'arohe Huni ija ana'inija'iji rone ijá 'iahuna Núni nina kakaho are'i kaivo ani va'ajiha. 'Enareje va'e vena ka'ene 'avena siseijaho 'ee huni ona oji'inijihi puna'e vena ranavu'ukame namujino va'ajiha.

Matiu 3:10

Iviamai taupa icha aneji namuna'omo icha kajija 'ina maa pare'avajaho 'umareje 'uhue veni ato'aruhuna.

Matiu 3:12

'Enakaivo icha ka'ene 'witia aruma sirikuvujaho Huni ija tahi namuna'omo Hura 'witia mutuuri ruhijijino mutuareje maijaho niana'ika'i siseijijahija vena ka'ene pautaruti sa'ika'i namujiano ato'aruhuna.

Matiu 8:29

'Ejume ea kajipo ajira emaavaji'i ijá 'wava Godoni Harihe A raka nú vetú'ena? Vea ka'ene Ara núa ruruhunijaho mai'o paro'eme A nú ruru'irono roane? 'wavara.

Ruku 16:24

'Ejume hu ijá 'umena Nuni oma Eparahami na numirime Rasarasi ranave roe ija toi apúsame nuni mitara 'ahi ranave ohoa ka'ene renujaho paha renama. Ijihuni maijaho na niho'o ni'ima'ura hiani'eju'e vena rirakino hijukúne 'umenana.

Ruku 19:27

'Enakúne iviamaa nuni naka ka'ene nara puni natohwa'e rehunijaho ura parenajija aherame roe nuni una'i 'ania kwamasaha 'iamana.

Ruku 21:26

Emaa ijí uneka ka'ene iki mwe'i re'amaji kamareje niho'o juma paranareje kwapihuna. 'Ene uneunecha ka'ene akúpa 'ahi navujija akúpa kakara varivarimareje 'unirame usimahuna.

Ruku 23:30

Ijaho vea ka'ene emaapo aneja vene nahara'e ika'ina jarima 'warahunijina 'Auma arihe ninamuha 'ee huri'a roe vahúha 'wahuna.

Joni 5:29

'Ejakame pu ijí euchi rene 'urihuna. 'Enareje ijí ea ka'ene mamaa veji'inijija 'urina majama hihuna. 'Enakaivo ea ka'ene sisea vejujija 'urinareje 'otua vehuna.

Hipuru 12:25

Godi ka'ene ja 'waramu jihuni ira hena ve'avara. Isureri ora pu Mosisi oni ira hene pavejajaho eha sisea apejara. Mosisi Hu mwe'a ke'ura vo nú akúpa huni Godiji túchaha'avajaho ja vwihajujaho nú eha paapehuna.

Hipuru 12:29

'Enajihuna'e núni Godijaho niho'o venijihuni uru'uruijina.

Hipuru 2:3

'Ena'omo nú marania parahuniji pataaro'avajaho nú eha sisea ka'ene apehunijaho ichá'ina asina'eja? Ijihuni maijaho Natohwijara 'waramana'omo ea ka'ene hejajipo ijaho nimaa 'wavara.

Hipuru 9:27

Emaa kwinu kwino kwamasahuni vea iji pijahu'e namuna'omo kwamasahareje 'otua vehuna.

Jemisi 5:3

Joni korutia 'ee siriva tihejara. 'Ene ijí tiheja kajipo ja rone 'warahuna. 'Ene ijipo veje ja areri veni renau ja'ina'e renahuna. Ike vea túchamaa ikino ja joni uneunecha hine tamua vejara.

Revaresiani 20:15

'Ena'omo majama hihuni puka vajijino ea irahuni iha pana'amajaho vena ni'ima'ura nahúna na'amajino pi'onahuna.