Epasasi 3:8 - Godoni vuʼa maiuʼina

⁸ Na ea maho'o ka'ene nimaa roji'ina puni vaji túchamaa ijina vo ike maiji vwihani'inakaho na mihana. 'Ene Keriso oni vaji uneunecha mapoka mamaa ka'ene areri pamanura vene 'warahunijija Jenitaru naja'urono vajihana.

Epasasi 3:8 Iomraidhean Croise

Ruku 14:22

'Enarena ijí pwea huna kajara ijá 'wama Ara 'warimajaho na nivejuta kaivo ruha mapoka'e navu 'wamana.

Joni 1:16

Hu nú maiji vwihanúi'ina ka'ene itu'ona parana jihuni vajiji nú maho'o hura hara maiji vwihanúujaho 'ekura.

Akisi 5:41

Pu kanisoru puni una'i are'i kaivo arihe temaraji'i va'ajihuni maijaho pu Jesuni ihijihuna'e ea pu sise'i 'ahie 'ee juha apeja jihuna'e avajara.

Akisi 9:15

'Enakaivo Natohwijara ijá 'wama Ijí ea kajihuni va'a Nara hu Nuni kaukara ve'amarono iji pijahuta'omo hu Nuni iha apene Jenitaru 'ee kinia 'ee Isureri oni harihija najahuna.

Romani 11:33

Godira ichá'ina ka'ene hena kama vwihanunaka ni'ima'uraka mavarasa'inijaho nú areri niho'o pahena pakavu. Hura 'unama ichá'ina'e uneunecha 'aho'a ve'iro 'ahaujaho nú niho'o pahena pakavura 'ee raka ka'ene Hura vehuna vwihanujaho nú areri pahena pakahuna.

Romani 12:10

Ja vwea vwipu jona'e oja mihujakaji ea 'aho pu'úmo oja ma'ara'avara. 'Enareje teamana'eje ta'arosara'avara.

Romani 2:4

'Ú Godira ja hami 'ahi'i kaivo Hu eha marako pamihe 'ee makivi'i hinujaho ja senavo? Godi ja hami 'ahiu jihuni maijaho ja joni sisea are'i kaivo ta'arohe ro'avarono avanujaho ja vi hena kavo?

1 Koritia 1:30

'Enakaivo Hura venaume ja Jesu Keriso oni ea'e rejara. 'Ene Hura núni vwiha mamaa ka'ene Godoni rena roajaho rene 'ee núni ariramaijaho rene 'ee núa'e 'imenúa 'eki'ina'e renana.

1 Koritia 15:9

'Enajihuni maijaho na niho'o apasorua ka'ene hamaijina 'ene 'u'o na apasorua 'wihuna areri pana. Ijihuni maijaho nara Godoni sosia sise'i 'ahie ruarahiuta.

1 Koritia 2:9

'Enakaivo nitama Godoni ira vaji ika'ina vene 'warumana. Godira uneunecha ka'ene Hua'e oja mahi'ini jihipuna'e amairiaramana ka'ene mai'o nia pakivi'ina 'ee mai'o ataa paheji'inijija mai'o emaapuni oja vaja paroe arina navu 'úmana.

Karesia 1:16

Hu teamavume Huni Hariha nuni vaji vejume samaa'e rejumakame na Jenitaru puni vaji naja'urono avanana kaivo na maku'a ea ka'ene haha 'ee 'aa rukini jihipuna'a vu'a pasaravuta.

Karesia 2:8

Godi ka'ene Pita oni vaji kaukara maa vejume sisa 'uhuahi'ini jihipuni vaji apasorua kaukara venajara nuni vaja kaukara maa 'u'o vejume na Jenitaru puni vaja kaukara vejuta.

Epasasi 2:7

'Enajihuna'e Godiho Huni maiji vwihanii'ina ni'ima'ura ka'ene niho'o areri pamanura vehunijaho 'ee mamaa ka'ene núna'e venujaho Jesu Keriso oni vajijino vea túna'i najuhuna.

Epasasi 3:1

Ikehuni hahi na Poruho ja Jenitarue punijihuna'e Jesu Keriso oni tipurea.

Epasasi 3:16

'Ene Hura Huni uneunecha mapoka ka'ene pinana rukinijija ja vajihuna. 'Ejakame Huni 'Aveni jihuni harurijara harura mihe ni'ajihe joni oja vaja areri renaama.

Epasasi 3:19

'Ene Kerisora oja múhajaho hena kahuna. Ijara henaka asitaha paranana. 'Ena'omo ja maho'o Godoni henaka ijara itu'onahe areri renahuna.

Epasasi 3:2

Godoni maiji vwihani'ini jihuni kaukara ka'ene jonijihuna'e na mihajaho ja nihejara.

Piripai 2:3

Ja jasumano jonaru vwihajuri 'unamijaho pavene 'ee vwiha maa pa'ajihuna'e kehi kehi vejujaho arehuna. 'Enakaivo vwiha jonijija 'eka masuani ajuarasahe ea 'aho'a mama'ina rone vwihanihuna kaivo jajasu pavwiha'avara.

Piripai 4:19

'Enajihuna'e nuni Godijara jara iraka ka'ene pivujujija Huni uneunecha ka'ene Huni ari navujino Jesu Keriso oni vaji areri maho'o vajihuna.

Korasia 1:27

Ijihuni maijaho Godoni ura ijaho uneunecha mamaa ka'ene ike hema vaji navujija veje Jenitaru hena kahuna. Ijí hema kajaho Keriso ka'ene joni vaji hinujina. 'Ene nimaa roji'inijija. Huni mamaijaho túna'i 'ekahuna.

1 Timoti 1:13

Na nimarako ijaho 'unamakaho matihe 'ee ea sisei 'ahie 'ee ea sise'i ruarahuta. 'Enakaivo Hu ijihuni vaji na numirimana. Ijihuni maijaho na panimaa rojujihuna'e na pahene pakavi'i avajuta.

1 Timoti 1:15

Ikaho vu'a nimaa ka'ene nú ea maho'o apehunijina. Jesu Kerisora iki mwe'i roajaho ea sisea veji'ina'e ni'aji'i roana. 'Ena'omo ijihipuni vajijaho sisea ka'ene sisee maijaho nana.

1 Timoti 2:7

'Ene ikehuni hahi na vu'a najahi'ina 'ee apasorua'e iji pijihana. Ijihuna'e na nimaa 'waravu kaivo na ira'ata paapeju. 'Enajihuna'e na Jenitaruepo nimaiji nimaa rohuna'e najahi'ina.

2 Timoti 1:11

Ijí 'unama kajihuna kaji na 'waravi'ina 'ee apasorua 'ee najahi'ina re'urono iji pijihana.

Revaresiani 3:18

Na ja ika'ina 'waravu. Roe Nuni korutia ka'ene niveni vaji amairiaji 'imeha. 'Ejakame ja uneunecha mapoka rukina re'avara. 'Ene ateha sajasa'ini savakame joni haha ka'ene samaumai navume ja junamajaho pa'arehuna. 'Ee joni nia 'úsia 'onareje hami niri'avara.