Epasasi 2:2 - Godoni vuʼa maiuʼina

² Ja nimako ijaho ike mwe'a kehuni 'unamijino 'urahe ojara. 'Ene 'avena sisea ka'ene ichutoa 'ajohu jihuni harura hari ojara 'ee hu ea ka'ene vu'ataa paheji'ini jihipuni vaji iviamaa kaukara venujina.

Epasasi 2:2 Iomraidhean Croise

Matiu 11:19

'Enakaivo Ema Puni Harihijara roajaho Hu 'iruma ine 'ee toa inana. 'Enajihuna'e pu ika'ina 'wavu Kaha! Hu 'iruma arisi isa'ora 'ee Hu arisi toa sisea isa'ora Hu ea ka'ene takisia apeji'inijihija 'ee ea ka'ene sisea veji'inijihi puni napura. 'Enakaivo ea ka'ene vwiha mamaa rukinijija pura ichá'ina ka'ene vejujara najahujaho pu hena kavi'ina 'iamana.

Matiu 13:22

'Ene 'ina ka'ene ija sisea vaji arihajaho ea hu Godoni vu'a henu kaivo uneunecha ka'ene mwe'a kehunijiru vwihane 'ee monia 'ekahuni 'unamijara pisiviu'e Godoni vu'a kajaho veurahu'e maa parenuna.

Matiu 13:38

'Enakaivo juasi'ijaho ike mwe'akena. 'Ene 'ina ka'ene mamaijija ea ka'ene Godoni eijihina. 'Enakaivo ija siseijaho 'avena siseijihuni ehijijihina.

Maka 4:19

karokaha vehuniji vwihanune 'ee monia ichá'ina'e 'ekahuna ijí vwihanuna 'ee uneunecha mapoka kima ura rena para'avajara oja vaja rareje Godoni Ira puni oja vaji marako pa'arenuna.

Ruku 16:8

Ea ka'ene kukua anesurijarahara ea ka'ene kaukara 'ajohuji kamarena ijá rona Niho'o pisivie paraju kavu ronana. 'Enarena hami vwihaha. Areri ija'ina'e ea ka'ene mwe'a ikino hijujaho 'unama ija'ina'e ea pisimiura kaivo ea ka'ene hanaji'ini hijujija ija'ina pavejura 'iamana.

Ruku 22:31

'Ejume Hu Saimani ijá 'wama Saimani hena! Setani aa'e apena'e areri 'witia ruarahu ja'ina'e ruara'i 'ahau'e ura reju'e ro 'ejahie 'warimana.

Joni 12:31

Iviamaakaho vea ka'ene mwe'a kehuni 'otua vehuni vei nirenu. Iviamai mwe'a kehuni natohwijaho pi'onahuna vei renu.

Joni 13:2

Pu hine 'iruma i'eme 'avena siseijara Jutasi Isikariatiho Saimani oni harihi jihuni oja vaji Hu nahama 'warahuni vwiha niranamana.

Joni 13:27

Hu puretia ape i'eme Setani hu ajimana. 'Ejume ijihuna'e Jesura ijá 'wama A raka ve'i 'aha'amajaho mamako vena 'wamana.

Joni 14:30

Na 'aha josu'a ja pu'úmo vu'a pa'wahuna. Ijihuni maijaho mwe'a kehuni natohwa rou. 'Enakaivo huni harura pina Nuni vaja pa'ana.

Joni 15:19

Ja mwe'a kehuna re'ipisa ja hunijihuna'e hu ja oja miha'a. Ja mwe'a kehuni vajakino Nara ja iji pijihe 'ekauta. Ijihuna'e mwe'akaho ja senavu.

Joni 16:11

'Otua vehuniji najahuni jihuni maijaho mwe'a kehuni natohwijaho ni'otua vetiara.

Joni 7:7

Mwe'a kakaho ja kimujaho pasemu kaivo Na semu. Ijihuni maijaho Na hine 'waravujaho raka ka'ene hura venujaho sisea 'wavukame avanu.

Joni 8:23

Hu pu ijá 'iama Ja mwe'a harake ora kaivo Na ichutohuna. 'Ene ja mwe'a kehuna kaivo Na mwe'a kehuna pana.

Joni 8:44

Ja oma jona ka'ene Setani oni harihija. Ijihuni hahi ja ura oma jona kajara venuja'ina ve'iro 'ahiu. Nitama anejijino rene hu ea 'aniuna. 'Enakaivo hu 'unama nimaa nimaijaho niho'o pahihuna. Ijihuni maijaho nimaa nimaijaho huni oja vaja panamuna. 'Eju'ukame huni vaja ira'ati rarena jihuna'e hu ira'ataru 'waramuna. Ijihuni maijaho hu ira'asine 'ee ira'asine puni oma.

Akisi 19:35

'E'eme Epasasi opuni ara huni karaka ijara ea mapoka ruramarena ijá 'iama Epasasi orakije! Ja ea irara Aritimisi ka'ene ni'ini jihuni Temiporua 'ee emaa sa'ina ka'ene kahi akúpa 'ahi rene 'onaji'i Epasasi opo 'ajohaujaho pahejure?

Akisi 5:3

'Ejumakame Pitara ijá 'wama Ananaiasi'o a irakijihuna'e Setani oni oja ruha apejumakame a oni mwe'aka 'imenarena monia pwinana'a a 'ekivo Godoni 'Aveni jihuni una'i ira'ata venane?

Romani 12:2

Ja ike mwe'a kehuni 'unamijaho pa'ararihaha kaivo ta'arohe joni vwiha veje maiu'ina re'avara. 'Ejakame ja Godoni ura ka'ene mamaa 'ee ariramaa 'ee hu teamahuni ja'ina'e najaha.

1 Koritia 5:10

'Enakaivo na mwe'akino ea ka'ene 'uasa vejujihi rone 'warahuna pana. 'Ene ea ka'ene uneunecha rukina'e rehuna itunavi'inijija pane 'ee nesa apeji'inijija pane 'ee godi ira'ata oja mihi'inijija pana. 'Enakaivo na ijihi rone 'wara'ipisa ja mwe'akaho arema vaa'a.

1 Koritia 6:11

Ja ea 'aho'a ikija nimarako 'unama ija'iniji ojara. 'Enakaivo ja somahe 'ee venaume ea akuavi'ina'e rejara. 'Ene Jesu Keriso oni ihijihuni vaja 'ee núni Godijihuni 'Aveni jihuni vaji ja venaume ea arira'e rejara.

2 Koritia 4:4

Mwe'a kehuni Godijara ea ka'ene panimaa roji'ini jihipuni vwiha ijija tanu'urihu'e puruva retiu. 'Eju'e vu'a maa maiu'ini jihuni hanaji'inijaho 'ee Keriso oni mamaijaho pahena pakavu. Hu Godi arerina.

Karesia 1:4

Hu núni sisei jihuna'e kwamana 'ee areri Godi ka'ene núni Omijara Huni ura ijino niamariarama ja'ina'e ike mwe'a sisea vajakino ni'ajúhe siriruma ruva'ana.

Epasasi 1:21

Iviamai ikehuni vea ikeru pana kaivo túna'a 'u'o 'ajohai'ina mama'ina harura 'ee harura maho'o 'ee iha icha'ina ka'ene ja 'urihujaho asitaha parane huri hinana.

Epasasi 2:11

Ijihuna'e vwiha'avara. Ja Jenitaru nimarako hahijihuni 'unamijino hijajaho ea ka'ene sisa 'uhuahi'ina 'wavura ka'ene emaapo iji haha sisa 'uhuahi'inijipo ja sisa pa'uhui'ina 'iavura.

Epasasi 2:13

'Enakaivo ja ea ka'ene nimarako karori kaheri hijajija iviamai Jesu Keriso oni vaji Keriso oni 'aijara aherame nimaa roana.

Epasasi 2:3

Nú 'u'o puni vaja kajino nitama hine núni hahijihi puni ura ijí vejara. 'Ene núni hahijihuni ura 'ee núni vwiha sisesa ijipo rosamúa parajara. 'Ene núni kara ijija sisea ijihuna'e nú Godoni sena hari ea 'aho'a kajihi pu'úmo hijara.

Epasasi 4:17

'Enajihuna'e ike nara 'waravukaho nú Natohwiji huni una'i nimaa 'waravu. 'Enakúne ja paki'eje 'unama ka'ene Jenitaru pu ojuja'ina'e o'avara. Ijihuni maijaho pu niho'o vwiha puruva reti'eju'e maiji ojura.

Epasasi 4:22

Enakúne joni kara sahasa 'ee unama ka'ene ja nimarako itunijara pisivisavume sakarasahajija maho'o irechave pa'are'amana.

Epasasi 5:6

'Enakúne veje ea vu'a maa pa'ajino ja papisimisava. Ijihuni maijaho Godoni sena ea ka'ene ija'ina'e vu'ataa pahene uneunecha ija'ina'e vejujihi puni toi namu.

Epasasi 5:8

Ijihuni maijaho ja marako nututi hinojara kaivo iviamaa ja Natohwijihuni vaji hanaji'ini hiju. 'Enakúne hanaji'ina puni harihipo 'uraha ojuja'ina'e o'avara.

Epasasi 6:12

Ijihuni maijaho nú ea haha rukina 'ee 'aa rukina pu'úmo nana pa'eju. 'Enakaivo 'ajoha'ina 'ee harura 'ee harura nutuvi'ina ka'ene iki mwe'i hijura 'ee 'avena sisesa ka'ene ichutoi hijujihi pu'úmo nana'eju.

Korasia 1:21

'Ene ja nimaraku'ijaho apiora 'ee naka'e rene vwiha sisea vwihane sisea veji'i hijara.

2 Timoti 4:10

Ijihuni maijaho Timasiho iviamaa ikehuni mwe'a ike oja maharena na ranamie Tesaronaikai va'ana. 'Ejume Kuresianisiho Karesia va'ana. 'Ejume Taitasiho Taramesiai va'ana.

Jemisi 1:27

'Ejume 'unama arira mamaa 'ee sisea pa'amaa ka'ene nú vejukame nuni Godi Omijara ura renujaho ikehina. 'Oja 'ee amuna ka'ene pivusahi'i hijujija 'ajohae 'ee mwe'a kehuni siseijaho tatumihi'i va'akame parenuhuna.

Jemisi 1:7

Ea ka'ene ija'inijaho hu paka'eje unenu'u pina Natohwi jihuna'i ape'ena roji'i hi'ama.

Jemisi 4:4

Godoni hura pavenahi'inakije 'Ú ja mwe'a ike'i napura vejujara reju'e Godoni naka rejujaho ja pahene pakavo? Ijihuni hahi ea irara mwe'ake'i napura vehuna ura renujaho hu ori veju'e hu Godoni naka renuna.

1 Pita 1:14

Areri sesamaa ka'ene vu'ataa heji'inapo vejuja'ina'e re'avara kaivo ja paki'eje jara nitama hahapo itunavu'e pahena pakavi'i vejuja'ina pave'avara.

1 Pita 4:3

Ijihuni maijaho joni vea ni'ima'ura ja nisame Jenitarupo ura renae 'ee hahijara ura renaujiru vejara. 'Ene 'uasa vene hahijara itunavaji vene 'ee toa sisea ine nanamie 'ee 'unama sisea vene temarasahe 'ee toa sisea ine 'unama ani ani vene 'ee godia ira'ata siseijihi oja mihura.

2 Pita 2:14

'Ene pu puni nia 'eke ema 'ee paranaha sarame 'ee pu nii kime itunavujaho niho'o mai'o pa'uhuname turanavura. 'Ene pu pisiviu'e ea ka'ene pakirasahe hijujija oja 'urinau'e sisea vejura. 'Ene puni ojijaho niho'o pupusumaru vwihahunijara itunama parajura 'ee pu sesamaa siripa'ava ja'ina.

1 Joni 3:10

Ikaho 'unama ichá'ina ka'ene ea irara Godoni harihe 'ee ea irara 'avena sisei jihuni harihiji hena kihunijina. Ea irara sisea veji'i hine 'ee vweaha oja pamahujaho hu Godoni ea pana.

1 Joni 3:8

Ea irara sisea venujaho hu 'avena sisei jihuni ea. Ijihuni maijaho 'avena siseijaho nitama anejijino sisea venana. Godoni Harihijara roajihuni maijaho 'avena sisei jihuni kaukara tiraku'i roana.

1 Joni 4:4

Sesahu nune ja Godoni jihuna'e ja pu asitahara. Ijihuni maijaho 'Avena ka'ene joni vaji hinujara 'avena ka'ene mwe'a kehunijaho niho'o asima paranana.

1 Joni 5:19

Nú niheju. Nú Godona kaivo mwe'akaho maho'o 'avena sisei jihuni harura hari namu.

1 Joni 5:4

Ijihuni maijaho ea ka'ene Godoni vaji nahenaajipo mwe'akaho asivara. Núni nimaa roijara vejume nú mwe'a ikaho asivara.

Revaresiani 12:9

Ijí anaka ni'ina ka'ene pi'onavajaho hu tapara nitama orijine huni iha 'u'o 'avena sisea 'ee Setanina. Hu ea maho'o ka'ene iki mwe'i hijujaho pisimiu jihuna'e hu huni 'ona oji'inijihi pu'úmo ato'arumaume mwe'i roara.

Revaresiani 13:14

Uneunecha ani ani'ina ka'ene hu venajaho hanuha amuri jihuni una'i huna venahana. 'Ene hu mwe'a ikehuni ehijijija maho'o pisimisamana. Hu mwe'a ke'ura 'waravume hanuha amura ka'ene so'wi pijahara'omo 'urinajihu vare'ina veha 'iamana.

Revaresiani 13:8

'Ejakame ea mapoka ka'ene mwe'a kaki hijujija 'ee mwe'akaho mai'o pareji'inijino ea irahuni iha majama hihuni puka vaji panavajipo hanuhiji oja mahuna. Ijí majama hihuni puka ijaho Remu ka'ene kwamaji Huna.

Revaresiani 16:17

'E'eme 'ona oji'ina ka'ene túchamai iropu no'o ijara va'e huni tevuijaho ichutoi useku'eme Temiporu vaji toronu 'ahi ira ajira rena roe ika'ina 'waramana Niparanu! 'wamana.

Revaresiani 20:2

Anakijaho hu tapara nitama orijine huni iha 'u'o 'avena sisea 'ee Setanina. 'Ena'omo 'ona oji'ina kajara aharu 'oname kamomarena juara mapoka mapoka (1,000) ranavuma hinana.