Epasasi 1:9 - Godoni vuʼa maiuʼina

⁹ Godi Huni ura ijihuni hemijaho vejume núnuna'a samaumaa renana. Godi Huni ura ijino Keriso oni vaji Hu ura renaja'ina'e venana.

Epasasi 1:9 Iomraidhean Croise

Matiu 13:11

'Ejume Hura pu ijá 'iama Ja Huni arijihuni hemijaho najahume ja nihena kavara kaivo pu mai'o pahene pakavi'ina.

Ruku 12:32

'Enakúne eakije niho'o patea juna'avara. Ijihuni maijaho joni Omijaho ura rene teamama para'eju'e Huni arijaho ja mihu.

Ruku 2:14

Pu javaa ika'ina vejara Godi ka'ene niho'o Ichuto Maiji huni pinana 'urinu. 'Ene ea ka'ene Godira iki mwe'i kime teamanamujihi matauvi'inijaho mihu 'wame ta'arohara.

Akisi 13:48

'Ejakame ijí Jenitaru kajija pu vu'a kaji henareja temarasahe 'ee Natohwi jihuni vu'ijaho ta'arohara. 'Ene ea ka'ene majama hihuna'e Godira iji pijihajija nimaa rojara.

Akisi 2:23

Ike eakaho nitama Godira hena kamarena ni amairiaramana 'omo ja Hu ea sisesa mihume pu korosia 'ahi 'anaume kwamana.

Akisi 4:28

Pura iraka ka'ene vejajaho Ara nitama vwihane amairiarama ja'ina'e vejara.

Romani 11:25

'Ene vwehu nune ja hema ka'ene namuke hena ve'avarono 'waravu. Ijihuni maijaho ja Huni ea rejajihuna'e jarika pare'avara. Ijaho nimai Isureri ora ea pwinana'a oja kisina'e rene hi'eju'e Jenitarua roajiame Huni ea re para'eja'e iji'a Isureri mapoka nimaa rohuna.

Romani 8:28

Nú nihena kavu. Ea ka'ene Godi oja mahe 'ee Huni ura ijí ve'avarono iji pijihajija uneunecha maho'o ahuma rejujija Godira 'eke veju'e pua maranihuna'e venuna.

1 Koritia 1:21

Mwe'a kehuni vwiha mamaa vajijaho paroe Godi hena kahunijaho nikimana. Godi teamamajaho ike vu'a ka'ene ea 'ahopo kavume maa pa'ana'e renuna vajakino najahume ea ka'ene nimaa rojajija maraniana.

Karesia 1:12

Ijihuni maijaho na emaapuna'a paapejuta 'ee ei pini najihuna pana kaivo Jesu Keriso oni vajijino vejume roe samaa rejume na apejuta.

Karesia 1:15

'Enaka'ivo nuni ohijihuni tei vaji Godira veniume na roe 'arihujino Hu ura rejume Huni maiji vwihaniuri vajijino iji pijihana.

Karesia 1:16

Hu teamavume Huni Hariha nuni vaji vejume samaa'e rejumakame na Jenitaru puni vaji naja'urono avanana kaivo na maku'a ea ka'ene haha 'ee 'aa rukini jihipuna'a vu'a pasaravuta.

Epasasi 1:11

Hura nitama Huni ura ijino iji pijúhana. Hura amairiarama ja'ina'e 'ee Huni aachia 'u'o 'ekara. 'Ene uneunecha maho'o Hura ura rene 'ee 'warama ja'ina'e rejara.

Epasasi 1:8

'Ene Hura Huni maiji vwihanii'ina ka'ene itu'ona namuna vajijino vwiha mamaa maho'one 'ee henaka maho'o 'usesamúhana.

Epasasi 3:11

Ikaho Godira Jesu Keriso ka'ene núni Natohwi jihuni vaji majama aneja púsa pa'ana'e Hura ura renaja'ina'e venana.

1 Timoti 3:16

Ike aposarahuna pana vo ikaho núni nimaa roijihuni hemaka ni'inijina. Hu roe haha apejume kavara. 'Ejume Godoni 'Avenijara Hu arimaa 'wamajaho 'ona oji'inapo Hu kavara. 'Ene kwaa ara mapokakaho 'waravume hejara. Hu mwe'a ikino nimaa rojara 'ee Hu apene akúpa 'ahi hanaji'ina vaji va'ana.

2 Timoti 1:9

Núra kaukara mamaa'e vejakame Hu nú ni'ajúhuna pana kaivo ijaho Hura mahuni ura ijino maiji vwihanúarena mai'o mwe'a paveji'ini Jesu Keriso oni vaji nú ni'ajúhana 'ee hia arira akuavi'i hihuna'e iji pijúhana.