Epasasi 1:18 - Godoni vuʼa maiuʼina

¹⁸ 'Ene na siporua 'ojujaho joni oja jaraa kame Hura maa irakijihuna'e ja 'umenaajaho hena kahuna. 'Ene Huni uneunecha mapoka mavarasa'ina ka'ene Huni ehijijipo 'ekujija hena kihuna.

Epasasi 1:18 Iomraidhean Croise

Matiu 13:15

Ijihuni maijaho ea kehipuni ojijaho niho'o kisina rejara. 'Ene puni ataijaho tanumajihuna'e pu hami paheju. 'Ene puni niijaho tanurihu'e pu pakivu. Ijihuni maijaho pu vejuro'i puni nia 'ee ataa jarae 'ee puni oja jarae hene veje pu ta'arohakame Nara veje pu sonahihuna 'wamana.

Maka 10:17

Jesu va'i 'ahauma va'eme ea pina ninuma roajino Huni una'i nitupari sa'i kaivo apoma ijá 'wama Najuhi'ina Mamaa'e na ichá'ina'e vene majama hihunijaho ape'ejo? 'wamana.

Ruku 24:45

'Enarena Hu puni vwiha ijija Godi oni iriji hami he'avarono jaraana.

Akisi 16:14

'Enakaivo napara pina huni iha Ritiane 'ee hu Taiataira ora kaivo hu ateha avi'ina vene ea 'aho'a 'imenauna 'ee Godi oja mahi'ina'omo Natohwijara huni oja jaraume Porura 'waramajaho hene venana.

Akisi 26:18

'Ejakame a veje puni nia jaraahuna. 'Ene pu nututi hijujaho are'i kaivo ta'arohe hanaji'iniji roajihuna 'ee Setani oni harura hari hijujaho are'ika'i Godoni rohuna. 'Ejakamareje sisea vwihanie arevujaho apene 'ee ea ka'ene nimaa rojajihuna Na iji pijihujipo aachia ka'ene 'ekahunijaho pu 'u'o ijihuni vaji 'ekahuna 'wimana.

Romani 11:29

Ijihuni maijaho Godira swara 'ee 'umenaujaho Hu kú'o pa'eka ruva'una.

Romani 2:4

'Ú Godira ja hami 'ahi'i kaivo Hu eha marako pamihe 'ee makivi'i hinujaho ja senavo? Godi ja hami 'ahiu jihuni maijaho ja joni sisea are'i kaivo ta'arohe ro'avarono avanujaho ja vi hena kavo?

2 Koritia 4:4

Mwe'a kehuni Godijara ea ka'ene panimaa roji'ini jihipuni vwiha ijija tanu'urihu'e puruva retiu. 'Eju'e vu'a maa maiu'ini jihuni hanaji'inijaho 'ee Keriso oni mamaijaho pahena pakavu. Hu Godi arerina.

2 Koritia 4:6

Ijihuna'e Godira ija'ina'e 'waramana. Ira nututa vajijino hanahuna 'iamana. Ijaho Hura núni oja vaja veju'e hanavu'e Godoni henaka ijihuni mamaijaho Keriso oni urania vaji kahuna.

Karesia 5:5

Ijihuni maijaho nú 'Avena vaja 'ee nimairoa vajijino ariramaiji nimaa roji'i 'ajaha hiju.

Epasasi 1:11

Hura nitama Huni ura ijino iji pijúhana. Hura amairiarama ja'ina'e 'ee Huni aachia 'u'o 'ekara. 'Ene uneunecha maho'o Hura ura rene 'ee 'warama ja'ina'e rejara.

Epasasi 1:7

'Ene Hura ori Huni 'aa vajijino ni'ajúhe kú'o 'ekuana. Huni maiji vwihanii'ina ka'ene itu'o'una namuna vajijino núni sisea vwihanúe aremana.

Epasasi 2:12

Ja ma vwiha'aha. Vea kajiha kajaho ja Kerisoho raname karaa ani hijara 'ee ja Isureri puni vaja asinamiara. 'Ene ja raka ka'ene nahama 'waravajija suja 'ee raka ka'ene túna'i rehunijija ja puruva rena'eme hijara. 'Ene iki mwe'i Godi pahena pakavi'i hijara.

Epasasi 3:16

'Ene Hura Huni uneunecha mapoka ka'ene pinana rukinijija ja vajihuna. 'Ejakame Huni 'Aveni jihuni harurijara harura mihe ni'ajihe joni oja vaja areri renaama.

Epasasi 3:8

Na ea maho'o ka'ene nimaa roji'ina puni vaji túchamaa ijina vo ike maiji vwihani'inakaho na mihana. 'Ene Keriso oni vaji uneunecha mapoka mamaa ka'ene areri pamanura vene 'warahunijija Jenitaru naja'urono vajihana.

Epasasi 4:1

Na Natohwi jihuni tipura eijara ja jarirame 'waravujaho ja 'unama mamaa ka'ene ja 'umena jihunijino 'uraha oha. Ijihuni maijaho ja Godira 'umenaana.

Epasasi 4:4

'Ene haha nikwinune 'ee 'Avena nikwinuna. 'Ene mamaa ka'ene túna'i rehuna vajijihuniji ja 'umenaana.

Epasasi 5:8

Ijihuni maijaho ja marako nututi hinojara kaivo iviamaa ja Natohwijihuni vaji hanaji'ini hiju. 'Enakúne hanaji'ina puni harihipo 'uraha ojuja'ina'e o'avara.

Piripai 3:14

'Ene na harura ni'ima'ura vene va'e pa'arehuni vutuiji 'e'une eha ka'ene Godira Jesu Keriso oni vaji ichutoi huna'e 'umenuajaho apehuna.

Korasia 1:12

Nú Amo teimani 'wavujihuni maijaho Hu venume nú Godoni ea akuavi'ina ka'ene hanaji'ini hijujihi puni aachijija ahuma 'ekahuna.

Korasia 1:23

'Enakúne ike nimaaroakaho hena vene 'ee ija kisi 'uname namiha. 'Ene ja paki'eje vu'a maiu'ina kara iraka ka'ene rehuna 'waravume hejaji raname arema va'ava. Ijihuni maijaho ike vu'a mamaa maiu'inakaho kwaa ara mapoka ka'ene ike akúpa hari navukipo he'avarono 'waravara. 'Enajihuna'e na Poruho ijí ve'urono iji pijihana.

Korasia 1:27

Ijihuni maijaho Godoni ura ijaho uneunecha mamaa ka'ene ike hema vaji navujija veje Jenitaru hena kahuna. Ijí hema kajaho Keriso ka'ene joni vaji hinujina. 'Ene nimaa roji'inijija. Huni mamaijaho túna'i 'ekahuna.

Korasia 1:5

Ijihuni maijaho iraka ka'ene ja nimaarojura ka'ene akúpi 'ahi navuji'ina. 'Ene nimarako ja vu'a nimaa ka'ene vu'a maa maiu'ina vajijino hejajina.

Korasia 2:2

'Ejakame puni ojijija ni'ajihuna. 'Eje oja 'ekaravuri vajijino ahuma parahuna. 'Ejakame uneunecha ka'ene maho'o hena kavura 'ee henaka ka'ene nimaa Godoni hemiji hena kahuna. Ijaho Kerisona.

Korasia 3:15

'Ene veje Keriso oni matauvi'inijara joni oja 'ajoha'amana. 'Ene ijihuna'e ja haha kwino rene matauma hi'avarono nimaa iji pijihanakúne teamana'eje hiha!

1 Tesaronia 2:12

Ijihuna'e Godi ka'ene ja 'umenau'e Huni ara 'ee hanaji'inijino vahuna 'iamajihuni 'unama ka'ene Hura kive areri rehunijino o'avara.

1 Tesaronia 5:8

'Enakaivo nú ea ka'ene veirihuni jihuna'e roe masuani núni túratakaho nimairoa 'ee oja 'ekaravujino same 'ee isúa nimairoa ka'ene ni'ajúhajino sava.

2 Tesaronia 1:11

Ijihunihahi nú 'u'o na'ia mapoka'e joni siporua 'ojura. 'Ejakame núni Godijara ja 'umenajaho arerina 'iahuna. 'Ene uneunecha mapoka ka'ene mamaa re'avarono ja ura renaujija rehuna 'ee raka ka'ene nimaa rojujija haruriji'i rehuna.

2 Tesaronia 2:16

'Ena'omo iviamaa núni Natohwa Jesu Kerisora Huhusune 'ee Godi ka'ene núni Omijara maiji vwihanúani vajijino oja múhe 'ee majama matauma hihuna 'ee nimairoa mamaa múhana.

1 Timoti 6:12

Nimairoa vajijino 'arasaraa ka'ene nimaiji 'ara'amana. 'Ene majama hihuna ka'ene a ijihuni vaji 'umenaara 'ee ara ei riri epuni una'i ira mamaa ka'ene 'waramajaho ija kisi 'una'amana.

Taitasi 2:13

'Ena'omo nú vea ka'ene Hura rohuni vea mamaa kaji 'ajaha hine 'ee núni Godia ka'ene ni'ima'urijaho 'ee núni Ni'ajúhi'ina Jesu Kerisora eajarame roa arihuniji 'ajaha hiju.

Taitasi 3:7

Huni maiji vwihanúani vajijino Hu venume nú ariramaa rejajihuna'e nú nimaa rojujaho majama hihunijaho núni aachia'e renana.

Hipuru 10:32

'Enakúne ja marako Kerisona'i hena kavajaho parunami'avara. Ja vea ka'ene nimaa rojajaho sisea ni'ima'ura apejara vo ja matauma ija kisi 'unama hijara.

Hipuru 6:4

Ikaho ea ka'ene hanaji'ina nihena kavajihipuni vu'a. Pu akúpa huni swara mamaijaho niapene 'ee Godoni 'Avena apejara.

1 Pita 1:3

Veje núni Natohwa Jesu Keriso oni Godia 'ee Omiji ta'aroha. Hura ni'ima'ura numirumana vajijino venume Jesu Kerisora kwama 'urinaji nimaa rojajihuna'e nú kú'o nahenume majama hihunijaho apejara.

1 Pita 3:9

'Ene roe ea 'ahopo nú sise'i 'ahú'avajaho sisea eha pavene 'ee hu ira sisea 'waru'amajaho nú eha ira sisea pa'warahuna kaivo ira mamaijino 'warava. Ijihuni maijaho ja mamaa'e vehuni jihuna'e Hu ja iji pijihana. 'Ejakame ja aacha mamaa apehuna.

1 Pita 5:10

Ja ma'uako siseisei hi'eje Godi ka'ene maho'o maiji vwihanii'inijara Huni pinana ka'ene majamano navi'ina ka'ene Keriso oni vaji 'umenaajara Hura Huhusu venae ariramaa rene nimaa rena parane harura mihe ata kirasa'avara.