Akisi 8:3 - Godoni vuʼa maiuʼina

³ 'E'eme Soruho aneja vene sosi ruarahiana. 'Ene sea sea kaji ajime napara parui irisame 'eka va'e tipurai irechamiana.

Akisi 8:3 Iomraidhean Croise

Akisi 16:19

Vea ka'ene huni mama'inijipo kavume pura monia'e kú'o 'ekahuni 'unama pa'arejumakame pu Poru'o Sairasi'o iji 'unirame irisamie maketia vejuri tinijino va'e emakipo hijari una'ijino irechamiara.

Akisi 22:19

'Ejume na ijá 'wavuta Natohwe pu na nihejura. Nitama na va'e Sinakoku pina aruma 'e'une 'ee pina aruma 'e'uji'i ea ka'ene Aa'e nimaa ronaujija 'eke hijihae 'ee tipurai irechamiuta 'wavuta.

Akisi 7:58

Pu hu 'unama piijahe apene samai va'areje muni 'eke 'ana'eme kivasa kwinu ijí puni rori nami'eme pu puni ateha jahene huni una kaji irechavara. Ea kajihuni ihijaho Soruna.

Akisi 8:2

'E'eme ea ka'ene Godi oja mahi'inapo Sitivini oni haha apena va'e ranavara. 'Enareja pu niho'o huamu vene niramaruvara.

Akisi 9:21

'Ejume pu ea ijí hene oja hwa'usunaha'eme pu ijá 'wava 'Ú ikaho ea ka'ene Jerusaremi ea ka'ene Jesu nimaa roju'ukame hu pu ruarahu jarane? Hu iviamaa iki roe ea ka'ene Jesu nimaa roji'inijihi kamorame va'e Pirisiti mama'ini jipuni irecha'i roajaho ikene 'wavara.

1 Koritia 15:9

'Enajihuni maijaho na niho'o apasorua ka'ene hamaijina 'ene 'u'o na apasorua 'wihuna areri pana. Ijihuni maijaho nara Godoni sosia sise'i 'ahie ruarahiuta.

Karesia 1:13

Nara 'unama ka'ene Jua puni tamana vajijino vejujaho ja nihejura. 'Ene nara ichá'ina'e vene Godoni sosia sise'i 'aha'e 'ee tirakuje pa'are'amarono vejuji manura vehuna areri pana.

Piripai 3:6

Na ea ka'ene Varapiji ura renia parana jihuna'e na chicha vene sosia sise'i 'ahi'ina'e rejuta. Ijihuni maijaho na varapi jihuni 'unamijaho arira'e hene vejujihuna'e na namihuna areria parenana.

1 Timoti 1:13

Na nimarako ijaho 'unamakaho matihe 'ee ea sisei 'ahie 'ee ea sise'i ruarahuta. 'Enakaivo Hu ijihuni vaji na numirimana. Ijihuni maijaho na panimaa rojujihuna'e na pahene pakavi'i avajuta.

Jemisi 2:6

'Enakaivo ja ea ka'ene pivuji'ini jihuni hura pavenahura. 'Ú ea ka'ene uneunecha rukinijija pu ja paruarahe 'ee pairisamie 'eke 'otua va'ahure?