Akisi 6:7 - Godoni vuʼa maiuʼina

⁷ 'Enajihuna'e Godoni ira rausaha apene kwaa ara mapoka va'ana. 'Ejume pirisitia mapoka 'u'o nimaa rojara. 'Ene ea ka'ene Jerusaremi hijujija nimaa nimaa roji'ina mapoka mapoka rejara.

Akisi 6:7 Iomraidhean Croise

Matiu 19:30

'Enakaivo ea ka'ene iviamaa urana va'ujija túna'i rehuna kaivo ea ka'ene masuani túna'i va'ujija urasahuna.

Ruku 2:34

Simionira pu merajihe 'ee Meri Huni ohijaho ijá 'wama Hena! Ike Harihakaho Isureri opuna pijahana. Hu Isureri ora 'aho'a veje arihe 'aho'a ajihuna. 'Ene Hu aacha'omo ea mapoka ijí kame Hu ninahuna.

Joni 12:42

'Enakaivo ea mapoka ka'ene ea 'ajoha'ina mama'ina pu Hu nimaa rojara kaivo pu Parasi juhamareja pu panahama 'wavara. Pu panahama 'warava jihuni maijaho Sinakoku vaji roturihuni jihuna'e avajara.

Akisi 12:24

'Enakaivo Natohwi jihuni irijaho niho'o rausaharena natohwa rena va'ana.

Akisi 13:8

'Enakaivo Erimasi ka'ene atama veji'inijara kanisoru nimaa ro'amarono 'unama same tanumana.

Akisi 14:22

'Ejume pu va'e ijino ea ka'ene tisaiporua ni'ajihe puni nimairoa ija kisi 'uname hina vahuna'e 'warame ijá 'iava Haha natohwa'e hianame 'ee ea sise'i 'ahú'eje nú ja pu'úmo Godoni ara vahuna 'iavara.

Akisi 19:20

'Ejume Natohwi jihuni vu'a emarene 'ee rausahe 'ee kisina'e renana.

Akisi 2:47

Pu Godi ta'arohe ea 'ahopo pu kivajaho teamanavura 'ee Natohwijara veju'e ea veku veko nimaa rojujija huri 'umanami'i namana.

Akisi 21:20

'Ejume pu ijí henareja Godi ta'arohara. 'Ene pu ijá 'wava Vwea núne Jua mapoka mapoka nimaa rojura. 'Enakaivo pu Mosisi oni tamana vehuniji niho'o harura veju.

Akisi 6:1

Ijiha kajaho tisaiporua mapoka rena ajima va'eme Kuriki Jua 'ee Hipuru Jua chicharavara. Ijihuni maijaho puni amuniji na veku veku 'iruma swara vejujaho vene asitahu jihuna'e avajara.

Romani 1:5

Huni vaji nú maiji vwihanúajaho apene 'ee apasorua'e rejajihuna'e nú Huni ihijihuni hahi Jenitaru maho'o 'warave roe hene nimaa rone vehuna.

Romani 16:26

'Enakaivo Godi ka'ene majama hiji'inijara poropetia 'waravume vejara'omo iviamaa roe samaahiravu'e kwaa ara maho'o nimaa rone veju.

Karesia 1:23

'Enakaivo pu nuni vu'a ika'ineru hejura Ea ka'ene nitama sisei 'ahúajaho ivi'a nimairoa ka'ene hu nimarako tirakui venaji najahu.

Karesia 6:10

'Enakúne nú vea mamaa ape'avajaho roe nú ea maho'o puna'i hami ve'avara vo maraku'a ea ka'ene nimaa roji'ini jihipuna'i hami ve'avara.

Korasia 1:6

Ijí vu'a maiu'ina kajara joni roaja'ina'e 'u'o 'e'une kwaa ararakino va'e hine majaa 'ina renu 'ee rausahe emarenu. 'Ene ni areri vea ka'ene ja Godoni maiji vwihanie ijihuni nimaiji hene kavume renaja'ina'e renu.

2 Tesaronia 1:8

Pu vena harura vaji ea ka'ene Godi pahena pakame 'ee núni Natohwa Jesuni vu'a maiu'ina pahene vejajihi eha mihuna.

2 Timoti 2:9

Ijihuna'e na siseisei ea sisea puna'i tipurai hiju. 'Enakaivo Godoni Irijaho tipura panamu.

Hipuru 11:8

Nimairoa vajijino Eparahamiho Godira 'umenajaho Huni ira hena venana. 'Enarena huni ara are'ika'ivo kwaa pina ka'ene Godira hu mahuna ka'ene nahama 'waramaji va'ana. Hu va'ajaho kwaa ichihicha va'u roji'i pakama paheji'i va'ana.

Hipuru 5:9

Ijihuni hahi Godira vejume Hu Ni'ajúhi'ina Natohwa ariramaa renana. 'Ena'omo Jesuho majama hihuni Anesura'omo ea irara Huni ira hena ve'amajaho hu majama hihuna.

Juta 1:20

'Enakaivo vwehu nuna ka'ene na ja oja mihi'inakije joni nimaaroijaho veje emare'amana. 'E'eje Godoni 'Avena vajijino siporua 'o'avara.

Juta 1:3

Napuhu nuna ka'ene na oja mihi'inakije na 'unama ka'ene nú venume maranúana ka'ene nú apejaji asura vene ja 'wara'irono amairiaravuta. 'Enakaivo na iviamaa asurakaho vene ja jarirame 'waravujaho nimairoa ka'ene Godira Huni ehija mihajaho ja ija kisi 'uname 'ajohuna'e asurakaho veju.