Akisi 4:36 - Godoni vuʼa maiuʼina

³⁶ Ea pina huni iha Josapina kaivo Jesuni pwehipo iha pina 'iame Panapasina 'wavura. Ijí Panapasi 'wavu kajihuni maijaho Ni'ajihi'ina 'wavura. Hu Rivai oni amuja 'ee kwaa iha Saiparasi nahejara.

Akisi 4:36 Iomraidhean Croise

Maka 3:17

Jemisi'o Joni'o Sepati oni harihija Jesu pu ea no'ona kaivo iha nikwinu'ina kaji Poanejisi ahuma 'uriha 'waramana. Ihaka Poanejisina 'wavujihuni maijaho Akúpi 'Anúu Harihija 'wavura.

Akisi 11:30

'Ejume pu ijá venareja Panapasi'o Soru'o puni ija tahi irechavume pu 'eka va'e eruta vajihara.

Akisi 12:25

'E'eme Panapasi'o Soru'o Jerusaremi hiji'i kaukara vejuma pa'arejume pu kú'o 'unama va'e Joni ka'ene Makana 'wavujaho aheme pu pu'úmo roara.

Akisi 13:1

Enitioki sosia vajijaho poropetia 'ee najahi'inijija ijí hijara. Panapasiho Simiani ka'ene ea ajijaho 'ee Rusiasi ka'ene Sairini orijaho Manaini ka'ene Heroti oni napurijaho 'ee Soru 'u'o ahuma ijihi pu'úmo hijara.

Akisi 13:15

'Ejumakame ea ka'ene Sinakoku 'ajohi'inijipo tamana 'ee poropetia tahume pa'arejume ijá 'iava Vwehije ja vu'a 'aho'a ea ikihi ni'ajihe 'warahuna'e re'avajaho 'waraha 'iavara.

Akisi 13:2

'E'eme pu Natohwiji oja vwihanareja pu 'iruma aura areme siporua 'oji'i hi'eme Godoni 'Aveni ijá 'iama Panapasi'o Soru'o irechamie kaukara raka ka'ene Na pura ve'avarono 'umenauji veja 'iamana.

Akisi 13:4

'Ene pu Godoni 'Aveni irechamiume va'e Serusia useme ijino sisima ajima Saiparasi va'ara.

Akisi 15:12

Eaka mapoka ka'ene ijí hija kajija pu masuani varirareasaha Panapasi'o Poru'o Godira raka ka'ene pu pu'úmo Jenitaru puni aacha 'ee ea areri pavehuna ka'ene vejaji 'waravume hejara.

Akisi 15:2

Poru'o Panapasi'o pu pu'úmo na'ia mapoka ni'ima'ura'e ninakaravume 'ee ea ka'ene Godi nimaa roji'inijipo Poru ho Panapasi ho 'ee ea 'aho'a ka'ene nimaa roji'inijihi pu'úmo iji pijihume Jerusaremi apasoru 'ee ea eruta 'aho'a ka'ene hijajihipuni nini ike 'wama amairi'irono va'ara.

Akisi 15:37

'Ejume Panapasira ura renajaho Joni ka'ene Makana 'wavujara pu pu'úmo vahuna'e ura renana.

Akisi 15:39

'Ejumakame pu panimaa vetiarame rana'arame Panapasira Makaho aheme sisima ajime Saiparasi va'ana.

Akisi 21:16

'Ejumakame tisaiporu 'aho'a Sesaria ora nú pu'úmo vu'ajivara'omo pu nú aherume Nesani ka'ene Saiparasi orijihuni sei va'ara. Hu niho'o nitama tisaiporua rene hinapene roajihuni sei hijara.

Akisi 21:3

'Enareja nú Siria va'iro vai'i Saiparasi 'ana'inija'i kavi'i va'e Taia Siria vaja kajina'omo va'ara. Sisima kukua 'aho'a irecha'irono va'ana.

Akisi 27:4

Nú ijí rena va'eme puuri hiravumakame Saiparasi hana'ija'i va'ara.

Akisi 9:27

'Ejume Panapasira hu ahema apene apasoru puni roe hura Natohwiji 'unamutoi ichá'ina ka'ene kavume Hura vu'a 'waramana 'ee Tamasikasi Jesuni iha 'ahi paju'ika'i 'waramajaho 'waramana.

1 Koritia 14:3

'Enakaivo ea ka'ene poropetia puni iri 'waramujaho hu emaapo emare'asa'avarono 'warame 'ee ni'ajihe 'warame 'ee oja sonahi'amarono 'waramuna.

1 Koritia 9:6

'Ú nú Panapasi'i kaukara ka'ene nú 'unúnamúe ni'ajú'eju'e va'uji arehuna núni harura panamu raka?

Karesia 2:1

'Ene juara iropu ropu no'ona no'o pa'are'eme iji'a na kú'o 'uname Jerusaremi Panapasi ho 'ee Taitasi ho ijá aherame va'uta.

Karesia 2:13

'Ejume Jua 'aho'a ni'ajahe ira'ata kaja'ina vejara. 'Ene pura ira'ata ka'ene ija'ina veja kajara rejume Panapasi 'u'o ira'ata kajara tairiume va'ana.

Karesia 2:9

Jemisine Sipasine (Pita) 'ee Joni ijano tukeja'omo maiji vwihani'ina ka'ene na mihaji kamareja pu nú Panapasi'i ahuma Jenitaru puni va'e ni'ajihe 'ee pu sisa 'uhua'ini jihipuni vahuna'e nimaa vetiarame ija 'ekuara.

Korasia 4:10

'Ene Arisitakasiho na hu'úmo tipurai hinuna'omo ijara ja 'ajoramu 'ee Panapasi oni vwina Maka ka'ene ja hununa'i vu'a 'aho'a hejajara joni roa ka'avajaho 'ajome 'ahe'avara.