Akisi 4:13 - Godoni vuʼa maiuʼina

¹³ Emaa kajipo kivume Pita'o Joni'o puni una'i namine paju'i kaivo ajira 'waravara. 'Ejumakame pu ea kajija sikurua pakavi'ina 'ee ea mamaha'omo ea najahaji kimareja niho'o oja hwa'usahura. 'Ejume emaa kajipo hejajaho pu Jesu pu'úmo 'urahojura hejara.

Akisi 4:13 Iomraidhean Croise

Matiu 11:25

'E'ikaivo ijihuni vea kajino Jesura eha vene ijá 'wama Amo ka'ene akúpa mwe'a ijihuni Natohwiji'o Na teimani 'wavujihuni maijaho Ara uneunechakija ea ka'ene vwiha mamaa vwihaji'inijija 'ee hena kavi'ini jihipuni una'a pavejume samaa renana kaivo kasimaaru najahana.

Matiu 26:71

'E'eme Pita hu iji'a kami vwicha jiami va'eme vu napara pwea pini kamarena ijí ea ka'ene vwicha jiami namijaji ijá 'iama Ike ea kakaho Jesu ka'ene Nasareti oriji'i 'urahonuna 'iamana.

Matiu 26:73

Ijihuni túna'a kajakaru ea ka'ene ijí manamija kajipo roareja Pita ijá 'wava Nima'e a 'u'o puni ea pina. Ijihuni maijaho ara ira ka'ene 'warumujara samaa renu 'wavara.

Ruku 22:8

'Ejume Hu Pita'o Joni'o irechamie ijá 'iama Va'e Pasova ihuniji amairie nú ija 'iamana.

Joni 19:26

Jesu oaha kame 'ee Huni tisaiporu pinaka Hu oja mahujaho kavi'i ijá 'wama Napara karere oni Hariha kama 'wamana.

Joni 7:15

Jua Hura 'warama kaji pu henareja oja hiana'eme ijá 'wava Ike eakaho Hu sikurua pavenana kaivo Hu ichá'ina he paranane? 'wavara.

Joni 7:49

'Enakaivo ike ea kijahija Mosisi oni tamana pahena pavejura'omo ijihuni hahi pu eha sisea apehuna 'iamana.

Akisi 4:14

'Ejumakame ea ka'ene pu vejuma maranajaho ijí pu pu'úmo namijumakame emaa kajipo 'warahuna areri parenana.

Akisi 4:19

'Ejume Pita'o Joni'o eha vene pu ijá 'iava Ja vwihajujaho 'unama ariramaa raki jarane? Joni ira hena vehunijina ho Godoni ira hena vehunijine?

Akisi 4:29

Oo Natohwe iviamaa pura juha vu'a kisina ka'ene 'wavujaho vwihana. 'Enareje nú Oni pwehijakaho ni'ajúha. 'Ejakame nú harura'e Oni ira 'wara'avajaho paju'ika'i nú ea najaha.

Akisi 4:31

Pu siporua 'ojume pa'are'eme ijí sea ka'ene pura hija kajaho vari'eme Godoni 'Aveni puni vaji ruha apenana. 'Ejume iji'a Godoni vu'a paju'i kaivo aneja vene najahara.

Akisi 9:27

'Ejume Panapasira hu ahema apene apasoru puni roe hura Natohwiji 'unamutoi ichá'ina ka'ene kavume Hura vu'a 'waramana 'ee Tamasikasi Jesuni iha 'ahi paju'ika'i 'waramajaho 'waramana.

Akisi 9:28

'Ejume hu ijí pu pu'úmo mataume Jerusaremi paju'ika'i Natohwi jihuni iha 'ahi vu'a 'warame ojara.

1 Koritia 1:27

'Enakaivo Godira uneunecha maa pa'ana ka'ene iki mwe'i navujino 'eke veje ea ka'ene vwiha mama'ina rukinijihi juna'avarono iji pijihana. 'Ene Godira uneunecha ajuasina ka'ene iki mwe'i navujino 'eke harusinijihi juna'avarono iji pijihana.

1 Koritia 14:25

'Ene hema ka'ene huni oja vaji navujija veje roe samaahiravakame hu aruha arihe Godi oja mahi'i ijá 'iava'e Godiho nimai joni vaji hinu 'iahuna.

2 Koritia 3:12

Nú ijaho nimaa rojujihuna'e nú harura vene kirasahi'i 'waravura.