Akisi 3:6 - Godoni vuʼa maiuʼina

⁶ 'Enakaivo Pitara ijá 'wama Na siriva 'ee korutia pa'ana kaivo raka ka'ene núnuna'i namuji na mahu. Jesu Keriso ka'ene Nasareti orijihuni ihiji 'urahi'i 'waravukúne 'urina namina va'a.

Akisi 3:6 Iomraidhean Croise

Matiu 10:9

'Enakaivo ja ijí va'i ve'avajaho korutia ho siriva ho kapa monijaho pina joni tuja vaja niho'o pana'avara.

Matiu 7:22

'Ena'omo ijihuni vea kajara ro'eja'e iji'a ea mapoka Na ika'ina 'warihuna Natohwe Natohwe 'ú nú Oni ihi vu'a 'waravure? 'Ene Oni ihi 'urahi'i 'avena sisea ajima'inijija siomahure? 'Ene uneunecha mapoka ea areri pavehuna nú vejure? 'wihuna.

Maka 14:8

Naparakaho unenu'u pina hu areri renajaho hu nivenana. Nara kwahuniji hu Nuni haha amairihana.

Maka 16:17

Ea irahipo nimaa ro'avajaho aachakipo najahuna. Eje pu Nuni ihi 'ahi 'avena sisesa siomahe 'ee ira maiu'ina 'wahuna.

Joni 19:19

'E'eme Pairati asura ira ika'ina vene korosia huri 'ananamana Jesu Nasareti Ora Jua Puni Kinia 'wame venana.

Akisi 10:38

Ja nihejara Jesu ka'ene Nasareti Godira Huni 'Avena mahe 'ee Huni harura iji'i mahana. 'Ejumakame Godi hu hu'úmo hinujihuna'e Hu kwaaka mapokakino va'e mamaa vene ea ka'ene 'avena sisea ajimai'ina siomahuna.

Akisi 16:18

Hu na'ia mapoka ijaiharu vejume Poru hene sevume hu ta'arohe 'avena sisea kajaho ijá 'wama Na Jesu Keriso oni ihi 'urahi'i 'waravukúne ro 'e'una 'wamana. 'Ejume nijakaru roe 'e'unana.

Akisi 2:22

'Enakúne Isureri orakije ike vu'akaho hami heha. Jesu ka'ene Nasareti ora ka'ene Godira nimaa vene iji pijahe ranavume roajihuni vaji huni aacha ani ani'ina ea areri pavejujija joni vaji venajaho ja ojono nihena kavu.

Akisi 2:36

Ijihuna'e 'warave ea mapoka ka'ene Isureri hijujaho niho'o hami hami he para'avara. Godira Jesu vejume Natohwa rene 'ee Keriso renana ka'ene jara icha 'ahi 'anaajina 'iamana.

Akisi 3:16

'Ena'omo nú Huni ihiji nimaa rojujihuna'e nú ijí Jesuni iha kaji 'urahi'i 'waravume ea ka'ene ja kame hejukaho maranana. 'Ene nimairoa ka'ene Huni vaji rena roajara vejume ea ikaho maho'o joni una'i marana paranana.

Akisi 3:5

'Ejume hu unenu'u pina pununa'i apehuna vwihaji 'urí ahasirima kimana.

Akisi 3:7

Huni ija mana'inija'i 'unama apene 'urijume ni'aha kwinu 'urina kajino huni mumora 'ee atoka kajija marasahe harura rejara.

Akisi 4:10

Ja ea mapoka 'ee Isureri orakije ike he'avara! Ijaho Jesu Keriso Nasareti ora ka'ene jara icha 'ahi 'anaume kwamana'omo Godira vejume kú'o 'urina jihuni ihijara vejume ea ka'ene joni una'i naminukaho maranana.

Akisi 4:7

Pu no'o aherame roe puni una'i irechami'i kaivo pu aporama ijá 'iava Rakijihuni haruri vejare? Irahuni ihi 'urahume ijaho aranane? 'iavara.

Akisi 9:34

'Enarena Pitara hua ijá 'wama Eniasi! Jesu Kerisora veju'e sonahaukúne 'urina oni suha mwama 'wavume hu ni'aha kwino 'urinana.

1 Koritia 4:11

'Ene ike iviamaa veakaho nú matunume 'ee toa hunume 'ee kukua maa pasame 'ee siseisei 'ahúe 'ee ara pa'ana'e renúu.

2 Koritia 6:10

'Ene areri temuki rarenuhuna vo majamano temarasahura. 'Ene uneunecha pa'ana vo nú venau'e ea mapoka puni hia areri renaura. 'Ene nú pa'ana vo nú uneunecha maho'o rukima'ura.

2 Koritia 8:12

Ijihuna'e ja vajihuna'e amairiara'avajaho ijaho ea irara hununa'a areri navuja'ina'e vaji'amana kaivo hununa'a ija'ina pa'ajaho pavajihuna.

2 Koritia 8:9

Ijihuni maijaho núni Natohwa Jesu Kerisora maiji vwihanúajaho ja nihena kavara. Hu niho'o arerina kaivo Hu roe jonijihuna'e pa'ana'e renana. 'Ejakame Hura pa'ana renana vajijino jara roe areri rena parani'amarono avanana.

Jemisi 2:5

Vwehu nuna ka'ene na ja oja mihi'inakije heha! 'Ú Godiho ea ka'ene mwe'akino pivusahi'ina ka'ene Hu oja mahe 'ee puni nimairoa marasaha parane 'ee aachi'a ka'ene Godoni ari vahunaka nahama 'waramaji apehuna ija papijihana raka?

1 Pita 4:10

Ea kwinu kwino swara ani ani'ina ea 'aho'a ni'ajihuna'e 'ekajihuna'e Godoni maiji vwihanúajaho 'unama ani ani'inijino naja'avara.