Akisi 24:25 - Godoni vuʼa maiuʼina

²⁵ 'Ejume Porura 'unama ariramaaru vehuna 'warame 'ee hia hami 'ajohuna 'ee Godira 'otua túna'i ni'ima'uraka vehunijaho 'waravume Pirikisiho ijí henarena tea juvume raname ijá 'wama Va hino'eje nara kú'o 'umena heji'i ro'amana 'wamana.

Akisi 24:25 Iomraidhean Croise

Matiu 22:5

'Ejume ijí huni pwehija kajipo va'e 'waravara kaivo pu ucha'asahe ea pwina'a puni juasi'i va'ume ea pwina'a puni moni kaukara vejara.

Joni 16:8

Hura ro'amajaho Hura vejakame mwe'a kehuni ea pu sisei jihuni maa hehuna 'ee arira maijaho hehune 'ee 'otua vehuni 'unamijaho hehuna.

Akisi 10:42

'Ejumakame Hu 'waruma jihuna'e nú Huni vu'a ea mapoka samaumai najahu. Jesu ka'ene Godira iji pijahume ea ka'ene mai'o hijura 'ee kwamasahi'ina ijihipuni 'otua vehuni jihuni vu'a nú 'waravura.

Akisi 17:13

'Ejumakame Jua ka'ene Tesaronaika hijujipo hejajaho Poruho Godoni vu'a Peria 'u'o najahuma henareja pu va'e eaka mapoka kajihipo varapa ve'avarono oja inaara.

Akisi 17:2

'Ejume Poru oni tamana'omo hu puni va'e Sapati no'opisu pu pu'úmo Godoni ira vaji tahe pira'aravara.

Akisi 17:32

Pu he'eme ijí kwama 'urina kaji 'waravume hejajaho ea 'aho'a ijasahume 'ee ea 'aho'a ijá 'wava Nú kú'o vu'a ikaho he'i 'ahúu 'wavara.

Akisi 2:37

'Ejume pu ea kajipo ijí henareja pu oja 'urina parajume Pitaho 'ee apasorua 'aho'ijija ijá 'iava Nú ichá'ina ve'eja? 'iavara.

Akisi 24:15

Na nimaa rojujaho ea ka'ene kwamasahi'inaka ea ariramaa 'ee ea siseijipo kú'o 'urihunaka pura nimaa rojaja'ina'e na 'u'o nimaa rojura.

Akisi 24:26

'Ene veaka nikwinu'ina kajino Pirikisira vwihanajaho Porura hua'e monia vaja'eje ranava va'amarorena hu na'ia mapoka Poru 'umeju'e hu va'e hu hu'úmo vu'a 'wavura.

Akisi 26:28

'Ejume Akuripara eha vene ijá 'wama Poru iviamaa vea tu'uakino a na venie na Keriso oni ea re'i veju 'wamana.

Akisi 9:6

'Enakúne 'urinareje ari va'a. 'E'eje ara iraka ka'ene vehunijaho ijí 'wara'amana 'wamana.

Romani 12:1

Vwehu nune na ja jariravi'i 'waravukúne. Godira ja numiramani vajijino joni hahijaho mai'o hine akuavi'ine 'ee swasa ka'ene Godi teamahuni ja'ina'e vene ma'avara. Ijaho raka mamaa ka'ene núra Godi oja mahe venahunijina.

Romani 14:12

'Enajihuna'e nú ea kwinu kwinu Godoni una'i namine raka raka ka'ene nú vejujija nahama 'warahuna.

Romani 2:16

Ijí vea kajino Godira emaapuni hema Jesu Keriso oni vaji namahuna. Ikaho nuni vu'a.

1 Koritia 4:5

'Enajihuna'e marako vu'a nimaijaho pahe'i kaivo ea namaha va'ava. 'Enakaivo masuani 'aja'eje Natohwijara ro'amajino iraka ka'ene nututi tanume navujija veje roe samaumaa re'amana. 'Ene emaa huni oja vaji ichá'inijaho Hura veje roe samaumaa'e rehuna. 'Ejakame ea kwinu kwino ta'arorahujaho Godina'i rena rohuna.

2 Koritia 5:10

Ijihuna'e nú ea maho'o Keriso oni 'otua asúki ijihuni una'i namihuna. 'Ene nú ea kwinu kwinu núra hahiji'i hijari veijino ichá'ina ka'ene mamaa ho sisea vejajaho eha areri ija'ina'e apehuna.

2 Koritia 6:2

Ijihuna'e Hu ijá 'waramana Vea nimaa nimaijino Na oni vu'a ataa apúsavura. 'Ene maraniani veijino Na ni'ajahuta 'wamana. Heha! Iviamaakaho vea ka'ene nimaa nimaijina. 'Ene iviamaakaho maranahuni veijina 'iamana.

Karesia 3:22

'Enaka'ivo Godoni irijara 'warumajaho ea maho'o sisea huni hari hiju. 'Enajihuna'e ea irahipo Jesu Keriso nimaa ro'avajaho pu raka ka'ene nahama 'waravajaho apehuna.

Karesia 5:23

Vivinui hiji'ine 'ee 'ajo'aravujine uneunecha ika'inijija varapa pa'ana.

2 Timoti 4:1

Na Godiho 'ee Jesu Keriso puni una'i a Ira naja'amarono 'waravu. Ijihuni maijaho Hura Kinia'e rene hi'iro'amajino ea ka'ene mai'u hijura 'ee kwamasahajija 'otua vetihuna.

Taitasi 1:8

'Enakaivo hu apiora oja mihe hami 'ajoahuna. 'Ene maijiru oja mihuna 'ee hu hami vwihaji'i vehuna 'ee hu ea mamaa 'ee huni kaukara oja mihi'i venuna 'ee hu oja pahiavi'ina 'ee pa'uriji'ina.

Hipuru 12:21

Mosisi raka ka'ene ijí renaji kamarena hu 'u'o tea juvumakame na 'u'o tea junime 'ee tatotima paraniu 'iamana.

Hipuru 3:13

'Enajihuna'e iviasi 'warumu kaja'ina'e veku veko 'wame ni'ajara'avara. Vejuro'i joni vaji ea pina siseijara pisimie huni oja kisima'ura rehuna.

Hipuru 4:1

Nú va'e 'ojuta hwehunijaho Godi nahama 'waramana'omo majama ija'ina namu. Ijihuni maijaho ja ea 'ahopo ijí pavahuni jihuna'e tea junumuna.

Hipuru 6:2

'Ene kú'o pa'unama vu'e toa samauri vu'a 'ee ija húmata 'ahi irechamiuri vu'a 'ee kwamasahi'inijipo kú'o 'urihuni vu'a 'ee 'otua vene majama eha sisea apehuni vu'a kú'o hura hara pa'warahuna.

Hipuru 9:27

Emaa kwinu kwino kwamasahuni vea iji pijahu'e namuna'omo kwamasahareje 'otua vehuna.

Jemisi 2:19

'Ú a nimaa ronujaho Godiho nikwinune? 'Ejume ijaho a mamaa venu. 'Enavo 'avena sisesa 'u'o ijaho nimaa rone niho'o simamaruvi'i hiju.

1 Pita 3:15

'Enakaivo na'ia mapoka Kerisoho Natohwa roji'i joni oja vaja kajino amura'e rana'avara. 'Ene joni nimaaroiji vahame 'warahunijaho amairiara'irakúne ea 'ahopo ijí he'irono apora'avajaho ja chochumano puni hura veji'i 'wara'avara.

2 Pita 1:6

'Ene joni henaka vajijino ojono 'ajoarame kirasahunijaho aperu umana'avara. 'Ene vivinui hijuri vajijino Godoni 'unamaji vejujaho aperu umana'avara.

1 Joni 3:10

Ikaho 'unama ichá'ina ka'ene ea irara Godoni harihe 'ee ea irara 'avena sisei jihuni harihiji hena kihunijina. Ea irara sisea veji'i hine 'ee vweaha oja pamahujaho hu Godoni ea pana.

1 Joni 3:7

Sesahu nune paveje ea 'aho'a ja pisivi'avara. Ea irara arira maiji venujaho hu arira. 'Ene Hu arimai ja'ina'e hu 'u'o arira.