Akisi 20:1 - Godoni vuʼa maiuʼina

¹ Ea kajipo irano'a ka'ene apejajaho pa'are'eme Porura tisaiporu 'waravume nianaa roume pu vu'a ni'ajihe 'waramarena irechami'ika'i hu Mesatoniai va'ana.

Akisi 20:1 Iomraidhean Croise

Akisi 11:26

'Enarena hu va'e kame ahema apene Enitioki va'ana. 'Enarena pu no'o juara kwino ijí hijara. 'Ene ijino sosia epu'úmo piuna'arame ea mapoka najahara. 'E'eme tisaiporu ijija amura'e Enitioki Keriso oni ehija 'wavara.

Akisi 16:12

'Ejara'omo ijí rena va'e Piripai usevara. Ijaho Mesatonia opuni kwaa ni'ina'omo nitama Romuupo 'ajohara'omo nú ijino na'ia makacharo hijara.

Akisi 16:9

'Enarena ijino na'i Poruho visoni kavume ea pina Mesatonia ori arini namiji'i ijá 'wama A Mesatonia roe nú ni'ajúha 'wamana.

Akisi 19:21

'E'eme ijihuni túna'ijino Poruho hina oja vaji vwihana ijá rona Na va'e Mesatonia 'e'une va'e Akea 'e'une va'e Jerusaremi vahuna. 'Enareje ijihuni túna'i na va'e Romu 'u'o kahuna ronana.

Akisi 20:10

'Ejume Porura ariha va'e raurahe nami'ika'i apene tahurine 'uriji'i ijá 'iama Hu mai'o hinukúne ja pajume 'ee pavwihaha 'iamana.

Akisi 20:2

'Enarena hu ijí ara ara kajino ea ka'ene nimaa roji'ina ka'ene hinapene oju kajihi vu'a ni'ajihe 'warame roe Kurisi 'e'unana.

Akisi 20:3

'Enarena hu ijino masapa no'opisu hinarena hu 'urine sisima 'ahi Siria va'i ve'eme Juapo hu 'anae kwahuna 'wavuma henarena hu areme 'uname Mesatonia 'unami vahuna vwihanana.

Akisi 20:37

'Enareja pu Poruho aharu 'oname niramaruvi'i apene ura mina vetiara.

Romani 15:19

Godoni 'Aveni jihuni harura vajijino aacha ani ani ea areri pavehunijija vejuta. 'Enajihuna'e Jerusaremi rena va'e Iririkami na Keriso oni vu'a maa maiu'ina maho'o najahuta.

Romani 16:16

Ja pu pu'úmo 'ajosarame nirisa'avara. Keriso oni sosiajipo maho'o ja 'ajoravu.

1 Koritia 16:20

'Ene vwehipo maho'o ja 'ajoravu. 'Ene akuavuri 'unamijino 'ajosara'avara.

1 Koritia 16:5

Ijihuni maijaho na Masatonia vu'e 'e'unareje iji'a jona vuhuna.

2 Koritia 13:12

'Ene akuavuri 'unamijino 'ajosara'avara.

2 Koritia 7:5

'Ene nú Masatonia roaji 'u'o nú niho'o pasonasahe hijara kaivo rora rora kajaho niho'o ahija rarenuna 'ee núni vaja tejuhi rarenana.

1 Tesaronia 5:26

'Ene vwehu núna 'ajorame ura mina vena'avara.

1 Timoti 1:3

Na Masatoniai va'irono a Epasasi hi'amarono 'ejahae 'waravu jihuni maijaho ea ka'ene vu'a ani'ina vajahuji tanu'urihe arehuna'e 'waravuta.