Akisi 2:46 - Godoni vuʼa maiuʼina

⁴⁶ 'Enareja veku veko Temiporui vaji ahuma hine vwiha kwino vwihane 'ee sea sea ijí va'e puretia tuachame ine 'ee 'iruma temarasahi'i oja kwisu reji'i ijura.

Akisi 2:46 Iomraidhean Croise

Matiu 6:22

'Enakaivo joni niijaho areri joni hahaka mapoka kajihi hananii'ina. 'Ena'omo joni nia kajara marana paranujaho joni hahaka mapokijaho hanana paranu.

Ruku 11:41

'Enakaivo joni vaji iraka ka'ene navujaho ea ka'ene uneunecha pa'ajihi vajihakame joni uneunecha mapokakija mamai reja.

Ruku 24:30

'Ejumakame Hu pu pu'úmo ahuma 'iruma'e i'i 'ahaume puretia apene siporua 'one teimani 'wamarena tuama vajihana.

Akisi 16:34

'Ejume hu pu no'o aherame huni sei va'e 'iruma vajihume pu ijara. 'Ejume hu 'ee huni kachi'ina pu'úmo Godi nimaa rojajihuna'e pu ni'ima'ura teamanavara.

Akisi 2:42

'Enareja ijí apasorua kajipo najahajaho henareja pu veku veku ahuma hine siporua 'one 'ee puretia tuachame iji'i hijura.

Akisi 20:7

Hura Natohwijino nú ahuma hine puretia tuachama i'i ve'eme Poruho hu niari vahuni jihuna'e huni vu'a 'aha jora'e 'warama apene va'e na'ia rimai aremana.

Akisi 3:1

Nusirea ape'eju'e pu siporua 'ona 'ojura'omo Pita'o Joni'o ajima va'e Temiporui siporua 'o'i va'ara.

Akisi 5:21

pu ijí hene 'urijajaho sú'u sú'u vea mai'o ahara sama kamino va'e Temiporu vaji najahara. 'E'eme pirisitia natohwa 'ee puni ehijijipo Isureri opuni emaa 'umenaume roe rira kwino ahuma hi'i kaivo ea irechamiume tipurai hiju ro'ika'i ahera'i va'ara.

Akisi 5:42

'Ejumakame pu veku veko Temiporu vaja 'ee sea sea ijino Jesuho Kerisona 'iavi'i najahe 'ee 'warame apene ojara.

Romani 12:8

'Ene Godira ea pina'e vejakame hu ea 'aho'a vu'a ni'ajiha 'wara'amajaho hu ijá ve'amana. 'Ene Godira ea pina'e vejakame ea 'aho'a ni'ajihe vaji'i veja ka'avajaho maka'eje ea vajihi'ina'e re'amana. 'Ene Godira ea pina'e vejakame hu ea 'aho'a 'ajoha'amajaho maka'eje ea hami hami 'ajoha'amana. Godira ea pina'e vejakame hu ea 'aho'a numiravi'ina'e reja ka'avajaho maka'eje teama'eje hu numira'amana.

1 Koritia 10:16

Kapusia ka'ene merajihi'ina ka'ene nú teimani 'wa'i kaivo nú ea maho'o ijí ijujaho 'ú Keriso oni 'aijara nú merajúhaji vwihaji'i ijo? 'Ene puretia ka'ene núra tuachame ahuma ijujaho 'ú nú Keriso oni hahiji vwihaji'i ijo?

2 Koritia 1:12

Ijihuna'e núra teamanumujaho ikena. Núni vwiha ijara 'warumujara nú Godoni maiji vwihanii'ina vajijino mwe'a ikehuni vaja 'ee jonuna'a kara mamaa vejara. Nú akuavare Godi ura renuni 'unamijino nimaa nimaiji vejara kaivo mwe'a kehuni vwiha ijihunijaho pana.

2 Koritia 11:3

'Enakaivo vejuro'i taparijara huni henaka ira'atijino Ivi pisimia ja'ina'e hu joni vwihaiji 'u'o veje ja Keriso oja nimaa ka'ene mahuji arehunijara na tea junimu.

Epasasi 6:5

'Ene pwea joni mama'ina ka'ene mwe'i hiju jihipuni ira hene tea juname 'ee simarame 'ee oja nimaiji same Keriso ona'e vena'ama ja'ina'e ve'avara.

Korasia 3:22

'Ene pwee joni mama'ina ka'ene iki mwe'i hijujihi puni ira hene ve'avara. Ja paki'eje joni mama'inapo kihuni jihuna'e puni nia aharu kaukara ve'ava kaivo joni ojiji'i Natohwiji juhavi'i ve'avara.