Akisi 2:4 - Godoni vuʼa maiuʼina

⁴ Godoni 'Aveni ruha apene paranarena venaume pu ea maho'o aneja vene ira ani ani'ina 'wavara.

Akisi 2:4 Iomraidhean Croise

Matiu 10:19

'E'eje pu ja 'eka'e nama'irono va'a ki'avajaho ja pajumareje ika'ina vwiha'avara. Na vina vu'a ichá'ina'e 'wara'ejo? paro'amana. Ijihuni maijaho vea ka'ene ara 'wara'i ve'amajino raka ka'ene ara 'warahunijaho vajahe 'warahuna.

Maka 16:17

Ea irahipo nimaa ro'avajaho aachakipo najahuna. Eje pu Nuni ihi 'ahi 'avena sisesa siomahe 'ee ira maiu'ina 'wahuna.

Ruku 1:15

Hu niho'o Godoni rori ea ni'ima'ura mavarasa'ina'e 'urihuna. Hu niho'o 'wainia 'ee toa kikisina paihuna. Hu nahe'avari anejijino rene Godoni 'Aveni samahe tinia apena parahuna.

Ruku 1:41

Vea ka'ene Merira 'ajomaji Irisapeti he'eme hariha huni tea vaja kají pipijuku'eme Godoni 'Aveni Irisapeti oni vaja ruha apenana.

Ruku 1:67

Huni oma Jakaraiasiho Godoni 'Aveni tinia apejume raka ka'ene iji'a rehunijaho ika'ina 'waramana.

Ruku 12:12

Ijihuni maijaho ijí vea muka kajino iraka ka'ene jara 'warahunijaho Godoni 'Avenijara naja'eje 'warahuna 'iamana.

Ruku 21:15

Ijihuni maijaho Nara vu'a ka'ene ara 'warahuna vajahakame oni naka ara vu'a ka'ene 'wara'amajaho hene pu areri patanu'urahe 'ee pu niho'o unenu'u pina areri pa'warahuna.

Ruku 4:1

Jesuho Jotani rene Godoni 'Aveni ruha apena para'eme 'Avena kajara aheme nechi'i va'ana.

Joni 14:26

'Enakaivo joni Ni'ajihi'inaka Godoni 'Avenijaho Amora ranave Nuni iha 'ahi ro'amajara uneunecha mapoka najahune 'ee Hura Nara 'waravujaho veje ja vwihahuna.

Joni 20:22

Hu ijá 'waramarena Hu iruhoa vetie ijá 'iama Godoni 'Avena apeha 'iamana.

Akisi 1:5

Ijihuni maijaho Joniho ja toi vaji samaume 'urijara kaivo na'ia josu'a pare'eje ja Godoni 'Aveni samahuna.

Akisi 1:8

'Enakaivo Godoni 'Aveni roe ja samahakame ja harura apenareja'e iji'a Jerusaremi 'ee Jutia 'ee Sameria Na rone najahuna. 'Ene ike mwe'akaho maho'o najahuna.

Akisi 10:46

'Ejume pu he'eme pu ira ani ani 'wavi'i hine Godi ta'arohara. 'E'eme Pitara eha vene ijá 'iama

Akisi 10:47

Núra Godoni 'Avena apeja ja'ina'e pu 'u'o apejara'omo pua'e toi samahunijaho irara tanu'ena? 'iamana.

Akisi 11:15

Na ijí vu'a kaji aneja vene 'wara'eme Godoni 'Avena ariha roe pu samahana. Areri amura'e nú samuha ja'ina'e samahana.

Akisi 11:24

Hu ea mamae 'ee nimaa roji'ine 'ee Godoni 'Aveni ruha apena paraji'ina'omo ea mapoka Natohwi jihuni ea rejara.

Akisi 13:52

'Ejumakame tisaiporua Godoni 'Aveni ruha apena parajukame niho'o teamana'eju'e hijura.

Akisi 13:9

'Ejumakame Soru ka'ene Poruna 'wavujaho Godoni 'Aveni huni oja vaja rarena parajumakame hu niimano kanavi'i

Akisi 15:8

Godira eaka mapoki jihipuni oja vajijaho nihena ki paranarena pua'e najaharena Huni 'Avena nú múhaja'ina'e pu mihana.

Akisi 19:6

'Ejume Porura huni ija puni húmata 'ahi irecha'eme Godoni 'Avena ariha roe pu samahume ira ani ani 'wame 'ee túna'i raka ka'ene rehunijaho 'waravara. 'Ejume pu Godoni vu'a ea 'aho'a 'waravara.

Akisi 2:11

Nú ea 'aho'a Kuriti ore 'ee Arapia ora 'avo pu hine núni imai Godira uneunecha mama'ina ka'ene venaji rone 'wavu 'wavara.

Akisi 2:3

'E'eme pu ki'eme ira ka'ene vena sa'inijipo rene roariharene ea kwinu kwino puni haha 'ahi tirohara.

Akisi 4:31

Pu siporua 'ojume pa'are'eme ijí sea ka'ene pura hija kajaho vari'eme Godoni 'Aveni puni vaji ruha apenana. 'Ejume iji'a Godoni vu'a paju'i kaivo aneja vene najahara.

Akisi 4:8

'Ejume Pitaho Godoni 'Avenijara ruha apena parajumakame emaina 'ee puni mama'ina ijá 'iama

Akisi 6:3

'Enakúne vwehu núne joni vaja kajino ea iropu no'o ea ka'ene Godoni 'Aveni ruha apena paraji'ina 'ee iha mamaa 'ee hami hami vwihaji'inijino pijihakame ijipo ike kaukara ikaho 'ajo'avara.

Akisi 6:5

'Ejume ea mapoka ijí vu'a kajaho ura renana. 'Ejumakame pu Sitivini iji pijahara. Hu nimaa rona paraji'ine 'ee Godoni 'Aveni huni oja vaja rarena paraji'ina'e pijahara. Ea pina Piripune 'ee Pokorasine 'ee Nikenorine 'ee Timonine 'ee Paramenasine 'ee Nikorasina. Nikorasiho Enitioki ora kaivo hu va Jua renarena'omo Godoni ea rene ijí Jua pu'úmo hinana.

Akisi 6:8

Sitiviniho maiji vwihanii'ina rarena parane 'ee harura rarena parana jihuna'e Hu aacha ani ani'ina vene 'ee uneunecha ka'ene ea areri pavehunijija epuni vaji vejume rejara.

Akisi 7:55

'Enakaivo Sitiviniho oja vaja Godoni 'Aveni ruha apena parajumakame akúpa 'ahi nia nirinama kavume Godoni hanaji'ina kame 'ee Jesuho Godoni mana'inija'i naminana.

Akisi 8:17

'Enajihuna'e pu aneja vene puni ija ea kajihipuni húmata 'ahi irechamiume Godoni 'Avena apejara.

Akisi 9:17

'Ejume Ananaiasi sea kajino va'e arumana. 'Enarena huni ija haha 'ahi ranamahi'i ijá 'wama Soru vwea nunakera. Jesu Natohwa ka'ene ara 'unamutoi kamajara na ranamiume routa'omo a kú'o nia niri'ena. 'Eje Godoni 'Avena oni oja vaja ruha apena parahuna 'wamana.

Romani 15:13

Jara Godia ka'ene nimaa rojujara temara 'ee matauvi'ini samahakame jara nimaa rojajaho Godoni 'Aveni jihuni harura vajijino itusahe ameurahe ariha.

1 Koritia 12:10

'Ene ea pina uneunecha ka'ene ea areri pavehuniji mahuna. 'Ene ea pina poropetia puni iri 'warahuna'e vajahuna. 'Ene ea pina 'avena ichá'inijihi puni ani'inijihi kihuna'e mahuna. 'Ene ea pina ira ani ani'ina 'warahuna'e mahuna. 'Ene ea pina ijí ta'arohuna'e mahuna.

1 Koritia 13:1

'Ene na emaapuni ira ani ani'ina 'warame 'ee 'ona oji'ina puni ira 'wara'ika'i ea oja pami'ipisa na areri maa pa'ana'e reju'u 'ee tini ata puna'i 'umene 'ee kurupate puna'i kure kurevu'u.

1 Koritia 13:8

Oja mihuni 'unamijaho maiji nama apene vai'i nahuna. 'Enakaivo swara 'aho'a poropeti epuni ira 'warahuna kaivo ijija pa'arehuna. 'Ene 'aho'a 'ira ani ani 'warahuna kaivo ijija pa'arena vahuna. 'Ene 'aho'a henaka kaivo ijija pa'arehuna.

1 Koritia 14:18

Na Godi teimani 'wavujaho nara ira ani ani 'waravujara ja maho'o asita ranamana.

1 Koritia 14:5

Na ura ja ea maho'o ira ani ani'ina 'wahuna ura reniu kaivo na natohwa ka'ene ura reniujaho jara poropetia puni iri 'warahunijara ura renia paranu. 'Enajihuna'e ea ka'ene poropetia puni iri 'waramujara ea ka'ene ira ani ani 'waramujaho asimana. 'Enakaivo hu ijí ira kaji ta'arohe 'wara'amaji'a sosia pirave emarehuna. 'Eje iji'a pu no'o areri rehuna.

Epasasi 3:19

'Ene Kerisora oja múhajaho hena kahuna. Ijara henaka asitaha paranana. 'Ena'omo ja maho'o Godoni henaka ijara itu'onahe areri renahuna.

Epasasi 5:18

'Ene toa sisea paine nanamie 'unama sisea ani ani ve'avara kaivo 'Avenijara joni vaja tinia apena para'amana.

Epasasi 6:18

'Ene na'ia mapoka'e siporua 'ojuri veijaho 'Avena vaji 'o'avara. Na'ia mapoka'e nia nirii'i siporua ea ka'ene nimaa roji'ini jihipuna'e 'one ihajinanami'avara.

1 Pita 1:12

Pu najahume kavajija pu pupusu pani'ajaravara. 'Enakaivo ja ni'ajihe ike uné raka ka'ene rejajija ea ka'ene vu'a maa maiu'ina 'waravi'inijipo Godoni 'Avena ka'ene akúpi 'ahi ranavume roajihuni vaji uneunecha ka'ene 'ona oji'inapo he'irono ura renaujija 'waravara.

2 Pita 1:21

'Ene poropetiepo vu'a ka'ene 'waravajaho emai huni ura ijino vehuna pana kaivo emaa'e Godoni 'Avenijara venaume Godi rone 'waravara.