Akisi 2:27 - Godoni vuʼa maiuʼina

²⁷ Na niheju. A Nuni 'avena paranave va'e ruha ka'ene veni renujaho vahuna. Oni Ariramaijaho pamaka'eje sakara'ena.

Akisi 2:27 Iomraidhean Croise

Matiu 11:23

'Enakaivo 'ú ja Kapeniami orakija ja ma joni haha kakino 'eka kahino Godoni ari va'iro avajo? Ja niho'o kwa ka'ene veni renuni kwaijino vahuna. Ijihuni maijaho Nara uneunecha ka'ene ea areri pavejuraka joni vaji veju'ukame ja panimai rojuke Satami ija'ina ve'ipisa ijí ara kajaho iviasa ijí nava'a.

Maka 1:24

Jesu Nasareti orikera 'ú A iraka vetú'ena? 'Ú A núa'e ruaru 'ahaume roane? A ea iraho na nikavu. A Godoni arira maijina 'wamana.

Ruku 1:35

'Ejume 'ona oji'inijara eha vene ijá 'wama Godoni 'Aveni samahuna. 'Ee harura ka'ene maho'o Ichuto Maijihunijara raorahuna. Ijihuni hahi Hariha ka'ene arira maiji nahe'amajaho Godoni Hariha 'wahuna.

Ruku 16:23

Hu vena ka'ene pautarutusavi'inijino reji'i a'ama kavume Eparahami oni rori Rasarasiho hinana.

Ruku 24:44

'Enarena Hu pu ijá 'iama Uneunecha ikehija Na ja pu'úmo hijujino 'waravuta. Uneunecha ka'ene Mosisiho poropetiapo 'ee Samusi vaji Na rona 'waravajara nimaa iviamaa renu 'iamana.

Ruku 4:34

Haee! Jesu ka'ene Nasareti orakere A nú iraka'e vetú'irono roane? 'Ú A núa'e 'eka ruaru 'ahaume roane? Na A nihena kavu. A Godoni arira maijina 'wamana.

Joni 11:39

Jesura ijá 'iama Ijí muna kajaho apene ruvaha 'iamana. 'E'eme Mataho ea ka'ene kwamajihuni ma'ina'omo hu ijá 'wama Natohwe iviamai hu niamu'umu. Ijihuni maijaho hu na'ia no'ona no'ona ijá namana 'wamana.

Akisi 2:26

Ijihuni hahi nuni oja vajakaho niho'o teamanivu'e 'ee nuni mitara mari'umu. 'Eju'e nuni haha 'u'o 'ojuta hami hwehuna'e vwihaji'i hiju.

Akisi 2:28

'Enakaivo A majama hihunijaho najihana. 'Ene na Oni una'i hi'ujara veje teamanima paranihuna 'iamana.

Akisi 2:31

Teviti túna'i raka ka'ene rehunijaho hu nihena kamarena hu Kerisora kwama 'urihuniji ronarena ijá 'iama Huni 'Avena paranave va'e ruha ka'ene veni renujaho vahuna. Huni haha pasakarahuna 'iamana.

Akisi 3:14

'Ene ja Ea ka'ene arimaijaho pataarohara kaivo ea ka'ene ea 'aniu'e kwamasahi'iniji mihuna ura renana.

Akisi 4:27

Nimae ike arakino Heroti ho Ponachasi Pairati ho 'ee Jenitarua 'ee Isureri ora ahume Oni pwea ariramaa Jesu ka'ene Ara iji pijahaji ninavu.

1 Koritia 15:52

'Ene areri nia ahatihu ja'ina'e re'eje tauja ka'ene túchamaa ijara 'ume'eje ea ka'ene kwamasahajija papa'arehuni hahiji'i 'urihuna. 'Ene nú ta'arohe ani'ina'e rehuna.

1 Koritia 15:55

'Ú kwamasahuji oni harura ka'ene niho'o asitaha paranajaho ivi'a ichine? 'Ú kwamasahuji oni mwatumiajaho ivi'a ichine?

1 Joni 2:20

'Enakaivo Godira Huni 'Avena joni oja vaji samaha jihuna'e ja ea maho'o nimaa hena kavi'ina'e rejara.

Revaresiani 1:18

'Ene Na majama hiji'inijina. Na kwama 'urijuta'omo pakwahuna kaivo majama hihuna. 'Ene Nara 'unama ka'ene kwamasahuniji'o Hetisi jihuni vwicha kiijaho 'ajohura.

Revaresiani 20:13

'Ene ea ka'ene soha vaji kwamasahe 'ee kwamare'e veni rejujija ni'aha kwinu 'urimara'eme pura raka ka'ene vejaji kivi'i 'otua vetiana.

Revaresiani 3:7

Ike vu'a kakaho Pirateripia sosi 'ajohuni 'ona oji'ina ika'ina venareje 'wara'amana. Ea ka'ene niho'o ariramaa'e ea ka'ene niho'o nimaa nimaaru 'waravi'ine 'ee Teviti oni kia 'ajohi'ina'omo Hura vwicha tirasa'amajaho ei pini kuhuna areri pana. 'Ene Hura vwicha ka'ene ku'amajaho ei pini areri tirasahuna pana. Ijara ika'ina 'waramana.