Akisi 18:5 - Godoni vuʼa maiuʼina

⁵ 'E'eme Sairasi'o Timoti'i Mesatonia rene roara. Poruho na'ia mapoka huni vea natohwa Godoni ira toi raname hine Jua najahe ijá 'iama Jesuho Kerisona 'iamana.

Akisi 18:5 Iomraidhean Croise

Ruku 12:50

Na vea kisini vaji va aruhuna namu. 'Enajihuna'e ijí hine vwihajujaho nuni oja ahisina'e renuna'omo ijara ro pa'arehuniji kavi'i hiju.

Joni 1:41

Hu maku'ijaho huni poka Saimani piuname ijá 'wama Nú Masaia piunavara 'wamana (Masaiaho Keriso rona 'wavura).

Joni 10:24

'E'eme Juapo roe outihe nami'i kaivo ijá 'wava A vea icharo nú pisimúe A rane pa'úmo? 'Ú A Keriso re'amajaho nahama samai 'waruma 'wavara.

Joni 15:27

'Eje ja 'u'o Na rone ea 'aho'a najahuni jihuni maijaho ja nú pu'úmo kami aneji rene hina apene roajihuna'e najahuna.

Joni 3:28

Ja nihe'eme na ja 'waravujaho na Kerisoho pana 'ivuta kaivo Hu mai'o paro'eme ranamiume urana roujina.

Akisi 10:42

'Ejumakame Hu 'waruma jihuna'e nú Huni vu'a ea mapoka samaumai najahu. Jesu ka'ene Godira iji pijahume ea ka'ene mai'o hijura 'ee kwamasahi'ina ijihipuni 'otua vehuni jihuni vu'a nú 'waravura.

Akisi 15:22

'E'eme apasorua 'ee eruta 'ee sosia maho'o hejume nimaa'e rejume pu ea puni vaja kajino Panapasi'o Porui pu'úmo Enitioki va'avarono Jutasi ka'ene Pasapasi'o Sairasi'o nimaa roji'ina puni vaja kajino ea uranii'ina'omo ijí ija pijihara.

Akisi 16:1

'Enarena hu Tepi 'ee Risitara 'u'o roana. 'E'eme tisaiporua pina ijí hinuna. Huni ihijaho Timotina. Huni ohijaho Jua 'ee hu nimaa roji'ina kaivo huni omijaho Kuriki.

Akisi 16:12

'Ejara'omo ijí rena va'e Piripai usevara. Ijaho Mesatonia opuni kwaa ni'ina'omo nitama Romuupo 'ajohara'omo nú ijino na'ia makacharo hijara.

Akisi 16:9

'Enarena ijino na'i Poruho visoni kavume ea pina Mesatonia ori arini namiji'i ijá 'wama A Mesatonia roe nú ni'ajúha 'wamana.

Akisi 17:3

'Enarena hu pu Godoni vu'ijihuni maiji najaharena hu ijá 'iama Godira vejume Keriso kajaho sise'i 'ahaume kwamarena kú'o 'urinana. 'Enarena ike Jesu ka'ene na ja 'waravu kajaho Kerisona 'iamana.

Akisi 18:28

Hu ea mapoka kajihi puni una'i Jua ninama'e Godoni irijino najahi'i ijá 'iama Jesuho Kerisona 'iamana.

Akisi 2:36

Ijihuna'e 'warave ea mapoka ka'ene Isureri hijujaho niho'o hami hami he para'avara. Godira Jesu vejume Natohwa rene 'ee Keriso renana ka'ene jara icha 'ahi 'anaajina 'iamana.

Akisi 20:21

Na'ia mapoka vu'aka rona 'waravujaho nikwinu'inake Jua 'ee Kuriki puni sisea aremamaa are'i kaivo ta'arohe Godoni roe 'ee núni Natohwa Jesu Keriso nimaa roha 'iavura.

Akisi 20:23

'Enakaivo ara ara ikino na va'ujaho Godoni 'Aveni 'warimare'e ijá 'wimuna A tipurai hihuna 'ee ahisina apehuna ajaha navu 'wimuna.

Akisi 20:24

'Enakaivo na nuni hiijaho natohwa pakavura kaivo Godira maiji vwihanúani vu'a mamaa ka'ene ea naja'urono Natohwa Jesura mihaji na ve parahuniji kavu.

Akisi 4:20

Nú raka ka'ene kame hejajaho areri pa'arehuna kaivo nú 'warahuna 'iavara.

Akisi 9:22

'Enakaivo Soruho huni haha harura re'ejume aneja vene Jua ka'ene Tamasikasi hijujihi Jesuho Kerisona 'iavume pu niho'o puruva retiara.

2 Koritia 1:19

Ijihuni maijaho Godi oni Hariha Jesu Keriso rone joni vaja kajino núrane 'ee Siruvenasine 'ee Timotine ijá najahajaho i'a 'iavujaho i'a 'ee pana 'iavujaho pana kaivo Huni vajijaho i'a.

2 Koritia 11:9

'Ene vea ka'ene na ja pu'úmo hijujaho na pivujuta kaivo na ea pina ahija pamahuta. Ijihuni maijaho vea ka'ene vwehipo Masatoniai rena roajino nara pivujujaho maho'o vajihara. 'Enajihuna'e na uneunecha mapokijaho pavejume joni ahija'e renana. 'Ena'omo majaa ija'ina'e vehuna.

2 Koritia 5:14

Ijihuna'e Keriso oni oja mihujara nú 'ajohujaho ivi'a nú hena kavujaho Ea kwinu ea maho'o puna'e kwamana re'amajaho ea maho'o kwamasahara.

Piripai 1:23

'Enakaivo ijí ura no'ohe'i kajipo niho'o 'unirime isoma irechami'i veju. Na ura va'e Keriso'i hi'i 'ahiu. Ijihuni maijaho ijaho niho'o mavarasa'i maijina.

1 Tesaronia 3:2

'Ene hu Timoti núni vwea ka'ene nú pu'úmo Godoni kaukara veji'ina ka'ene Keriso oni vu'a maa maiu'ina 'waravi'ina ranavu'e ja ni'ajihe joni nimairoa kisina'e re'amarono vu'u.

1 Tesaronia 3:6

Iviamai Timotiho ijí joni rene joni pinana maa apene 'unama núni roana. 'Ene jara Godi nimaa rone oja mahe ija kisi apene joni una'i saname vejujaho ro 'warumana. Jara na'ia mapoka nú vwihanúe nú ura ja ki'i 'ahúu ja'ina'e areri ja 'u'o ura nú kú'i 'ahiu.

1 Pita 5:12

Siveniasi núni vwea ka'ene uchaha pa'ajara ni'ajihe asura ikaho venana. 'Enakaivo na asura ma'u'uakaho ja ni'ajihe 'warame veju. Ikaho Godoni maiji vwihani'ina ka'ene nimaijinakúne kirasahe kisima'ura'e rene nami'avara.